Ang Pamilya Yanagida

Si Toshiko kag Tokichi Yanagida nagaestar sa Japan. Nagapati sila kay Jesucristo kag nagpamiyembro sa Iya Simbahan. Pero mabudlay ang pangabuhi sa Japan sang amo to nga panahon. Ginwasak sang giyera ang madamo nga pamalay kag mga bilding. Gusto ni Toshiko kag Tokichi nga magpatindog sang balay para sa ila pamilya, pero pigado gid sila kaayo.

Saints, 3:543

Kabalo ang pamilya Yaganida nga gusto sang Ginuo nga magbayad sila sang ika-pulo, pero indi sila sigurado kon masarangan nila. Namangkot si Toshiko sa isa ka misyonero kon ano ang dapat nila himuon. “Kabudlay gid para sa amon magbayad sang ikapulo,” siling niya. Nagpromisa ang misyonero nga kon magbayad sila sang ila ikapulo, buligan sila sang Ginuo nga malab-ot ang ila tuyo nga makabakal sang ila balay.

Doktrina kag mga Kasugtanan 119; Saints, 3:543–44

Indi sigurado si Toshiko kag Tokichi. Haluson lang sila makabakal sang panyaga sa eskwelahan para sa ila bata. Pero nagdesisyon sila nga magsalig sa Ginuo kag magbayad sang ikapulo.

Saints, 3:543–44

Ginbugayan sang Ginuo ang pamilya Yanagida. Wala madugayi, nakabakal sila sang duta kag nagsugod sa pagpatindog sang balay.

Saints, 3:544

Isa ka adlaw nag-abot nga inspector. Siling niya nga may problema sa ila duta, kag indi pwede nga didto sila magpatindog sang ila balay. Ginhambalan niya ang mga trabahador nga mag-untat.

Saints, 3:544

Nasubuan gid ang pamilya Yaganida. Ginsugid nila sa mga misyonero kon ano ang natabo. Siling sang mga misyonero nga maupod sila sa pagpuasa kag pagpangamuyo sa pamilya Yanagida.

Saints, 3:545

Sang ulihi, isa pa ka inspektor ang nagkadto. Siling niya nga ang problema sa ila duta pwede pa makay-o. Ang pamilya Yanagida makapatindog na sang ila balay. “Siguro may ara gid kamo sang maayo nga ginhimo,” siling sang inspeklor kay Toshiko kag Tokichi. Kabalo sila nga ginbugayan sila sang Ginuo. Malipayon sila nga nagsalig sila sa Iya kag nagbayad sang ika-pulo.

Saints, 3:545