Mga Sugilanon sa Balaan nga mga Kasulatan

Ang Misyon ni Parley sa Canada

“Ang Misyon ni Parley sa Canada,” Mga Sugilanon sa Doktrina kag mga Kasugtanan (2024)

“Ang Misyon ni Parley sa Canada,” Mga Sugilanon sa Doktrina kag mga Kasugtanan

Abril–Hunyo 1836

Ang Misyon ni Parley sa Canada

Pagpakita sang pagtuo sa mga promisa sang Ginuo

Mga lider sang Simbahan nga nagalakat malapit sa Templo sang Kirtland.

Wala madugayi pagkatapos nga gindedikar ang Templo sang Kirtland, madamo nga lider sang Simbahan ang naglakat sa mga misyon para iwali ang ebanghelyo.

Doktrina kag mga Kasugtanan 88:81; 109:22–23; 112:28–29; Saints, 1:249

Si Parley Pratt nga nagapungko sa kilid sang hiligdaan sang iya asawa.

Nanamian si Parley Pratt nga magpagkigbahin sang ebanghelyo. Pero ginapamensar niya nga dapat magtiner na lang sia sa balay tungod ang iya asawa, nga ang ngalan Thankful, nagamasakit. Kag kulabos man sila sa kuwarta.

Saints, 1:249

Si Heber Kimball nga ginabendisyonan si Parley kag Thankful.

Nagbisita si Heber Kimball, amigo ni Parley kag isa sa mga Apostoles. Ginhatagan niya sang bendisyon si Parley kag nagsiling nga dapat sia magwali sang ebanghelyo sa Canada. Sa bendisyon, ginpromisa ni Heber nga mag-ayo si Thankful. Ginpromisa niya nga makaangkon sia sang anak nga lalaki kag buligan sang Ginuo si Parley nga matigayon ang kuwarta nga iya kinahanglan.

Saints, 1:249–50

Si Parley nga nagapamaalam kay Thankful.

Si Thankful kag Parley 10 ka tuig na nga kasado. Wala sila sang bata. Pero may pagtuo sila sa mga promisa sang Ginuo. Bisan mabudlay nga malayo sia kay Thankful kon ato sia sa Canada, naglakat si Parley para ipakigbahin ang ebanghelyo.

Saints, 1:250

Sa Canada, nangita si Parley sang mga lugar nga pwede sia magtudlo sa mga tawo. Nagpamangkot sia kon pwede sia magtudlo sa mga simbahan kag sa iban pa nga mga bilding. Ang tanan nagsiling indi.

Saints, 1:252–53

Si Parley nga nagapakilala kay John kag Leonora Taylor.

Dayon nakilala ni Parley si John kag Leonora Taylor. Palangga nila si Jesucristo kag ang Biblia. Namangkot si John kay Parley kon ang iya ginatudlo lain sangsa Biblia.

Saints, 1:252–53

Si Parley kag John nga nagaistoryahanay.

Siling ni Parley nga nagatudlo sia parte kay Jesus, sa mga propeta, bunyag, kag sa Balaan nga Espiritu. Ina tanan ara sa Biblia. Namangkot si John, “Paano ’ya ang parte kay Joseph Smith kag sa Libro ni Mormon?” Siling ni Parley kay John nga kahibalo sia nga ang Libro ni Mormon matuod, pareho sang Biblia, kag si Joseph Smith isa ka propeta sang Dios.

Saints, 1:253

Si Parley nga nagatudlo sang isa ka grupo sang mga Santos.

Nagpati si John sa ginsiling ni Parley. Ginbasa niya ang Libro ni Mormon kag nakahibalo nga matuod ini. Gin-imbitar ni John kag Leonora ang ila mga amigo nga si Joseph, Mercy, kag Mary Fielding kag iban pa para mamati kay Parley nga magtudlo. Madamo nga tawo ang ginbunyagan kag nagpamiyembro sa Simbahan.

Saints, 1:254–55

Si Parley nga nagapamaalam sa iya mga abyan sa Canada.

Nalipay si Parley, pero gusto niya magpuli kay Thankful sa Kirtland. Nagpamaalam sia sa bag-o niya nga mga abyan sa Canada. Sang nagkumustahanay sila, ginhatagan nila sia sang kuwarta para makabulig sa iya nga atipanon ang iya pamilya.

Saints, 1:255–56

Si Parley kag Thankful nga magkaupod sa Canada.

Sang nag-abot si Parley sa ila, nakita niya nga nag-ayoayo na si Thankful. Nagkuha si Parley sang dugang nga mga kopya sang Libro ni Mormon kag nagbalik sa Canada para padayon nga ipakigbahin ang ebanghelyo. Sini nga tion, nag-upod si Thankful sa iya.

Saints, 1:256

Si Parley kag Thankful nga nagahaksanay.

Wala madugayi nabal-an ni Thankful kag Parley nga makaangkon na sila sang anak. Nadumduman nila ang bendisyon nga ginhatag ni Heber kay Parley. Nabatyagan nila nga ang tanan nga ginpromisa sang Ginuo sa sina nga bendisyon magamatuod.

Saints, 1:256