Si Elijah Able

Gintawag sang Ginuo ang isa ka tawo nga ang ngalan Elijah Able nga mangin misyonero. Gintudloan ni Elijah si Eunice kag Charles Franklin parte sa ebanghelyo ni Jesucristo. Ginhambal niya sa ila ang parte sa Libro ni Mormon kag kay Propetang Joseph Smith. Nagpati si Eunice kag Charles sa iya gintudlo kag gusto nga magpamiyembro sa Simbahan. Ginbunyagan sila ni Elijah.

Saints, 1:316

Naglakat si Elijah para ipakigbahin ang ebanghelyo sa lain nga banwa. Isa ka gab-i, pagligad sang pila ka bulan, nadamguhan niya ang iya abyan nga si Eunice. Sa iya damgo, indi na sigurado si Eunice kon matuod ang Libro ni Mormon ukon kon propeta matuod si Joseph Smith. Sang magbugtaw si Elijah, nagbalik sia insigida para tsekyaron si Eunice.

Doktrina kag mga Kasugtanan 75:27; Saints, 1:315–16

Nasorpresa si Eunice nga ara si Elijah sa ila puwertahan! Insakto ang damgo ni Elijah: Wala na nagapati si Eunice sa Libro ni Mormon ukon kay Joseph Smith.

Saints, 1:317

Ginhagad ni Elijah si Eunice nga mamati sa iya nga nagawali sa eskwelahan. Sang mabatian niya ang mga pulong ni Elijah, nabatyagan niya liwat ang Balaan nga Espiritu. Kahibalo sia nga matuod ang ebanghelyo!

Saints, 1:317

Ginpromisahan ni Elijah si Eunice nga mabalik sia pagligad sang duha ka semana para magwali liwat. Pero ang iban nga mga tawo sa banwa indi na gusto nga magbalik sia. Paghalin ni Elijah, nagsugod sila sa paghambal sa mga tawo nga nakapatay si Elijah. Naghatag pa sila sang premyo para sa bisan sin-o nga makakita sa iya.

Saints, 1:318

Kahibalo si Eunice nga nagabinutig ang mga tawo parte kay Elijah. Wala sia sang ginpatay. Maayo sia nga tawo kag isa ka alagad sang Dios. Kahibalo sia nga ang ila binutig indi makapugong kay Elijah sa pagbalik sa ila banwa para magwali. Ginhambalan ni Eunice ang mga tawo nga mabalik si Elijah. “Protektahan sia sang Dios,” siling niya.

Saints, 1:318

Nagbalik matuod si Elijah. Nagbalik sia sa amo man gihapon nga eskwelahan nga ginwalihan niya sang nagligad. Puno ini sang mga tawo nga gusto sia ipadakop. Nagtindog si Elijah sa atubang sang mga tawo. Siling niya nga kon gusto nila sia ipadakop, himuon na nila ini subong, antes sia magsugod tudlo. Kon indi, dapat tugtan nila sia nga magtudlo.

Saints, 1:318

Wala sang may naggiho. Naghulat si Elijah, pero mahipos nga nagpungko ang kadam-an. Nagkanta si Elijah, nagpangamuyo, kag nagtudlo sang ebanghelyo ni Jesucristo. Ang gahum sang Dios ara sa iya. Pagkatapos niya nga magtudlo, gin-istorya niya ang iya mga abyan nga si Eunice kag Charles kag nagpadayon sa iya misyon nga may kalinong.

Saints, 1:319