Elder Wan-Liang Wu

I te 10ra’a o tōna matahiti, ’ua fa’anu’u tōna ’utuāfare mai Tāiuane i Pōrīvia. I reira tōna mau tuahine fārereira’a i te mau misiōnare nā roto i te mau hoa. ’Ua ha’amata ’oia i te fārerei i te mau misiōnare ’e ’ua bāpetizohia i te 11 matahiti.

E mea huru fifi roa te tauira’a i te nohora’a, ’ua māuruuru rā ’oia ’ua fa’anu’u mai tōna ’utuāfare. « ’Ua ’ere au i te hō’ē mea nō te fa’ari’i i te mea maita’i a’e nā roto i te rāve’a maita’i a’e a te Fatu », ’ua parau ’oia.

’Ua fānauhia Wan-Liang Wu i Taipei, i Tāiuane, i te 22 nō Tītema 1970, ’o te tamari’i hope’a a Chang Yung Wu ’e Bao Guey Lin. E toru tuahine ’e hō’ē taea’e tōna.

I muri a’e i te fa’anu’ura’a tōna ’utuāfare i Santa Cruz, i Pōrīvia, ’ua fa’anu’u atu rātou i Buenos Aires, i Rāparata, i te 14ra’a o tōna matahiti. I muri a’e i te tāvinira’a i roto i te misiōni nō Taina Hong Kong, ’ua fa’aipoipo ’oia ia Marcela Beatriz Castellani i te 17 nō Māti 1995, i te hiero nō Buenos Aires (Rāparata). E toru tamari’i tā rāua.

’Ua fatu ’e ’ua fa’atere rāua ’o Marcela i tāna fare toa a te ’utuāfare i Buenos Aires. ’Ua rave ’oia i te ’ohipa nō te ’Ēkālesia mai te matahiti 2007 mai ā, nā mua roa i roto i te tuha’a fa’atere nō te mau fare purera’a, ’e i muri iho, i te matahiti 2016, ’ei fa’atere nō te terera’a ’ohipa ’e te ’atu’atura’a i te ārea nō te pae apato’a nō Amerika Apato’a.

’Ua roa’a ia Elder Wu te parau ’aravihi tuatoru nō te fa’aterera’a faufa’a i te fare ha’api’ira’a tuatoru ra Universidad Argentina de la Empresa, i te matahiti 2014 ’e i muri iho, te parau tū’ite Master nō te ’ohipa fa’aterera’a taiete i te fare ha’api’ira’a tuatoru Universidad Del CEMA i Buenos Aires i te matahiti 2020.

I te taime ’a pi’ihia ai ’oia, tē tāvini ra ’o Elder Wu peresideni nō te misiōni nō Antofagasta (Tīreni). ’Ua tāvini ato’a ’oia ’ei peresideni titi, ’ei tauturu nō te peresidenira’a titi, ’ei ’episekōpo, ’ei peresideni pupu peresibutero, ’ei pāpa’i parau pāroita, ’ei tauturu nō te peresidenira’a pupu peresibutero, ’e ’ei rave ’ohipa hiero.