Elder Brik V. Eyre

Tē parau nei Elder Brik V. Eyre i tōna tau tāvinira’a e toru matahiti ’ei peresideni misiōni nō Phoenix (Arizona, Marite) ’ei ’ohipa « māere rahi. »

Nō ni’a i te tāvinira’a i pīha’i iho i tāna vahine ’o Susan, ’ua nā ’ō ’oia : « ’Ua fa’a’aifāito te zugo ’ōrua tō ’oe hoa […] ’e nō reira, ’ua tāvini māua i pihai iho i te tahi ’e te tahi. » ’E nō ni’a i te tāvini-’āmui-ra’a i pīha’i iho e rave rahi hānere misiōnare rave tāmau, ’ua parau fa’ahou ’oia : « ’Aita i pāpū e ti’a ānei iā’u ’ia fa’ata’a i te ha’amaita’ira’a fa’ahiahia roa ’ia ’ohipa i te mau mahana ato’a ’e te mau ti’a ha’amanahia a Iesu Mesia, toru matahiti te maoro. »

’Ua fānauhia ’o Brik Vern Eyre i te 17 no tenuare 1964, i Logan, i Utah, nā Vern Bingham Eyre ’e Emma Rae Anderson Eyre. E pae tuahine pa’ari tōna ’e e rave rahi tupuna i rotopū i te mau melo mātāmua o te ’Ēkālesia.

’Ua tāvini Elder Eyre i roto i te misiōni nō Guatemala City (Tuatemara). ’Ua fa’aipoipo ’oia ia Susan Zari Rahimzadeh i te hiero nō Logan (Utah, Marite), i te 27 nō Tiunu 1987. E tupuna mahometa tō te metua tāne a te tuahine Eyre, ’e e tupuna feiā mo’a i te pae o tōna metua vahine. Tē ora ra ’o Eyre mā i Park City, i Utah, i te taime ’a pi’ihia ai ’oia, e pae tamari’i pa’ari tā rāua.

’Ua roa’a ia Elder Eyre te parau ’aravihi tuatoru nō te pae faufa’a i te fare ha’api’ira’a tuatoru ra Utah State University ’e te hō’ē parau tū’ite Master nō te ’ohipa fa’aterera’a taiete i te fare ha’api’ira’a tuatoru ra University of Tulsa. ’Ua rave ’oia i te ’ohipa i roto i te tapiho’ora’a tao’a rapa’aura’a ma’i, mai te taiete Baxter International ’ei mono peresideni rahi ’e ’ei peresideni nō te rētioni Amerika o taua taiete ra, ’e ’aita i maoro a’enei, ’ei mero nō te ’āpo’ora’a fa’atere a te taiete HemaSource.

I te taime o tōna pi’ira’a, tē tāvini ra ’oia ’ei Hitu ’Ahuru āre’a. ’Ua tāvini ato’a ’oia ’ei peresideni titi, ’ei tauturu i roto i te peresidenira’a titi, ’ei melo ’āpo’ora’a teitei, ’ei ’episekōpo, ’ei peresideni Feiā ’Āpī Tamāroa nō te pāroita, ’e ’ei ’orometua ha’api’i nō te séminaire i te po’ipo’i roa.