Elder Clement M. Matswagothata

I tō Elder Clement M. Matswagothata vai-tamari’i-ra’a i Botswana, e tai’o pūai ’oia i te Bibilia i tōna māmā rū’au. ’Ua tae a’era ’oia i te 1 Samuela 3, i reira te Atua i te paraparaura’a ia Samuela, tei pi’ihia i muri iho ’ei peropheta.

« Tā’u uira’a ’ōhie : ‘Tē rave fa’ahou ra ānei te Atua i terā ’ohipa ?’ »

I ha’amata ai i taua uira’a ra tōna tere mā’imira’a i te hō’ē Atua e paraparau noa ā. Fārerei a’era ’oia i te mau misiōnare a te ’Ēkālesia i te 16ra’a o tōna matahiti, ’e ’ua tai’o i te Buka a Moromona ma’a mahana te maoro ’e ’ua pi’i ia rāua i te hora 3:00 i te pō nō te parau atu ’ua hina’aro ’oia e bāpetizo iāna.

Ē i muri mai, ’ua riro mai ’oe ’ei peresideni titi mātāmua tei pi’ihia i Botswana, ’ei Hitu ’Ahuru ārea mātāmua, ’e i teienei, ’ei Hitu ’Ahuru Huimana fa’atere rahi mātāmua.

« E ’itera’a pāpū hōhonu tō’u ē, tē ora nei te Atua ’e tē paraparau nei ’oia ia tātou i teie mau mahana hope’a nei, ’e tē ora nei tātou i te hō’ē mahana ’e i te hō’ē tau ’a hāhaere ai te mau peropheta i ni’a i te fenua nei », ’ua parau ’oia.

’Ua fānauhia Clement Mosiame Matswagothata i Middlepits, i Botswana, i te 8 nō Tēnuare 1980, nā Bojotlhe J. ’e Rachel M. Matswagothata. I muri a’e i tōna tāvinira’a i roto i te misiōni nō Cape Town (’Āfirita Apato’a), ’ua fārerei ’oia i tāna vahine, ’o Novelty Busisiwe Buthelezi, i te hō’ē ta’irurura’a feiā ’āpī pa’ari ’ōtahi a te ārea. ’Ua tā’atihia rāua i te hiero nō Johannesburg (’Āfirita Apato’a) i te 28 nō Fepuare 2004. E toru tamari’i tā rāua.

’Ua fa’ari’i ’oia i te parau ’aravihi tuatoru nō te ’ohipa philosopho. ’Ua rave ’oia i te ’ohipa i roto i te tapiho’ora’a pere’o’o nō te mau tāpa’o pere’o’o e rave rau, i ni’a i te mau ti’ara’a e rave rahi, mai te fa’aterera’a ho’oho’ora’a, te fa’atere rahi ’e te fa’atere fenua nō Barloworld Motor.

I te taime o tōna pi’ira’a, tē tāvini ra Elder Matswagothata ’ei rave ’ohipa hiero i te hiero nō Johannesburg (’Āfirita Apato’a), ’e ’ei ta’ata ’aravihi ārea nō te fa’arava’ira’a iāna iho.