Elder Kevin G. Brown

I te 12ra’a o tōna matahiti, ’ua tītau te hō’ē tuahine misiōnare ia Kevin Brown ’ia tai’o i te Buka a Moromona. Nō reira, i te mau po’ipo’i ato’a e pure ’oia, e tai’o ’e e pure fa’ahou ā. I roto i te pure tāta’itahi, e ui ’oia i te Metua i te ao ra e parau mau ānei te Buka a Moromona.

Tē ha’amana’o ra ’oia ē, i te hō’ē po’ipo’i ’a pure ai ’oia, « ’aita ā ’oia i ui a’e i te uira’a. Tē tae mai nei te pāhonora’a a te Fatu ma te hōhonu roa. » ’Ua putapū ’oia i te Fatu i te paraura’a iāna : « ’Ua ’ite au ia ’oe, ’e ’ua here au ia ’oe. E tamaiti ’oe nā’u. »

I reira iho, ’ua ha’apāpū mai te Vārua Maita’i iāna : « E parau mau teie nā te Atua. E parau mau te Buka a Moromona. E peropheta ’o Iosepha Semita. » ’Ua taui roa teie ’ohipa i tōna orara’a.

Tē parau nei Elder Brown maoti te fa’aurura’a a teie tuahine misiōnare ’e a vetahi atu tei reira ’oia i teienei. Mai tōna ’āpīra’a ra, ’ua fa’auruhia ’oia e te mau melo o te ’Ēkālesia tei tauturu iāna—mai tōna peresideni mata’eina’a ē te mau ’orometua Paraimere, mai te mau misiōnare taure’are’a ē te mau misiōnare ta’ata pa’ari, ’e tāna ato’a vahine, ’o Nadine, tei ha’amaita’i rahi roa ’ino iāna, ta’a ’ē noa atu te Fatu.

’Ua fānauhia ’o Kevin G. Brown i te 18 nō Mē 1976, i Manchester, i Iāmāīka, na Desmond Holness ’e Patsy Williams Brissett. ’Ua fa’aipoipo ’oia ia Nadine Lezanne Carter i te matahiti 1999. E pae tamari’i tā rāua.

’Ua fa’ari’i Elder Brown i te parau ’aravihi tuatoru i te fare ha’api’ira’a tuatoru ra University of Technology, i Jamaica, i te matahiti 2008. ’Ua fa’ari’i ’oia i te hō’ē parau tū’ite Master nō te ture fa’aterera’a ’e te orara’a tōtaiete i te fare ha’api’ira’a tuatoru ra University of the West Indies i te matahiti 2012. Mai te matahiti 2001 ra, ’ua ’ohipa ’oia nō te Séminaire ’e te Institut a te ’Ēkālesia.

I te taime ’a pi’ihia ai ’oia, tē tāvini ra Elder Brown ’ei Hitu ’Ahuru ārea i roto i te ārea nō Utah.