Elder Aaron T. Hall

Tē ha’amana’o ra Elder Aaron T. Hall i te taime ’a fa’ata’ahia ai rāua tāna vahine ’o Kimberly ’ei feiā fa’atere misiōni i roto i te misiōni nō Houston South (Texas, Marite). ’Ua parau rāua ia Elder David A. Bednar nō te pupu nō te Tino ’Ahuru Ma Piti ’āpōsetolo ē, e mana’o tuauru tō rāua ē tae roa i te mana’o ’ana’anatae rahi. ’Ua fa’a’ite mai Elder Bednar i te tītaura’a ’ia māuruuru.

« Te mea tāna i ha’api’i mai i terā mahana, ’aita roa i fa’aru’e i tō’u ferurira’a nō ni’a i te mau pi’ira’a ato’a tā tātou e fa’ari’i, ’oia ho’i, ‘E māuruuru noa ho’i tātou’ », tāna i parau. « E uiui te mana’o e aha pa’i te Fatu i mā’iti ai ia ’oe, tē fa’a’ite pāpū nei rā māua ē tē nā reira nei ’oia. ’E nō te mea ’ua ineine tātou ’e ’ua ha’avata tātou ia tātou, e fa’a’aravihi ’oia ia tātou. »

’Ua fānauhia Aarona Tracy Hall i te 4 nō Māti 1971, i Provo, i Utah, e tamaiti nā Alan Eugene Hall ’e Paula Jeanne Nowak Hall. ’Ua tāvini ’oia i te hō’ē misiōni rave tāmau i roto i te misiōni nō Osorno (Tīreni) ’e i muri iho, ’ua fa’aipoipo ia Kimberly Wade Hall i te 28 nō Tītema 1993, i te hiero nō Logan (Utah, Marite). E maha tamari’i tā rāua.

I te taime ’a pi’ihia ai ’oia, tē tāvini ra Elder Hall ’ei Hitu ’Ahuru ārea i roto i te ārea nō Utah. ’Ua tāvini ato’a ’oia ’ei tauturu i roto i te peresidenira’a titi, ’ei melo ’āpo’ora’a teitei, ’ei pāpa’i parau fa’atere nō te titi, ’ei ’episekōpo, ’ei peresideni pupu peresibutero ’e ’ei peresideni Feiā ’Āpī Tamāroa nō te pāroita.

’Ua roa’a ia Elder Hall te parau ’aravihi tuatoru nō te tapihora’a i te fare ha’api’ira’a tuatoru ra Weber State University ’e te hō’ē parau tū’ite Master nō te ’ohipa fa’aterera’a taiete i te fare ha’api’ira’a tuatoru ra University of Utah. Nā mua a’e e fa’atere nō te mau taiete ihi anoha’a ’e te fa’a’ohipara’a faufa’a, ’ua ’ohipa a’enei ’oia ’ei ti’a fa’atere i roto i te tuha’a fa’atere misiōnare a te ’Ēkālesia.