« Taea’e David J. Wunderli », Liahona, Mē 2025.
Taea’e David J. Wunderli
Tauturu hō’ē i roto i te peresidenira’a rahi nō te Feiā ’Āpī Tamāroa
I ’ite tāmau noa te taea’e David J. Wunderli ē, tē ora nei Iesu Mesia.
« ’Ua ha’amaita’ihia vau i te putapūra’a i tōna aro e mea maoro i teienei ’ia ha’amana’o vau », ’ua parau ’oia. « E ’ā’au ti’aturi noa tō’u. »
’Aita te reira e parau nei ē, ’aita ’oia i fa’aruru i te fifi, « ’ua ’opa noa rā tō’u ferurira’a i te pae nō te ’itera’a ē e mau pāhonora’a nō ’ō mai iāna ra. »
Tē hina’aro nei te taea’e Wunderli i te feiā ’āpī o te ’Ēkālesia ’ia fa’ari’i i te tahi mana’o tā’amura’a ’e ’ia ’ite ē e mau hoa pupu tō rātou i roto i te mau fenua ato’a, ’e ’ua ’ite Iesu Mesia ia rātou nā ni’a i te i’oa.
’Ua fānauhia David John Wunderli i Roto Miti i te 22 nō Tiunu 1961, nā Fredric Theodore Wunderli ’e Bernardine Lyman Wunderli. ’Ua fārerei ’oia ia Diane Robins ’a fa’anu’u ai Diane mai Tanata i roto i tāna pāroita. ’Ua tā’atihia rāua i roto i te hiero nō Roto Miti (Utah, Marite) i te matahiti 1984 ’e ’ua aupuru i tā rāua nā tamari’i e maha i California ’e i muri iho i Alpine, i Utah.
’Ua tāvini te taea’e Wunderli i te misiōni i roto i te misiōni nō Rio de Janeiro (Peretīria) ’e ’ua roa’a iāna te hō’ē parau ’aravihi tuatoru i te fare ha’api’ira’a tuatoru ra University of Utah, nō te nūmerara’a faufa’a ma te ha’api’i ato’a i te reo pōtītī. ’Ua rave ’oia i te ’ohipa ’ei fa’atere nō te taiete Easton Sports ’e ’ei peresideni nō te taiete OGIO International. ’Ua tāvini ato’a ’oia i roto i te ’āpo’ora’a fa’atere nō te tahi mau taiete e rave rahi ’e te mau tā’atira’a hereta’ata.
I te taime ’a pi’ihia ai ’oia, tē tāvini ra ’oia i roto i te ’āpo’ora’a tauturu rahi a te Feiā ’Āpī Tamāroa. Tē tāvini nei te tuahine Wunderli i roto i te ’āpo’ora’a tauturu rahi a te Paraimere. Mai te matahiti 2020 ē 2023, ’ua tāvini rāua ’ei feiā fa’atere nō te misiōni nō Praia (Cap Verde). ’Ua tāvini ato’a te taea’e Wunderli ’ei peresideni titi ’e ’ei ’episekōpo nō te feiā ’āpī pa’ari ’ōtahi, ’ei tauturu i roto i te peresidenira’a ’āma’a nō te pū ha’api’ipi’ira’a misiōnare, ’e ’ei peresideni Feiā ’Āpī Tamāroa nō te pāroita.