Elder Edward B. Rowe

I roto i tāna tōro’a ha’apa’o ture nā te ara, ’ua ora ’o Elder Edward B. Rowe ’e tōna ’utuāfare i te tahi mau taime i te mau vāhi o te ao nei ’o rātou āna’e te mau melo nō te ’Ēkālesia. ’Ua fa’atupu rātou i te mau purera’a a te ’Ēkālesia tei ha’amanahia i tō rātou ’utuāfare nā mua atu i te fa’anahora’a ha’api’ira’a Mai, pe’e mai. ’Ua fa’atumuhia tā rātou ha’amorira’a i roto i te ’utuāfare—ma te ’ahu sābati ’e te mau fa’auera’a a’ora’a.

Tē ha’amana’o ra Elder Rowe ē ’ua puta mai i roto i tōna ferurira’a ē « te mau ha’api’ira’a ana’e tā tā māua nā tamari’i e ’apo nō ni’a i te ’evanelia a Iesu Mesia, nō roto mai ïa ia māua. »

’Ua fa’atāhō’ē teie mau ’ohipa i tō rātou ’utuāfare ’e ’ua fa’a’ōhie i te ’evanelia a Iesu Mesia ’a tauturu ai rāua i tā rātou mau tamari’i ’ia noa’a te hō’ē tā’amura’a ’e te Fa’aora. « E mau taime mo’a ’e te ta’a ’ē mau te reira », tāna ïa parau.

’Ua fānauhia Edward Butler Rowe i Provo, i Utah, i te 23 nō ’Ēperēra 1967, nā Fred A. Rowe ’e Sherrel Rowe. ’Ua fa’aipoipo ’oia ia Brooke Francis i te hiero nō Roto Miti (Utah, Marite), i te 3 nō Tēnuare 1989. E pae tamari’i tā rāua ’e tē ora ra rāua i Pleasant Grove, i Utah, i te taime ’a pi’ihia ai ’oia.

’Ua roa’a ia Elder Rowe te parau ’aravihi tuatoru nō te ’ohipa philosopho i te fare ha’api’ira’a tuatoru ra Brigham Young University ’e te hō’ē parau tū’ite Master nō te ture o te orara’a tōtaiete ’e te hō’ē parau tū’ite nō te ture i te fare ha’api’ira’a tuatoru ra University of Chicago. ’Ua rave ’ohipa i te tōro’a ha’apa’o ture ’ei ’āpiti i roto i te mau taiete ture e rave rahi i Washington, D.C., ’e ’ati a’e te ao nei. Mai te matahiti 2019 ’ua rave ’oia i te ’ohipa ’ei upo’o fa’atere rahi nō te taiete Stirling Foundation.

I te taime o tōna pi’ira’a, tē tāvini ra ’oia ’ei Hitu ’Ahuru āre’a. E peresideni misiōni tahito ’oia nō te misiōni nō Adriatic North (2011–2014), e ’episekōpo, e peresideni Feiā ’Āpī Tamāroa titi, e peresideni pupu peresibutero, e fa’atere misiōni pāroita, ’e e misiōnare rave tāmau i roto i te misiōni nō Fort Lauderdale (Florida, Marite).