Elder John D. Amos

I te matahiti 2020, ’ua fa’ari’i ’o Elder John D. Amos i te hō’ē pi’ira’a tei taui roa i tōna orara’a, e peresideni misiōni nō te misiōni nō Baton Rouge (Louisiana, Marite). E rave rahi mea i roto i tōna orara’a tei tītauhia ’ia taui nō teie pi’ira’a, ’ua fa’ari’i rā Elder ’e te tuahine Amos ma te tura i teie fa’auera’a ’ohipa ma te fa’aro’o.

« ’Ua rave-a’ena-hia te fa’aotira’a ’e te parau fafau e mea maoro i teienei », ’ua parau Elder Amos. « ’Ia pi’i ana’e te Fatu, e pāhono noa māua. »

’Ua fānauhia John D. Amos i te 2 nō Novema 1961, i Lafayette, i Louisiana, na John N. Amos Sr. ’e Dorothy Victorian Amos. ’Ua fārerei ’oia i tāna vahine, ’o Michelle Evette Wright, nā roto i te mau piha ha’api’ira’a tā rāua to’opiti i rave i te fare ha’api’ira’a tuatoru, ’e tā rāua piha ha’api’ira’a rahi, ’o te ’ī’ite pae uira ïa.

E melo nō te ’Ēkālesia a’ena ’o Michelle, ’e ’ua tītau manihini ia John ’ia haere mai i te hō’ē pō ’orira’a a te ’Ēkālesia, nō te arapaera’a mātāmua. I muri iho i te reira, ’ua ha’amata ’oia i te ha’api’i rahi atu ā nō ni’a i te ’Ēkālesia ’e te ’ohipa tumu a te Fa’aora i roto i te ’evanelia i fa’aho’ihia mai.

« Te mau mea ato’a nō ni’a ïa ia Iesu Mesia », ’ua parau ’oia. « ’O ’oia te puna nō te mau mea ato’a. »

’Ua fa’aipoipo Elder Amosa ’e ’o Michelle i te 9 nō Tiunu 1990, i te hiero nō Atlanta (Georgia, Marite). E toru tā rāua tamari’i ’e e ono mo’otua.

’Ua roa’a ia Elder Amosa te mau parau tū’ite i te pae nō te ’ī’ite uira ’e te ātōmī. Nō tāna tōro’a ’ohipa, ’ua tavini ’oia i roto i te nu’u ihitai nō Marite, ’ua ’ohipa i roto i te taiete Siemens Energy Inc., ’e ’ua ha’api’i i te fare ha’api’ira’a tuatoru University of Central Florida.

I roto i tōna mau pi’ira’a nā mua atu i roto i te ’Ēkālesia, tē vai nei te Hitu ’Ahuru ārea (ārea nō te pae apato’a hiti’a o te rā nō Amerika Apato’erau), te peresideni misiōni, te tauturu i roto i te peresidenira’a titi, te ’episekōpo, te tauturu i roto i te ’episekōpora’a, te peresideni Ha’api’ira’a Sābati o te pāroita, te pāpa’i parau fa’atere pāroita, te fa’atere pupu tahu’a rahi ’e te fa’atere piha ha’apa’ora’a tamari’i ri’i.