Mur u Agħmel l-Istess
Nixtieq nenfasizza lil dawk il-missjunarji li huma msejħin biex jaqdu essajnments. Huma eżempji għalina.
Waqt li s-Salvatur kien qed jivvjaġġa minn Betsajda, xi individwi resqulu raġel agħma Forsi kienu qed jittamaw li jaraw xi miraklu quddiemhom. Is-Salvatur “qabdu minn idu, u ħarġu mill-belt” biex ifejqu privatament. Għall-ewwel, il-fejqan kien jidher inqas milli effettiv. Dak ħares ’l fuq u qal: “Qiegħed nara n-nies, imma qiegħed narahom donnhom siġar mexjin.” Ġesù, b’mogħdrija, “qegħedlu idejh fuq għajnejh, u beda jara ċar.” B’dak il-kuntatt ta’ idejn is-Salvatur, ir-raġel agħma issa “ra … b’mod ċar.”
Dan huwa biss eżempju wieħed ta ’kif il-ħajja tas-Salvatur hija kkaratterizzata minn atti ta’ servizz ripetittivi u umli Ifakkarna li Hu “ma ġiex biex ikun moqdi, imma biex jaqda” u mbagħad jistedinna biex nimxu fuq l-eżempju tiegħu billi nimxu ‘l quddiem, nagħtu lil min jitlob minna, u nħobbu lil għajrna. Meta ġie mistoqsi, “Min hu l-ġar tiegħi?” Kristu qasam il-parabbola tas-Samaritan it-tajjeb, bl-akkuża li “mur, u agħmel int bl-istess mod.”
Il-missjunarji tal-Knisja ta’ Ġesù Kristu tal-Qaddisin tal-Aħħar Żmien huma eżempji tas-Samaritan it-tajjeb tal-lum li Kristu jistedinna nsiru. Nixtieq nenfasizza lil dawk il-missjunarji li huma msejħin biex jaqdu essajnments. Huma eżempji għalina ta’ kif is-servizz (1) jiftaħ il-qlub għall-evanġelju ta’ Ġesù Kristu, (2) jippermettilna lkoll kemm aħna li nimministraw irrispettivament miċ-ċirkostanzi tagħna, u (3) jagħtina il-qawwa ta’ Kristu f’ħajjitna.
L-Ewwel, is-Servizz Jiftaħ il-Qlub għall-Evanġelju ta’ Ġesù Kristu.
Madwar is-sena 91 QK, Għammon introduċa ruħu mas-Sultan Lamoni billi qal, “Nixtieq ngħammar fost dan il-poplu għal xi żmien; … [u] nkun qaddej tiegħek.” Minħabba s-servizz tiegħu lis-sultan, Għammon ingħata l-okkażjoni biex “jitkellem bi qlubija, … u jgħid [lis-Sultan Lamoni] … b’liema qawwa” kien wettaq is-servizz tiegħu. Bi tpattija, is-sultan wiegħed li “kull ħaġa li [Għammon] kien jixtieq … [is - sultan] kien se jagħtielu.” L-unika talba ta’ Għammon kienet li s-sultan jisma’ l-messaġġ tal-evanġelju ta’ Ġesù Kristu. Is-servizz ta’ Għammon irriżulta f’”eluf ta’ erwieħ [miġjuba] għall-indiema.”
Fi żmienna, is-servizz ikompli jqerreb lill-oħrajn għall-evanġelju. Sister Bevan kienet qed taqdi bħala missjunarja għalliema meta bdiet tesperjenza problemi ta’ saħħa li kienu jeħtiġuha tirritorna d-dar għall-kura. Minflok temmet il-missjoni tagħha, hi kompliet taqdi bħala missjunarja mid-dar.
Waqt li kienu qed iżuru park, hi u ħabiba tagħħa ġew imqanqlin ikellmu lil omm b’erbat itfal żgħar. Sister Bevan u l-ħabiba tagħha qagħdu lura milli jkellmu lill-familja, u l-familja telqet. L-għada, reġgħu lura fil-park, jitolbu li din il-familja tkun hemm. B’miraklu, l-omm kienet bilqiegħda fl-istess post eżatt tal-ġurnata ta’ qabel. Din id-darba Sister Bevan u l-ħabiba tagħha avviċinaw lill-omm, saru jafuha, u skoprew li kienet fi bżonn iddisprat ta’għajnuna temporali. Huma pprovdew l-għajnuna u mbagħad stednuha biex issir taf dwar l-evanġelju.
Minħabba dan is-servizz u l-istedina li saret wara, tgħammdu l-omm u t-tifel il-kbir tagħha, u wara it-tifel l-ieħor sena wara. Dawn baqgħu membri attivi sal-llum. Sister Bevan kienet taf li din l-esperjenza kienet ispirata b’mod divin, u “wriet li [hi] kienet eżattament fejn Alla kellu bżonn[ha].”
Bħal Għammon u Sister Bevan, hekk kif naqdu lil oħrajn, aħna “nuruhom eżempji tajbin” u jixtiequ jkunu jafu r-“raġuni tat-tama li tinsab [fina].”
Ġesu jistedinna biex “immorru, u nagħmlu l-istess”.
It-tieni, is-servizz jippermettilna lkoll biex nimministraw irrilevanti miċ-ċirkustanzi tagħna.
Il-President Russell M. Nelson appella lil “kull żagħżugħ denju u kapaċi biex jipprepara għal missjoni u jaqdiha” u lil kull sister żagħżugħa kapaċi biex “titlob biex tkun taf jekk il-Mulej irridix taqdi missjoni.” Hu wiegħed li “id-deċiżjoni tagħkom li sservu missjoni, kemm jekk missjoni li xxandru l-kelma jew ta’ servizz, tkun ta’ barka għalikom u għal bosta oħrajn.” Il-missjonijiet ta’ servizz biddlu d-definizzjoni tal-kelma kapaċi. Issa kull żagħżugħ u żagħżugħa denji li jixtiequ jaqdu missjoni full-time għall-Mulej jistgħu jagħmlu dan, bi ftit eċċezzjonijiet.
Il-Presbiteru Holgado hu eżempju li jkun kapaċi jaqdi irrispettivament miċ-ċirkustanzi persunali. Huwa twieled b’kundizzjoni ġenetika rari, li kienet tipprekludih milli jservi bħala missjunarju tat-tagħlim. Il-Presbiteru Holgado kien imsejjaħ bħala missjunarju tas-servizz u kien voluntier fl-istorehouse tal-isqfijiet, fejn għen lil mijiet ta’ nies jieħdu l-għajnuna li kellhom bżonn. Hu mela l -ixkafef, ġejja il-ħxejjex fil-boroż, u rema l-kaxxi tal-kartun.
Hekk kif il-Presbiteru Holgado tkellem fil-laqgħa tas-sagrament wara l-missjoni tiegħu, hu qasam li “Alla għandu bżonn missjunarji tas-servizz. Hu għandu bżonn lin-nies biex iħobbu u jaqdu lil oħrajn. Dawn in-nies jistokkjaw it-toilet paper, jimlew il-brokkoli fil-boroż, jimmuntaw l-għamara, u jgħinu lin-nies.”
M’hemmx għalfejn ikollok essajnment ta’ servizz jew tilbes tabella b’ismek biex tagħmel il-ġid. Kull att ta’ servizz, huwa irrikonoxut mis-Salvatur. Ilkoll kemm aħna kapaċi ngħinu lil oħrajn jersqu lejn Kristu billi naqdu b’qalb tajba bl-imħabba bħalma kien jagħmel hu. Nistgħu lkoll namministraw f’ismu, lil dak li permezz tal-qawwa tal-Ispirtu s-Santu u għix l-eżempju tal-fidi f’Ġesù Kristu. Is-servizz jippermettilna nippreżentaw lilna nfusna bħala sagrifiċċji ħaj li huma aċċettabbli għal Alla.
Ġesu jistedinna biex “immorru, u nagħmlu l-istess”.
It-tielet, is-servizz jdaħħalna fil-qawwa ta’ Kristu f’ħajjitna.
Missjunarju żagħżugħ li ttrasferixxa minn essajnment tat-tagħlim għal inkarigu tas-servizz fejn tħabat ma’ xi sfidi persunali li ħallewh jintelaq u jitlob il-qawwa tal-fejqan ta’ Kristu. Servizz ikkonsagrat daħħal dik il-qawwa f’ħajtu. Hu qal, “Ħassejt li meta kont qed nitħabat, stajt inħoss lil Kristu jerfagħni ’l fuq. Hemm biss xi ħaġa speċjali dwar li nkunu nistgħu narawh ibierek lin-nies permezz ta’ provvidenza tal-ikel, fit-tempju, u permezz tal-evanġelju tiegħu.“
Dan il-prebiteru beda jħoss ferħ iktar profond, u l-entużjażmu ġdid tiegħu bierek lilu u lill-familja kollha tiegħu. L-ispirtu daħal f’darhom b’mod iktar abbundanti, huma attendew it-tempju flimkien b’mod iktar regolari, u Kristu sar għan akbar fil-familja tagħhom. Dan il-missjunarju jemmen li Kristu salva ħajtu u bierek lill-familja tiegħu permezz tas-servizz.
Il-President Nelson għallem, “Ir-rieda li wieħed jaqdi u jsaħħaħ lill-oħrajn hija simbolu ta’ kemm wieħed ikun lest li jitfejjaq “bil-qawwa feddejja tas-Salvatur.”
Ġesu jistedinna biex “immorru, u nagħmlu l-istess”.
Il-missjunarji tas-servizz huma eżempji ta’ dixxipli kkonsagrati ta’ Ġesù Kristu.
Meta inti jew membru tal-familja tkunu mberkin b’sejħa bħala missjunarju tas-servizz, dak huwa mument li trid tiċċelebra. Il-familja tiegħek issa se jkollha rappreżentant tal-Mulej Ġesu Kristu li jgħix f’darek. Dan se jibdilkom ilkoll għall-ġid. M’għandux ikun hemm diżappunt f’xi sejħa. Aħna nkantaw, “se mmur fejn tridni mmur” u “se nkun dak li tridni nkun.” 26 “Inkun dak li inti tridni nkun.” Hawn opportunita’ ħelwa li nuru li verament infissru dak li ngħidu!
Lilkom ilkoll li taqdu, u speċjalment lill-iktar minn 4,000 missjunarju żagħżugħ tas-servizz, aħna nħobbukom! Jekk il-missjunarji b’ inkarigu ta’ tagħlim huma fomm il-Mulej, mela intom, missjunarji tas-servizz, intom idejn il-Mulej, u m’intomx missjunarji tat-tieni klassi. Kull wieħed minnkom huwa vitali għall-ġbir t’Iżrael. Ilkoll kemm aħna għandna rwol xi nwettqu fil-ġabra ta’ Iżrael. Il-President Nelson għallem li “kull darba li nagħmlu xi ħaġa li tgħin lil xi ħadd … biex nagħmlu u nżommu l-patti tagħhom ma ’Alla, inkunu qed ngħinu biex jinġabar Iżrael.”
Int tiġbor lil Iżrael kuljum b’tant modi, u s-servizz tiegħek ibiddel il-ħajjiet. Ħafna drabi ma tkunx taf min hu l-benefiċjarju tas-servizz tiegħek, imma Alla jaf. Dejjem ftakar li “sakemm int [taqdi] lil wieħed mill - inqas minn dawn, … int [taqdih].” Aħna nisimgħu leħinkom intom u tivvolontarjaw fiċ-ċentri tas-sejħiet tal-Knisja; naraw it-tbissim tagħkom intom u tgħinu fl-organizzazzjonijiet komunitarji; u nħossu d-dawl tagħkom intom u taqdu fit-tempji. Intom titimgħu lil min hi bil-ġuħ, tlibbsu l-għarwien, u tagħtu x-xorb lil min hu bil-għatx.
Ilkoll irridu mmorru nagħmlu l-istess.
Is-servizz huwa d-demm tal-ħajja tad-dixxipli ta’ Kristu.
Is-servizz għandu l-qawwa li jiftaħ il-qlub għall-evanġelju u jippermetti li lkoll kemm aħna nagħtu r-ruħ kollha tagħna lil Kristu. biddlilna qalbna biex insiru aktar bħalu, u fil-proċess, nerfgħu lil ħaddieħor. Il-President Nelson darba staqsa, “F’din id-dinja mifxula bit-taħsir spiritwali, jistgħu l-individwi … jagħmlu differenza?” It-tweġiba tiegħu, “Iva! … ‘Il-poplu patt tal-Mulej, … armat … bil-qawwa ta’ Alla fi glorja kbira” … jista’ jerfa’ l-ħajja tal-bnedmin kollha.” Permezz tas-servizz inbiddlu l-qlub—u d-dinja.
Ġesù “għadda jagħmel il-ġid.” Huwa ministra lill-morda, fejjaq lill-għomja, u żar lil imġarrba Sajjar ikliet, għen fil-festi tat-tieġ, u tema’ eluf li kienu bil-ġuħ. Aħna u naqdu f’isem Kristu lil dak, insiru dejjem aktar qaddisin u denji tad-don tal-ħajja etern. Ġesù Kristu jgħix. Huwa s-Salvatur u l-Feddej tagħna. Huwa l-Feddej tagħna. Huwa t-tama kbira u għażiża tagħna. Jien nistieden lilna lkoll biex nikkunsidraw din il-mistoqsija. F’isem Ġesù Kristu, ammen.