Nde Ha’e pe Cristo
(Mateo 16:16)
Jaipota ñane membykuéra tojerovia Jesucristo rehe, taha’e Jesucristo mba’e ha Itupaopegua umi konvénio rupive, ha toñeha’ã oiko hag̃ua Jesucristo-icha.
Ore mitãkaria’y Eli oĩrõ guare cuarto grado-pe, i-clase omoĩ peteĩ gobierno ñemoha’anga iñirũnguéra oiporavohápe Eli-pe oservi hag̃ua pe clase juez ramo. Peteĩ ára peteĩ juez Mokõiha Distrito-pegua ovisita, ha omoĩ ijao oficial Eli-pe, ha upéi oadministra peteĩ juramento de cargo iclase-pe g̃uarã. Upéva omyendy hi’ánga ikyrỹi ha imitãvape peteĩ taryrýi oñehekombo’e hag̃ua umi léi, ha pe Léi Apohaitépe voi, Jesucristo.
Ohasa rire heta ary oñeha’ãmbaitévo, Eli ohupyty peteĩ ñekombida entrevista-rã peteĩ umi oiporavokuaáva ijyvatevévagui facultad de derecho-rã. Ha’e he’i, “Mamá, ojejapo chéve 10 porandu. Pe porandu paha ha’ékuri, ‘Moõguipa reguenohẽ nde brújula moral?’ Che ha’e pe tembiasakue pukukue jave yvypóra oguenohẽhague umi sistema de moralidad omoha’ãvo hekovekuéra umi arquetipo rupi. Pe arquetipo moralidad rehegua che añeha’ãvare amoha’anga che rekove ha’e pe Jesucristo mba’éva. Che ha’e opavave yvypóra osegíramo Jesucristo mbo’epykuéra pe Sermón del Monte-pe ko yvóra ha’etaha peteĩ tenda iporãvéva, ha ipy’aguapyvéva”. Upéi opa pe entrevista, ha ha’e ojepy’amongeta ijupe g̃uarã: “Upépe ohóma chemitã guive asoñava’ekue. Avave mbo’ehao secular-pe nohenduséi Jesucristo-gui”.
Mokõi semana haguépe, Eli-pe oñemoneĩ peteĩ beca reheve. Roñekompromete mboyve, rovisita pe campus. Pe facultad de derecho ojogua peteĩ kastíllope ha oñemoĩ yvate peteĩ yvyty ári ojehechávo upégui peteĩ lágo iporãitereíva. Hechapyrãitévo, roguata aja pe biblioteca hechapyrãva ha umi pasillo estatal rupi, rojuhu umi pancarta-pe ha ojegraváha itápe umi atributo Sermón del Monte-pegua.
Pe Sermón del Monte ha’e añetehápe pe discurso ojehechakuaavéva oñeme’ẽva’ekue araka’eve, ha’évo pionero hekombo’ekuérape. Ndaipóri ambue sermón ikatúva ñanepytyvõ ñaikũmby porãve hag̃ua Jesucristo carácter, umi atributo divino Ha’e orekóva, ha ñande propósito paha oiko hag̃ua ñandehegui Ha’éicha.
Pe Jesucristo discipulado tekove pukukue javeve oñepyrũ ñande rógape—ha Primaria-pe 18 meses guive. Jaipota ñane membykuéra tojerovia Jesucristo rehe, taha’e Jesucristo mba’e ha Itupaopegua umi konvénio rupive, ha toñeha’ã oiko hag̃ua Jesucristo-icha.
Pejerovia Jesucristo rehe
Peteĩha, pejerovia Jesucristo rehe.
Opa rire pe tekove mbujape ñemoñe’ẽ, “heta [Ñandejára] remimbo’ekuérape” hasy omoneĩ hag̃ua Hekombo’ekuéra ha doctrina, ha ha’ekuéra “ojevy, ha ndoguatavéima hendive.” Upémarõ Jesús ojere umi Doce-pe ha ojapo peteĩ porandu oporomokorasõrasýva: “Peẽpa pehóta avei?”.
Pedro ombohovái:
“Ñandejára, mávapepa rohóta? Nde reguereko ñe’ẽ tekove ijapyra’ỹva rehegua.
“… Roguerovia ha roime seguro nde ha’eha pe Cristo, Tupã oikovéva Ra’y.”
Pedro ohechaukahaguéicha, jeguerovia ha’e “jajerovia peteĩ mávare térã ñamoneĩ peteĩ mba’e añetegua ramo.” Ha ñande jerovia ñandegueraha hag̃ua salvación-pe, oñesentrava’erã Ñandejára Jesucristo rehe. “Ñande … ñamomba’apo jerovia Jesucristo-re jaguerekóramo peteĩ kuaapy añete Ha’e oikoveha, peteĩ ñeikũmby I-carácter ha naturaleza añeteguágui, ha jaikuaa ñañeha’ãha hína jaiko hag̃ua Ha’e oipotaháicha.
Ñande profeta jahayhuetéva, Presidente Russell M. Nelson, omomarandu: “Pe jerovia Jesucristo-re ha’e opa jeguerovia pyenda ha pe pu’aka divíno oguerúva.”
Mba’éichapa ikatu ñaipytyvõ mitãnguérape omombarete hag̃ua ijeguerovia Jesucristo-re ha ohupyty Ipu’aka divíno? Natekotevẽi ñamaña mombyryve ñande Salvador-gui voi.
“[Ñandejára] oñe’ẽ tavayguakuérape, he’ívo:
“Péina ápe, Che ha’e Jesucristo. …
“Pepuʼã ha peju. …
“… [Umi] atyguasugua oñemotenonde, ha omoinge hikuái ipo ijyképe, ha oñandu hikuái klávo rendague ipo ha ipýpe; ha upéva ojapo hikuái, oñemotenondévo peteĩ teĩ … ha ohecha hikuái hesápe ha oñandu ipópe, ha oikuaa añetehápe ha omeʼẽ hikuái testimónio, haʼe haʼeha.”
Pokombida pejepy’amongeta hag̃ua mba’éichapa ikatu kóva ojehecha mitã michĩva rekovépe. Ohendúpa hikuái testimónio Jesucristo ha Iñevanhéliogui? Ohechápa hikuái Iministerio ha Idivinida rehegua ta’anga rreverénte ha otupãitũva Chupe? Oñandu ha ohechakuaápa hikuái pe Espíritu Santo otestifikávo Hi’añetegua ha Idivinidágui? Oikuaápa hikuái Imarandu ha Imisiõgui?
Taha’e Jesucristo Mba’e ha Itupaopegua
Mokõiha, taha’e Jesucristo mba’e ha Itupaopegua.
Rey Benjamín tavayguakuéra ohasa peteĩ korasõ ñemoambue ipu’akapáva ha konvénio rupive odedika hikuái hekove ojapo hag̃ua Tupã rembipota. Pe konvénio rupi ojapova’ekue hikuái Tupã ha Jesucristo ndive, “oñehenói chupekuéra Cristo ta’yrakuéra, ita’ýra ha itajyrakuéra.” Jesucristo Tupao Santokuéra Ára Pahapegua miembro ramo, jaguereko peteĩ responsabilida, konvénio rupi, ñamopu’ã hag̃ua Irréino ha ñañembosako’i hag̃ua Ijeju jeyrã.
Mba’éichapa ikatu ñaipytyvõ mitãnguérape ojapo ha oñongatu hag̃ua umi konvénio sagrado? Peju, Chesegimanual-pe jajuhu umi ñemongeta ñepyrũrã ha mbo’epy omombaretétava familia-kuérape ha oipytyvõtava mbo’ehára ha lider-kuérape imayordomía sagrado-pe ombosako’i hag̃ua mitãnguérape peteĩ tekove pukukuépe g̃uarã Tupã konvénio rapére.
Toiko Chuguikuéra Jesucristo-icha.
Mbohapyha, toiko chuguikuéra Jesucristo-icha.
Mormón Kuatiañe’ẽme, pe Salvador oñemoñe’ẽ Hemimbo’ekuéra oñehenói ramóvape ojoguave hag̃ua Chupe ikatuháicha: “Mba’eichagua kuimba’epiko ha’eva’erã peẽ? Añetehápe Che haʼe peẽme, Chéicha jepe.”
Mba’éichapa ikatu ñaipytyvõ umi mitã oñemongaraíva ha oñekonfirmava’ekuépe okumpli hag̃ua responsabilidad konveniopegua oñembyaty hag̃ua ha’ekueraite ha ambue tapichápe Jesucristo-pe? Pe discipulado tekove pukukue javeve oikotevẽ “[ta]ha’e … ñe’ẽ apoha, ha ndaha’éi ohendúva añónte.”
Peipysóvo ñekombida umi Ñandejára discípulo imitãvévape, peaprovechami opa oportunida peisãmbyhy hag̃ua chupekuéra, petaperechauka chupekuéra, peguata ijykerekuéra ha peipytyvõ chupekuéra ojuhu hag̃ua Pe Tape. Peñemoñe’ẽ ko’ã mitãmi hechapyrãitévape oñembosako’ívo hikuái ombo’e,otestifika,oñembo’e,térã oservi hag̃ua upéicha ojerovia hag̃ua hikuái ha ovy’a okumplívo irresponsabilidad. Peheka tape inspirado peipytyvõ hag̃ua chupekuéra oikuaa hag̃ua kóva ha’eha itupao ha orekoha hikuái peteĩ tembiapo imba’eguasúva ombosako’ívo pe Salvador jeju jeyrã.
Jesucristo-gui oiko aja ñande rekove mbyte, umi mba’e jaipotáva, ha mba’éichapa jaipota, oñemoambue tapiaite g̃uarã. Pe konversiõ omoambue opa mba’e! Omoambue ñande reko “upévare ndorojaposevéima mbaʼeve vai, ha katu rojapo meméntema pe iporãva.” Omoambue mba’éichapa jaipuru ñane tiempo, umi ñane mba’eheta; umi mba’e ñamoñe’ẽva, jahecháva, ñahendu ha ñakompartíva. Jepe omoambue mba’éichapa ñambohovái peteĩ entrevista distinguida, académica, ha carrera en línea reheguávape.
Tekotevẽ ñamoinge Jesucristo Resape opaite ñande rekovépe. Ndajatestifikáiramo pe Idivinida premortal añeteguaha, Imisiõ divínogui, ha Ijeikovejeýgui oityvyróva ka’irãi ñande rógape ha opa ko Tupaopegua ñembyatýpe, upéicharõ ñane marandu mborayhu, servicio, tekopotĩ, tekomirĩ, aguyjevete ha poriahuvereko reheguágui ndaikatúi oiko mba’eve ndaha’éirõ peteĩ ñemongeta oporomokyre’ỹvante ojeiko hag̃ua py’aporãme. Jesucristo’ỹre ndaipóri pu’aka ñañemoambue hag̃ua, ndaipóri jehupytyse jaipota hag̃ua ha ndaipóri ñemoñyrõ umi tekovegua jehasa’asýgui. Ñande jaikórõ sapy’agua reínteva ramo ñande Jesucristo discipulado-pe, upéva ikatu ivaieterei ñane mitãnguérape g̃uarã.
Ja’évo ñane mitãnguérape jahayhuha chupekuéra, ja’épa avei chupekuéra Itúva Yvagagua ha Isalvador Jesucristo ohayhuha chupekuéra? Ñane mborayhu ikatu omoangapyhy ha oinspira, ha katu Imborayhu ikatu omomarangatu,oexalta, ha omonguera.
Ko Jesús ndaha’éiva’erã peteĩ Jesús gua’ugua’úva,térã peteĩ Jesús ivyroreíva,térã peteĩ Jesús hete’ỹva,térã peteĩ Jesús sapy’aguáva,térã peteĩ Jesús ojeikuaa’ỹva,ha katu peteĩ Jesús ojeglorifikáva,opa mba’ére ipu’akapáva,oikovejeýva,oje’exaltáva,oñemomba’eguasúvape,ipu’akapáva,Tupã Ra’y Unihénito,ha’éva peteĩipu’akapáva oporosalva hag̃ua. Ha peteĩ mitã michĩva Filipinas-pe otestifika imbareteháicha chéve peteĩ ára: “Ovale la pena jajesalva!”. Héra sagrado ha imarangatúvape, Upe “Ñandejára omoĩva’ekue ha’e hagua [pe tuicha] propiciación,” Jesucristo, amén.