tupãitũ

Peteĩ tupãitũ jepiguavéva ha imba’eguasuvéva ha’e ñañembyaty tenda consagrado-pe jajapo hag̃ua devoción mba’e’apo. Ñandejára he’i, “Ha reñeñongatu porãve hag̃ua mara’ỹme múndogui, rehóta óga oñeñembo’ehápe ha reikuave’ẽta ne sacramento-kuéra che ára marangatúpe.” Kóva, hesakã, ha’e ñanemyaña peteĩha ñamopu’ãvo umi tupao. Ha katu, ojeikotevẽro, peteĩ tenda oĩ’ỹva dedicado oikokuaa ñamoĩrõ hese peteĩ marangatu nivel.

Mba’e tuichavéva ha’e umi mba’e jajapóva ñañembyaty jave Ñandejára árape. Hesakã, ñañemonde iporãve ikatumiháicha ñande rekópe—ndaha’éi mba’e hepyetereívare, ha katu modestia reheve jahechauka hag̃uáicha ñane ñemomba’eguasu ha reverencia Tupãre. Ñande reko ha’e avei upéicha, reverente ha oporomba’eguasúva. Ñatupãitũ jajoajúvo ñembo’épe; ñatupãitũ japurahéivo umi purahéi (ndaha’éi ñahendúvo añónte ha katu japurahéivo puraheikuéra); ñatupãitũ ñambo’évo ha ñañehekombo’évo ojupe. Jesús he’i, “nemandu’áke kóva, Ñandejára árape, reikuave’ẽta ne ñeme’ẽmby [he’iséva, ’ñeme’ẽmby … ára, katupyry, terã mba’erekopy, Tupã ha tapicha servicio-pe’] ha ne sacramento-kuéra pe Ijyvatevévape, rekonfesávo ne angaipakuéra nde joyke’ykuérape, ha Ñandejára renondépe. Ñañembyaty ndaha’éi japorombovy’a terã ñañembovy’a hag̃ua—ojapoháicha peteĩ purahéi grupo, techapyrãicha—ha katu ñanemandu’a hag̃ua Hese ha “[ñañehekombo’e] porãve hag̃ua“ Ijevanhéliope.

Conferencia general ramoiteguápe, Elder Patrick Kearon ñanemomandu’a “[nañañembyatyiha] pytu’u árape jaju hag̃uánte ñembyaty sacramental-pe ha ñamarka lísta. Jaju oñondivepa ñatupãitũ hag̃ua. Oĩ tuicha ñemoambue ko’ã mokõi apytépe. Jeju he’ise oñeimeha upépe. Ha katu ñetupãitũ he’ise jaipotágui ñamomorã ha ñatupãitũha ñande Tupãme ñanemoambue hag̃uáicha!”

Ñame’ẽmbávo ñande Pytu’u Arakuéra Ñandejára ha Ijehupytysekuérape ha’e ijehegui peteĩ tupãitũ apo. Ojapo mbovy ary, upérõ ha’éva Elder Russell M. Nelson ohechakuaa: “Mbaéichapa ñamomarangatu pe Pytu’u Ára? Che mitãme, añemoarandu ambuekuéra rembiapópe ojapova’ekue umi lista mba’épa ikatu ha mba’épa ndaikatúi ojejapo pe Pytu’u Árape. Ndaha’éi uperire peve añemoarandúkuri umi escritura-gui che reko ha ambohovakéicha pe pytu’u ára ha’eha peteĩ jehechauka che ha che Ru Yvagagua apytépe [tojehecha Éxodo 31:13; Ezequiel 20:12, 20]. Upe kuaapy reheve, naikotevẽvéima peteĩ lista mba’épa ikatu térã ndaikatúigui ojejapo. Ajapótaramo peteĩ jeiporavo umi mba’e’apo ha’étapa térã ndaha’éi iporãva Pytu’u Árape g̃uarã, añeporandúnte che jupe: ‘Mba’e jehechaukápaame’ẽse Tupãme?‘”

Tupãitũ Ñandejára árape iñambue oguerekógui tenonderãme jesareko Jesucristo ñeikuave’ẽ expiatorio rehe. Hekópe ha tenonderãme jaguerovy’a Ijeikove jey Pascua-pe, ha katu avei opa semana japartisipávo umi Ijexpiasiõ, oikévape Ijeikove jey, ñemoha’anga sacramental-gui. Oñembyasývape, sacramento jepastisipa ha’e Pytu’u Ára tupãitũ jehaiguy.

Ñatupãitũvo oñondivepa “Cristo rete“ ramo oguereko pu’aka imbojojaha’ỹva ha mba’e iporãva ñambo’e, jaservi, ha jajojokóvo ojupe. Mba’e opororesarenóiva, peteĩ jeheka pyahu ojuhu umi ohecháva heko espiritual ha’eha ha’eñoitéva ramo oguereko probabilidad michĩvéva omontenonde hag̃ua ikakuaa espiritual, terã he’i hag̃ua ijerovia imba’eguasuha, terã oguereko hag̃ua devoción ára Tupã ndive. Santo-kuéra aty ramo, ñañomombarete ojupe tupãitũ ha jeroviápe.

Jepe, ndaikatúi ñanderesarai tupãitũ mba’e’apo ára ha ára rehegua jajapóva ñandejehegui ha ñande rógape. Pe Salvador ñanemomandu’a “Upevére, umi ne promésa oñeikuave’ẽta tekojojápe ára ha ára ha opa árape.” Peteĩ hermana arandúpe ohechakuaa, “Ndaikatúi aimo’ãvo peteĩ tupãitũ Tupãme ipypukuvéva ha’évagui ñamog̃uahẽporãite Imichĩvévape ñande rekovépe ha ñañangarekóvo hesekuéra ha ñambo’évo Iplan chupekuérape g̃uarã.“

Alma ha Amulek ombo’e umi zoramita-pe oñembotovévape oike isinagoga-pe, otupãitũ hag̃ua Tupãme ndaha’éi peteĩ ára añónte pe semana-pe, ha katu tapia, ha “oimeraẽ tendápe peimehápe.” Hikuái oñe’ẽ ñembo’égui tupãitũ ramo:

“Peñohẽvaʼerã pene ánga pende kotýpe, ha pene renda ñemíme, ha pende taveʼỹme.

“Héẽ, ha ndapejerureʼasýi jave Ñandejárape, peheja tahenyhẽ pene korasõ, peñemeʼẽ memévo chupe ñemboʼépe.”

Ha’ekuéra oñe’ẽ avei escritura ñehesa’ỹijo, Cristo testimonio ñemboja’o, caridad mba’apo ha servicio jejapo, Espíritu Santo jehupyty, ha jeiko aguyjeme’ẽre ára ha árare. Pema’ẽmi pe akãremiandúre: “jeiko aguyjeme’ẽre ára ha ára“. Oñe’ẽ che concepto mokõihágui:

Oñeñandúvo ha ojehechaukávo aguyje Tupãme ha’e, añete, omyenyhẽva tupãitũme vy’apavẽ ñembopyahu andu reheve, iñambuéva pe ojehechágui upéva peteĩ tembiaporã ambue apytépeicha.

Tupãitũ añetéva he’ise jahayhu Tupãme ha ñame’ẽ ñande potapy Chupe—pe jopói iporãvéva ñame’ẽkuaáva. Ojeporandúvo chupe mávapa tembiapoukapy peteĩha opa léipe, Jesús ombohovái, “Pehayhúta Ñandejára pene Tupã opa pene korasõ, ha opa pene ánga, ha opa pene apytu’ũ reheve.” Ha’e avei ohenói kóva tembiapoukapy peteĩha.

Kóva ha’eva’ekue Jesús tupãitũ reko Túvape. Hekove ha Iñeikuave’ẽ expiatorio ojededika Túva gloria-pe g̃uarã. Ñanemandu’a jesarekópe Jesús jerure’asýgui jehasa’asy ha ñembyasy oñeimo’ã’ỹva apytépe: “O che Ru, ikatúrõ, tohasa chehegui ko copa,” ha katu upéi Imirĩ “upevére ani aipotaháicha, ha katu reipotaháicha.”

Tupãitũ ha’e ñañeha’ã jasegi ko techapyrã oĩporãmbáva. Ndajahupytymo’ãi ñeĩporãmbaite tapépe peteĩ pyharépe, ha katu ára ha ára jaikuaveʼẽrõ “[Chupe] ñeikuaveʼẽramo peteĩ korasõ mirĩ ha peteĩ espíritu ñembyasy,” Ha’e ñanemongarai jeýta Ijespíritu reheve ha ñanemyenyhẽta Igracia reheve

Pe sección ñepyrũme Doctrina ha Konveniokuerapeguápe, Ñandejára he’i kóva yvórare:

“Osẽgui hikuái umi che ordenánsagui, ha ojapyhara che konveniokuéra opave’ỹva;

“Ndohekái hikuái Ñandejárape omoĩ haĝua ihustisia, upe mboyve katu, opa kuimba’ekuéra oiko hapérente, Itupã ra’ãnga rupive, ha’ãnga ha’éva mundoichagua”.

Iporã ñandéve g̃uarã tañanemandu’ami pe techapyrã umi mbohapy mitãrusu judío-gui, Ananías, Misael, ha Azarías, ojegueraháva Babilonia-pe tembiguái ramo nda’aréi Lehi ha hogaygua osẽ rire Jerusalén-gui. Peteĩ oficial Babilonia-pegua omoambue herakuéra Sadrac, Mesac, ha Abed-nego-pe. Upéi, ko’ã mbohapy ndoitupãitũséi vove peteĩ ta’anga upe rréi omoĩva, ha’e ojapouka toñemombo chupekuéra tatakua guasu akúpe, he’ívo chupekuéra, “Ha mávapa pe Tupã penemosãsótava che pógui?”

Penemandu’áta imbohovái py’aguasúre:

“Ore Tupã roservívape oremosãsokuaa pe tatakua guasu akúgui, ha oremosãsóta nde pógui, oh rréi.

“Ha katu nahániriramo, eikuaami nde, … ndoroservimo’ãiha ne tupãnguérape, ni ndorotupãitũmo’ãiha pe ta’ãnga oroguigua remopu’ãva’ekue.”

Pe tatakua hakueterei ojuka peve umi omombóva umíva ipype, ha katu Sadrac, Mesac, ha Abed-nego osẽ oñehunga’ỹre. “Upéi Nabucodonosor oñe’ẽ, ha he’i, Tojehovasa Sadrac, Mesac, ha Abed-nego Tupã , … omosãsóva hembiguáipe ojeroviáva hese, … ha ome’ẽva hete, ani hag̃ua oservi terã otupãitũ ambue tupã, ndaha’éirõ Itupã añónte.” Ha’ekuéra ojerovia Jehová-re ñemosãsorã, “ha katu nahániriramo“, he’iséva, jepeve Tupã Iñarandúpe ombotove’ỹrõ iñemanonguéra, upéicha jepe hi’añetéta hikuái Chupe.

Opa mba’e oñemoĩva pe Túva ha Ta’ýra ñetupãitũ árigui oiko peteĩ ídolo. Upe omboykéva Tupãme añetegua fuente ramo, terã onegáva responsabilidad oguerekóva Chupe g̃uarã, omoĩ ijupe itupã ramo. Peteĩ omoĩva hekojerovia peteĩ partido terã causa-pe ñeisãmbyhy divino ári otupãitũ peteĩ tupã añetegua’ỹvape. Jepeve umi he’íva otupãitũha Tupãme ha katu noñongatúi hembiapoukapykuéra oguata tape imba’etévare: “Ijurúpe oñemoag̃ui hikuái cherehe, ha katu ikorasõnguéra mombyry chehegui.” Ñane tupãitũ mba’e ha’e “pe Tupã añetegua, ha Jesucristo, [Ha’e] ombouva’ekue”añónte.

Ñemohu’ã ramo, jaikoháicha ikatu ha’e pe tupãitũ iporãvéva ha hi’añeteguavéva. Jahechauka ñane devoción he’ise ñañeha’ã jajapo pe Túva ha Ta’ýra ojapóva—ñamongakuaa Heko ha Icarácter-kuéra ñandepype. Ñe’ẽnga he’iháicha, jeimita ha’érõ pe adulación añeteguavéva, ja’ekuaa avei Tupã rehe, ñeha’ã jajapo Ha’ekuéra ojapóva ha’e pe tupãitũ añeteguavéva. Kóva ohechauka ñeha’ã kyre’ỹ ha tapia ñandehegui jaheka hag̃ua ñemomarangatu. Ha katu toikove ñandehegui Cristo-icha ha’e avei pe oikóva ijehegui ñane tupãitũ mba’e’apo rupi. Elder Kearon ñe’ẽ oñeñe’ẽvagui ramoite tupãitũ rehegua, “ñanemoambue hag̃uáicha,” tuicha mba’e. Tupãitũ añete oporomoambue.

Kóva pe konvénio rape—pe tupãitũ, mborayhu, ha tekojerovia Tupãme rape— porãngue. Jaike upe tapépe ñemongarai rupi, ñañe’ẽme’ẽvo ñamoĩtaha ñande rehe Cristo réra ha ñañongatutaha Hembiapoukapykuéra. Jahupyty pe Espíritu Santo jopói, Salvador gracia maranduhára opororredimi ha oporomopotĩva angaipágui ñañearrepenti vove. Ikatu jepe ja’e ñañarrepentívo ñatupãitũha Ichupe.

Upéi ou ambue sacerdocio ordenánsa ha konveniokuéra ojejapóva Ñandejára Rógape ñanemomarangatuvéva. Umi ceremonia ha ordenansakuéra templo-pegua ha’e peteĩ tupãitũ ijyvatevéva.

Presidente Russell M. Nelson ohaiguyva’ekue “opa kuimba’e ha kuña opartisipáva sacerdocio ordenansakuérape ha ojapo ha oñongatúva konveniokuéra Tupãndi oguereko jehupytykuaa directo Tupã pokatúpe.” Kóva ndaha’éi pokatu jaiporúva jaservi ha jahovasa añónte g̃uarã. Ha’e avei pokatu divino omba’apóva ñandepype ñanemoĩporãve ha ñanemopotĩ hag̃ua. Jaguatávo konvenio rapére, “ojehechauka [ñanderehe] divinidad pokatu“ oporomarangatúva.”

Tajajapo ñande, umi Nefita ha Lamanita ymaguaréicha, “[hoʼáva] hikuái Jesús py gotyo, ha [otupaitũva] chupe.” [Tañañesũ] ha [tañatupãitũ] Túvape [pe Ta’ýra] rérape”, Jesús omandahaguéicha. Tajahupyty pe Espíritu Santo ha tañame’ẽ ñane korasõ Tupãme, ani jaguereko ambue tupãkuéra Henondépe, ha Jesucristo discípulo ramo, tajajapo Icarácter ñande rekovetépe. Atestifika jajapóvo upéva, ñañandúta vy’apavẽ tupãitũme. Jesucristo rérape, amén.