نجات دہندہ سے میرا پیار میرا ”کیوں“ ہے

کیا آپ نے کبھی غَور کیا ہے کہ ہمارے پیارے نبی، صدر رسل ایم نیلسن، مُسلسل ہمیں دَعوت دیتے ہیں؟ اِس میں تَعجُب کی بات نہیں، کہ اُنھوں نے ہمیں گُزشتہ دو مجالِس میں دیے گئے پیغامات کا مُطالعہ کرنے اور اُن پر غَور کرنے کی دعوت دی ہے۔ اپریل 2024 میں، اُنھوں نے فرمایا، ”مَیں اُمِّید کرتا ہُوں کہ آنے والے مہینوں میں آپ بار بار اِس عِبادت کے پیغامات کا مُطالعہ کریں گے۔“ پِھر اكتوبر 2024 میں اُنھوں نے فرمایا، ”مَیں آپ کو تاکِید کرتا ہُوں کہ [مقررین کے] پیغامات کا مُطالعہ کریں۔ اَگلے چھے مہینوں کے دوران میں اِن کو لِٹمس ٹیسٹ کی طرح اِستعمال کریں کہ کیا سچّ ہے اور کیا نہیں۔“

اِن دعوتوں کو اُن پیغمبرانہ دعوتوں میں شامِل کِیا جا سکتا ہے جو ہم نے اپنی پُوری زِندگیوں میں پائی ہیں، بشمول اور خاص طور پر اُن کے جو ہم نے حالیہ برسوں میں پائی ہیں۔ ہم محسُوس کر سکتے ہیں یا سوچ سکتے ہیں کہ یہ دعوتیں ایک اور چِیز ہیں جو ہمیں اپنی فہرست میں صِرف اِس لِیے شامل کرنے کی ضرُورت ہے، کیوں کہ ہمیں دعوت دی گئی تھی یا اِسے کرنے كو كہا گیا تھا۔ لیکن کیا اِس کے لِیے مزید کُچھ ہو سکتا ہے؟

اِس پر اور جو تمام دعوتیں ہمیں ملیں اُن پر غَور کرتے ہُوئے، مُجھے کُچھ یاد آیا جو مَیں نے بُہت پہلے سِیکھا اور فیصلہ کیا تھا۔ مَیں اِن کاموں کو کرنے کی کوشش کر رہا ہُوں، جو میرے لِیے ضرُوری ہیں کیوں کہ مَیں اُس سے محبّت کرتا ہُوں؛ یعنی اپنے نجات دہندہ سے محبّت کرتا ہُوں۔ یہ وہ حقِیقی اور سب سے قوی وجہ ہے جو مَیں انجام دیتا ہُوں، اور پِھر آپ، میرے ساتھی بھائیوں اور بہنوں کے لِیے میرا پیار ہے۔

اپنے بھائی کی طرح، مَیں اُمِّید کرتا ہُوں کہ آپ میری باتوں کو مُخلص دعوت سمجھیں گے کہ ہر کام کو نجات دہندہ سے اپنی محبّت کے ساتھ جوڑنے کے موقع کو سمجھنے کے خواہاں ہوں۔

اَیسا کرنے سے ہمیں نجات دہندہ کے شاگِردوں کی حیثیت سے ہر کام کے پِیچھے حقِیقی ”کیوں“ کو سمجھنے میں مدد ملے گی۔ یہ خُدا کے ساتھ اپنے عہد کے تعلُق کو مضبُوط کرنے، اُس کی اِلہٰی اور اَبَدی سچّائیوں، اُس کی اَبَدی اور کامِل سچّائیوں کو سمجھنے میں ہماری مدد کرے گا جو کبھی نہیں بدلیں گی۔ اَبَدی سچّائیاں جَیسے ”کِیُوں کہ خُدا نے دُنیا سے اَیسی محبّت رکھّی کہ اُس نے اپنا اِکلَوتا بَیٹا بخش دِیا تاکہ جو کوئی اُس پر اِیمان لائے ہلاک نہ ہو بلکہ ہمیشہ کی زِندگی پائے۔“

یہ دِلچسپ ہے کہ بعض اوقات چُوں کہ ہم نے مُستقل طور پر اُس حد تک کاموں کو انجام دِیا ہے کہ وہ روایات میں تبدیل ہو گئے ہیں، ہم اُن روایات یا سرگرمیوں کو یِسُوع مسِیح پر اِیمان قائم کرنے کی اپنی کوششوں کو ہدایت دیتے ہیں۔ اَیسا لگتا ہے کہ ہم یہ کام کرتے ہیں، کیوں کہ ہم نے نجات دہندہ کے ساتھ اپنے عہد کے تعلُق پر اُن کے اَثرات پر غَور کیے بغیر کئی سالوں سے اُنھیں کیا ہے۔

ہماری دُنیا میں، ہم عام طور پر اپنے کاموں اور اہداف کو مُستقل طور پر پُورا کرنے پر توجہ مرکُوز کرتے ہیں۔ رُوحانی دائرہ میں، ہمارے پاس موقع ہوتا ہے کہ ہم محض کام کرنے یا اہداف حاصل کرنے سے بالاتر ہو کر یہ سمجھیں کہ ہم اُنھیں کیوں کر رہے ہیں۔ اگر تو ہم نجات دہندہ اور ہمارے آسمانی باپ کے لِیے اپنی محبّت سے مُتعلق اپنے اَعمال کے پِیچھے مُتعلقہ اُس وجہ کو سمجھتے اور وابستہ کر سکتے، تو اُن موقعوں سے فائدہ اُٹھاتے ہُوئے، ہم سمجھیں گے کہ راست کام کرنے کے باوجود جَیسے کہ کلِیسیائی سرگرمیاں یا روایات اور اُنھیں مناسب طور پر کرنا اچّھی بات ہے، جب ہم اُنھیں اِس ”کیوں،“ سے جوڑتے ہیں کہ ہم وجہ کو سمجھنے سے برکت پائیں گے۔ یہ صِرف اچّھے کام کرنے یا صحیح کام کرنے سے متعلق نہیں ہے؛ بلکہ ہم اِنھیں دُرست طور پر بھی کریں گے۔

مثال کے طور پر، جب آپ صحائف کو پڑھنے، مُخلص دُعا کرنے، یا اپنے خاندان یا اپنی وارڈ کے لِیے سرگرمی تیار کرنے کے مقصد کا تعین کرتے ہیں تو کیا، اُن کاموں کو صِرف پُورا کرنا ہی اصل مقصد ہے؟ یا کیا یہ اَعمال وہ ذرائع ہیں، جو آپ کی تدبیر کے لِیے، حقِیقی مقصد کو حاصل کرنے کے لِیے ہیں؟ کیا مقصد صِرف ایک سرگرمی مُنعقد کرنا ہے کیوں کہ ہم نے یہ کئی سالوں سے ایسا کِیا ہے اور پِھر اُس خانے کو ٹِک کرنا جِس کو ہم نے مُکمل کر لِیا ہے؟ یا، ایک بار پِھر، کیا یہ وہ ذرائع ہیں جو ہم نجات دہندہ کے ساتھ سِیکھنے، محسُوس کرنے اور رابطہ کرنے کے لِیے اِستعمال کرتے ہیں؟

براہِ کرم سرگرمیوں اور روایات یا اہداف طے کرنے اور اُن کی کامیابی کے لِیے سخت محنت کرنے کے بارے میں میرے نقطہ نظر کو غلط نہ سمجھیں؛ اِس سے مُتعلقہ کُچھ بھی غلط نہیں ہے۔ تاہم، مَیں آپ کو دعوت دیتا ہُوں کہ آپ اپنے دِلوں اور ذہنوں کو سمجھنے کے موقع اور برکت کے لِیے کھولیں کہ ہم یہ کام کیوں کرتے ہیں اور ہم اپنے مذہب پر کیسے عمل کرتے ہیں۔

مسِیح پر مرکوز روایات کی اعلیٰ مثال صدر ڈیلن ایچ اوکس کی صدارتِ اَوّل کے نام پر ہم سب کو دی گئی چنوتی ہے۔ صدر اوکس نے فرمایا، ”جب ہم اِس نئے سال میں داخل ہوتے ہیں، تو آئیں ہم یِسُوع مسِیح کی کَفارہ بخش قُربانی کے ایسٹر کی خُوشی منانے کی تیاری کریں۔ اِس سے کوئی فرق نہیں پڑتا کہ دُوسروں کا کیا عقیدہ ہے یا وہ کیا کرتے ہیں، ہمیں اپنے زِندہ نجات دہندہ کی قیامت کی خُوشی منانی چاہیے، اُس کی تعلیمات کا مُطالعہ کرنے اور اپنے مُعاشرہ میں اِکٹھے مِل کر ایسٹر کی روایات قائم کرنے میں مدد کرنی چاہیے، خاص طور پر اپنے خاندانوں میں۔“ جَیسا کہ آپ دیکھ سکتے ہیں، یہ صِرف روایات برقرار رکھنے کی دعوت نہیں ہے۔ اِس کی بجائے، ہم اُن روایات کو نجات دہندہ کے بارے میں مزید جاننے اور اُس کی قیامت کو یاد رکھنے کے لِیے اِستعمال کریں۔

جِس قدر ہم اِس وجہ کو نجات دہندہ سے اپنی محبّت کے ساتھ جوڑ سکتے ہیں، اُسی قدر ہم اُس کو پانے کے قابل ہوں گے جِس کی ہمیں ضرُورت یا تلاش ہے۔ صدر نیلسن نے فرمایا، ”آپ کے جو بھی سوالات یا مسائل ہیں، اِس کا جواب سَدا یِسُوع مسِیح کی حیاتِ صالح اور تعلیمات میں پایا جاتا ہے۔ اور پِھر اُنھوں نے یہ دعوت دی: ”اُس کے کَفارہ، اُس کی محبّت، اُس کی رحمت، اُس کی تعلیم، اور اُس کی شِفا اور ترقی کی بحال شُدّہ اِنجِیل کے بارے میں مزید جانیں۔ اُس کی طرف مائل ہوں! اُس کی پیروی کریں!“

اپنے دِلوں اور ذہنوں میں اِس پر غَور کریں: کہ کیا آپ یقین رکھتے ہیں کہ صدر نیلسن کی دعوت کا مقصد چیک لسٹ تیار کرنے میں ہماری مدد کرنا ہے جہاں ہم مزید عِلم اور جامع کاموں کا اندراج کریں گے تاکہ ہم اپنے کام کی فہرستوں سے اُن کی دعوت پر نشان لگا سکیں؟ یا کیا وہ ہمیں اُن اَبَدی سچّائیوں اور اُصُولوں کے پہلوؤں پر غَور کرنے کے لیے ایک موقع کے طور پر دعوت دے رہا ہے کہ ہم اُس کیوں کو سمجھیں اور نجات دہندہ کی موعودہ محبّت کو ہماری زِندگی بھر کی شاگِردی کے سفر سے جوڑیں؟

مَیں اُس اُصُول کی وضاحت کرتا ہُوں جو مَیں بتانے جا رہا ہُوں۔ ایک آپشن، جو شاید انتہائی حد تک ہے، مجلسِ عامہ کے تمام پیغامات کو پڑھنا ہو سکتا ہے، اور ایک بار جب مَیں کروں گا، تو مَیں اپنے مُطالعہ کے ساتھ کچھ اور کیے بغیر اپنی فہرست سے کروں گا۔ مَیں سمجھتا ہُوں کہ یہ غیر معمولی مُعاملہ ہے، لیکن یہ غیر حقیقی نہیں ہے۔ شاید، ہم میں سے بُہت سے اِس مثالی اور اُس کے درمیان میں ایک مقام پر ہیں۔

دعوت یہ ہے کہ مجلسِ عامہ کے پیغامات کا مُطالعہ اور غَور و خوض کِیا جائے اور اُنھیں یہ تعین کرنے اور سمجھنے کے لِیے اِستعمال کیا جائے کہ ہم میں سے ہر کوئی بہتری لانے کے لِیے کیا کر سکتا ہے۔

جب ہم دعوت کو قبُول کرتے ہیں، اِس کے پِیچھے ”کیوں“ کا فہم رکھتے ہیں، تو ہمیں نجات دہندہ کے قریب ہونے کے مزید مواقع ملیں گے۔ ہم سمجھنا شروع کریں گے کہ چُوں کہ مَیں نجات دہندہ سے محبّت کرتا ہوں، اِس لیے مَیں زندہ نبیوں کے کلام کا مطالعہ کر کے اُس کے بارے میں مزید جاننا چاہتا ہوں۔ اور چُوں کہ مَیں اپنے ہم عصر سے بھی پیار کرتا ہوں، مَیں اپنے پیاروں سے آغاز کرتے ہوئے، نبیوں، رویا بینوں، اور مکاشفہ بینوں کی تعلیمات دوسروں کے ساتھ بانٹوں گا۔

دونوں مثالوں میں، آپ ایک راست کام کر رہے ہیں۔ ایک میں، مقصد اُن ذرائع کو اِستعمال کرتے ہُوئے دِکھائی دیتا ہے جو آسمانی باپ اور نجات دہندہ نے ہمیں دِیے ہیں، جو کہ مجلسِ عامہ کے دوران میں دِیے گئے پیغامات ہیں۔ دُوسری بُنیادی وجوہات میں بصِیرت پانے کی گہری برکت کو قبُول کرنا ہے، اَبَدی سچّائیوں کو سمجھنے کے لِیے پیش راہ ہے اور اُن سب سے وعدہ کی گئی برکات جو ہمارے نجات دہندہ، یِسُوع مسِیح، کی تعلیمات اور زِندگی کو اپنی زِندگی کا اہم نقطہ بناتی ہیں۔

پیارے بھائیو اور بہنو، مَیں اُمِّید کرتا ہُوں کہ آپ اپنے اَعمال کو نجات دہندہ سے اپنی محبّت کے ساتھ جوڑنے کی اہمیت کو محسُوس کر سکتے اور دیکھ سکتے ہیں۔ عالمی دُنیا میں، بہت سی آوازیں آپ پر اثر انداز ہونے کی کوشش کریں گی اور، اگر ممکن ہو، تو آپ کو یہ یقین دلائیں گی کہ یِسُوع مسِیح کی بحال شُدہ اِنجیل کی چند بنیادی سچائیاں غیر ضروری ہیں۔ یہ آوازیں اُن آخِری ایّام میں بَحالی کی ضُرورت کی لازمی سچائی سے شروع ہوتی ہیں، بشمول زمین پر خُدا کی بادشاہی ہونے کی ضرورت، جس کی نمایندگی کلِیسیائے یِسُوع مسِیح برائے مُقدّسِینِ آخِری ایّام کرتی ہے۔

آپ اَیسی آوازیں سُن سکتے ہیں جو اصرار کر رہی ہیں کہ نجات دہندہ کے ساتھ صِرف ذاتی تعلُق یا فہم کافی ہے اور مذہب یا بحال شُدّہ کلِیسیا غیر ضرُوری یا غیر اہم ہے۔ مَیں آپ کو دعوت دیتا ہُوں کہ آپ اِن گم راہ کُن خیالات سے اَثر اَنداز ہونے میں سُست روی کا باعث بنیں یا حتیٰ کہ اُن پر اَثر اَنداز ہونے کے مدافعتی ہوں اور یہ یاد رکھنے میں جلدی کریں کہ نجات دہندہ قدیم زمانہ سے ہمیں کیا بتا رہا اور سِکھا رہا ہے—آسمانی باپ اور یِسُوع مسِیح کی محبّت سے آغاز کرتے ہُوئے اور اُن کے ساتھ اپنی محبّت کو اُن کی تقلید کی وجہ کے طور پر جوڑتے ہیں۔

خُدا باپ اور اُس کا بیٹا ظاہر ہُوئے اور جوزف سمتھ سے یِسُوع مسِیح کی کلِیسیا کو بحال کرنے اور زمانوں کی معمُوری کے زمانہ کا آغاز کرنے، یعنی اُس کی بادِشاہی کو قائم کے لِیے کلام کِیا۔ لہٰذا، کلِیسیائے یِسُوع مسِیح برائے مُقدّسِینِ آخِری ایّام وہ وسِیلہ ہے جو آسمانی باپ کی طرف سے اُن عہُود تک رسائی پانے کے لِیے قائم کی گئی ہے جو ہمیں گھر واپس جانے کے قابل بناتے ہیں۔ پَس، ہمیں آسمانی باپ اور اُس کے بیٹے کے ساتھ محض ذاتی تعلُق سے زیادہ کی ضرُورت ہے؛ ہمیں ضرُوری کہانتی رُسُوم کی ضرُورت ہے جِن کے وسِیلہ سے ہم اُن کے ساتھ عہُود باندھتے ہیں۔ یہ اُن کے ساتھ عہد کا بندھن قائم کرتا ہے اور ہمیں اُن کے عہد کی محبّت تک رسائی بخشتا ہے، جِس سے مُمکن ہوتا ہے کہ اُن لوگوں کے لِیے تیار کی گئی جلال کی افضل ترین بادِشاہی حاصل کریں جو اپنے عہُود کے ساتھ سچّے اور وفادار ہیں۔

اپنی جان کی ساری طاقت کے ساتھ، مَیں اپنے نجات دہندہ، یِسُوع مسِیح کی حقیقت اور اُلُوہِیّت کی گواہی دیتا ہُوں۔ وہ آپ سے پیار کرتا ہے۔ وہ جانتا ہے کہ آپ کی زِندگی میں کیا ہو رہا ہے۔ اُس کے بازُو کھُلے ہیں، یہ دعوت دیتے ہوئے کہ ”میرے پاس آؤ، … اور، مَیں تُم کو آرام دُوں گا۔“

مَیں نجات دہندہ سے پیار کرتا ہُوں، اور اُس کے لِیے میرا پیار میرا ”کیوں“ ہے۔ یِسُوع مسِیح کے نام پر، آمین۔