அவர் கரம் நமக்குத் துணை நிற்கும்

நாம் சிலஸ்டியலாக சிந்தித்தால், நம் வாழ்வில் நாம் சவால்களை எதிர்கொள்வோம், சவால்களை மேற்கொள்வது நமது திறமைக்கு அப்பாற்பட்டது என்பதை புரிந்துகொள்வோம். இப்பூலோக வாழ்க்கையில், நாம் சந்துருவின் தாக்குதல்களுக்கு உட்படுவோம். அந்த கோடை நாளில் என் மீது ஆதிக்கம் கொண்ட அலைகளைப் போல, நாம் வல்லமையற்றவர்களாக உணரலாம் மற்றும் வலுவான விதிக்கு நம்மை விட்டுக்கொடுக்க நினைக்கலாம். அந்த “கொடூர அலைகள்” நம்மை ஒரு பக்கத்திலிருந்து இன்னொரு பக்கமாக மோதித் தள்ளக்கூடும். ஆனாலும் அந்த அலைகள் மீதும், உண்மையில் எல்லாவற்றின் மேலும் அதிகாரம் பெற்றவர் யார் என்பதை மறந்துவிடாதீர்கள். அதுதான் நம் இரட்சகராகிய, இயேசு கிறிஸ்து. ஒவ்வொரு துயரமான சூழ்நிலையிலிருந்தும் அல்லது பாதகமான சூழ்நிலையிலிருந்தும் நமக்கு உதவ அவருக்கு வல்லமையிருக்கிறது. நாம் அவருடன் நெருக்கமாக உணர்கிறோமா என்பதைப் பொருட்படுத்தாமல், நாம் இருக்கும் இடத்தில் நாம் நாமாகவே இருக்கும்போதும் அவர் நெருங்குகிறார்.

நாம் விசுவாசத்துடன் அவரை நெருங்கும் போது, அவர் எப்போதும் நம்மோடு இருப்பார், அவருடைய நேரத்தில், நம் கைகளைப் பற்றிக்கொண்டு நம்மை பாதுகாப்பான இடத்திற்கு இழுக்கவும் தயாராக இருப்பார்.

நாம் சிலஸ்டியலாக சிந்திப்போமானால், இயேசு கிறிஸ்துவை ஊழியத்தின் ஒரு குறைபாடற்ற முன்மாதிரியாக அங்கீகரிப்போம். அவர் அல்லது அவருடைய சீஷர்கள் உதவி, மீட்பு அல்லது ஆசீர்வாதம் தேவைப்படும் ஒருவரை நெருங்கும்போது, அவர்களும் தங்கள் கைகளை நீட்டி நெருங்கும்போது, வேதத்தில் நமக்கு ஒரு மாதிரி இருக்கிறது. என் கதையில், என் அண்ணன் அங்கு இருப்பதை நான் அறிந்தேன், ஆனால் அங்கு இருப்பது மட்டும் போதாது. நான் சிக்கலில் இருப்பதை கிளாடியோ அறிந்தான், அவன் என்னை தண்ணீரில் இருந்து வெளியே கொண்டு வரவும் உதவினான்.

அவ்வப்போது, தேவைப்படும் ஒருவருக்காக நாம் இருந்தால் போதும் என்று நினைக்கிறோம், ஆனால் பல நேரங்களில், நம்மால் இன்னும் அதிகம் செய்யக்கூடும். ஒரு நித்திய கண்ணோட்டத்தைக் கொண்டிருப்பது, தேவைப்படும் மற்றவர்களுக்கு சரியான நேரத்தில் உதவியை வழங்க வெளிப்பாடுகளைப் பெற உதவும். என்ன வகையான உதவி தேவை என்பதை அறிய பரிசுத்த ஆவியின் வழிநடத்துதலிலும் ஏவுதலிலும் நாம் சார்ந்திருக்கலாம், அது மன ஆறுதல், உணவு, அன்றாட வேலைகளில் உதவுதல் போன்ற உலகப்பிரகாரமான உதவியாக இருக்கலாம் , அல்லது ஆவிக்குரிய வழிநடத்துதலான பரிசுத்த உடன்படிக்கைகளை உருவாக்குவதிலும், செயல்படுத்துவதிலும், கனப்படுத்துவதிலும் மற்றவர்களுக்கு உதவுவதாகவும் இருக்கலாம்.

மூத்த அப்போஸ்தலரான பேதுரு, “இயேசுவிடம் செல்ல தண்ணீரின் மேல் நடந்தபோது … அவன் பயந்து அமிழ்ந்துபோகத் தொடங்கினான்“, பின்னர் “ஆண்டவரே என்னை இரட்சியும் என்று கதறினான்“. பேதுரு, தன் விசுவாசத்தை காண்பிக்க தண்ணீரின் மேலாக தம்மிடம் வர முயற்சி செய்ததை இயேசு அறிந்திருந்தார். பேதுருவின் பயத்தையும் அவர் அறிந்திருந்தார். எழுதப்பட்டபடி, “உடனே இயேசு … கையை நீட்டி அவனைப்பிடித்து,” பின்வரும் வார்த்தைகளைக்கூறினார் : “அற்பவிசுவாசியே, ஏன் சந்தேகப்பட்டாய்?” அவரின் வார்த்தைகள் பேதுருவை கடிந்துகொள்வதற்காக அல்ல, ஆனால் அவனுடனும் சீஷர்களுடனும் இருப்பது அவர்தான், மேசியாவானவர், என்பதை அவனுக்கு நினைவூட்டினார்.

நாம் சிலஸ்டியாலாக சிந்தித்தால், இயேசு கிறிஸ்து உண்மையில் நம்மை காக்கிறவர், பிதாவுடன் பரிந்து பேசுபவர், நம் மீட்பர் என்பது நம் இருதயங்களில் உறுதிப்படும். நாம் அவரில் விசுவாசமாயிருந்தால், அவர் நம்மை விழுந்துபோன நிலையிலிருந்து இரட்சித்து, நம் சவால்களையும் சுகவீனங்களையும் உலகப்பிரகாரமான தேவைகளையும் கடந்துபோகப்பண்ணி, எல்லா கொடைகளிலும் மிகவும் பெரிதான நித்திய ஜீவனைத் தந்தருள்வார்.

அன்று என் சகோதரன் என்னை கைவிடவில்லை, விடாப்பிடியாக நிலைத்திருந்ததால், நான் அதை எப்படி செய்ய வேண்டும் என்பதை கற்றுக்கொள்ள முடிந்தது. அவன் என்னை இரண்டு முறை காப்பாற்ற வேண்டியிருந்திருந்தாலும் தொடர்ந்து போராடினான். எனக்கு முதலில் புரியவில்லை என்றாலும் அவன் விடாப்பிடியாயிருந்தான். நான் இந்த சவாலை எதிர்கொண்டு வென்றுவிட வேண்டுமென்பதில் அவன் விடாப்பிடியாயிருந்தான். நாம் சிலஸ்டியலாக சிந்தித்தால், நம்முடைய வாழ்வில் உண்மையான மற்றும் நித்திய மகிழ்ச்சியைக் கொண்டுவரக்கூடிய எந்த காரியத்தையும் கற்றுக்கொள்ள, மாற்றிக்கொள்ள, சமாளிக்க, ஒத்துப்போக அல்லது வெற்றிபெற முயற்சிப்போமானால், நமக்கு எத்தனை தடவை அவருடைய உதவி தேவையோ அத்தனை முறை உதவி செய்வதற்குத் இரட்சகர் நமக்காக இருப்பார் என்று உணருவோம்.

இரட்சகரின் கைகளின் அடையாளத்தையும் முக்கியத்துவத்தையும் வேதங்கள் என்றும் நிலைத்திருக்கும் கரங்களாக சித்தரிக்கின்றன. அவருடைய பாவ நிவாரண பலியில், அவரை சிலுவையில் தூக்கி நிறுத்த அவருடைய கரங்கள் ஆணிகளால் துளைக்கப்பட்டன. அவருடைய உயிர்த்தெழுதலுக்குப் பிறகு, அவர் தம்முடைய சீஷர்களுக்கு ஒரு பரிபூரண சரீரத்தில் தோன்றினார், ஆனால் அவருடைய கரங்களின் தழும்புகள் அவருடைய நிகரற்ற பலியின் நினைப்பூட்டுதலாகத் தொடர்ந்து இருக்கின்றன. நம்முடைய பரலோக பிதா, நம்முடைய இரட்சகராக, எல்லா மனுக்குலத்தின் மீட்பராக அவரை தெரிந்துகொண்டதால், நாம் முதலில் அதைக் காணவோ உணரவோ முடியாதிருந்தாலும், அவருடைய கரம் எப்பொழுதும் நமக்கு இருக்கும்.

நமது பிடியில், ஜாய் பிரையன்ட் வார்ட்

தேவனின் கரம், யாங்சங் கிம்

நான் சிலஸ்டியலாக சிந்தித்தால், இவ்வாழ்வில் நாம் தனியாக விடப்படவில்லை என்பது எனக்குத் தெரிய வரும். நாம் சவால்களையும் சோதனைகளையும் எதிர்கொள்கையில், நம்முடைய பரலோக பிதா நம்முடைய திறமைகளைப் பற்றி அறிந்திருக்கிறார், நம்முடைய கஷ்டங்களைத் தாங்கவோ சமாளிக்கவோ முடியும் என்பதையும் அறிந்திருக்கிறார். நாம் நம்முடைய பங்கைச் செய்து விசுவாசத்தோடு அவரிடம் திரும்ப வேண்டும். அவருடைய நேச குமாரன் இயேசு கிறிஸ்து நம் மீட்பராக இருக்கிறார் மற்றும் எப்போதும் இருப்பார். அவரின் நாமத்தில், இயேசு கிறிஸ்துவின் பரிசுத்த நாமத்தில், ஆமென்.