« គ្រួសារយ៉ាណាហ្គ៊ីដា » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« គ្រួសារយ៉ាណាហ្គ៊ីដា » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ឆ្នាំ១៩៥០–ឆ្នាំ១៩៥១
គ្រួសារយ៉ាណាហ្គ៊ីដា
ដង្វាយមួយភាគក្នុងដប់ និងសេចក្ដីជំនឿទៅលើព្រះយេស៊ូវគ្រីស្ទ
តូហ្ស៊ីកូ និងតូហ្គីជី យ៉ាណាហ្គ៊ីដា បានរស់នៅក្នុងប្រទេសជប៉ុន ។ ពួកគេជឿលើព្រះយេស៊ូវគ្រីស្ទ ហើយបានចូលរួមក្នុងសាសនាចក្ររបស់ទ្រង់ ។ ប៉ុន្តែជីវិតនៅប្រទេសជប៉ុនគឺលំបាកណាស់នៅពេលនោះ ។ សង្គ្រាមបានបំផ្លាញផ្ទះសម្បែង និងអគារជាច្រើន ។ តូហ្ស៊ីកូ និងតូហ្គីជី ចង់សាងសង់ផ្ទះមួយសម្រាប់គ្រួសាររបស់ពួកគេ ប៉ុន្តែពួកគេក្រីក្រខ្លាំងណាស់ ។
ពួកបរិសុទ្ធ, ៣:៥៤៣
គ្រួសារយ៉ាណាហ្គ៊ីដា បានដឹងថាព្រះអម្ចាស់ចង់ឲ្យពួកគេថ្វាយដង្វាយមួយភាគក្នុងដប់ ប៉ុន្តែពួកគេមិនប្រាកដថាពួកគេអាចធ្វើបានឬអត់នោះទេ ។ តូហ្ស៊ីកូបានសួរអ្នកផ្សព្វផ្សាយសាសនាម្នាក់ថា តើពួកគេគួរធ្វើអ្វី « ការថ្វាយដង្វាយមួយភាគក្នុងដប់គឺពិបាកណាស់សម្រាប់ពួកយើង » នាងបាននិយាយ ។ អ្នកផ្សព្វផ្សាយសាសនាបានសន្យាថា ប្រសិនបើពួកគាត់ថ្វាយដង្វាយមួយភាគក្នុងដប់របស់ពួកគាត់ នោះព្រះអម្ចាស់នឹងជួយពួកគាត់សម្រេចបាននូវគោលដៅរបស់ពួកគាត់ក្នុងការមានផ្ទះជាកម្មសិទ្ធខ្លួនឯង ។
គោលលទ្ធិ និងសេចក្តីសញ្ញា ១១៩, ពួកបរិសុទ្ធ, ៣:៥៤៣–៥៤៤
តូហ្ស៊ីកូ និងតូហ្គីជី មិនប្រាកដចិត្តទេ ។ ពួកគាត់ស្ទើរតែមិនមានលុយគ្រប់គ្រាន់ដើម្បីទិញអាហារថ្ងៃត្រង់នៅសាលាសម្រាប់កូនប្រុសរបស់ពួកគាត់ ។ ប៉ុន្តែពួកគាត់បានសម្រេចចិត្តជឿជាក់លើព្រះអម្ចាស់ និងថ្វាយដង្វាយមួយភាគក្នុងដប់ ។
ពួកបរិសុទ្ធ, ៣:៥៤៣–៥៤៤
ព្រះអម្ចាស់បានប្រទានពរដល់គ្រួសារយ៉ាណាហ្គ៊ីដា ។ មិនយូរប៉ុន្មានពួកគេអាចទិញដី និងចាប់ផ្តើមសាងសង់ផ្ទះ ។
ពួកបរិសុទ្ធ, ៣:៥៤៤
មានថ្ងៃមួយអ្នកត្រួតពិនិត្យម្នាក់បានមក ។ គាត់បាននិយាយថា មានបញ្ហាមួយជាមួយដីរបស់ពួកគេ ហើយពួកគេមិនអាចសាងសង់ផ្ទះនៅទីនោះបានទេ ។ គាត់បានប្រាប់កម្មករឲ្យឈប់ ។
ពួកបរិសុទ្ធ, ៣:៥៤៤
គ្រួសារយ៉ាណាហ្គ៊ីដាមានការសោកស្តាយយ៉ាងខ្លាំង ។ ពួកគេបានប្រាប់ពួកអ្នកផ្សព្វផ្សាយសាសនានូវអ្វីដែលបានកើតឡើង ។ ពួកអ្នកផ្សព្វផ្សាយសាសនាបាននិយាយថា ពួកគេនឹងធ្វើការតមអាហារ និងអធិស្ឋានជាមួយគ្រួសារយ៉ាណាហ្គ៊ីដា ៕
ពួកបរិសុទ្ធ, ៣:៥៤៥
ក្រោយមក អ្នកត្រួតពិនិត្យម្នាក់ទៀតបានមក ។ លោកបាននិយាយថា បញ្ហាជាមួយដីរបស់ពួកគេអាចត្រូវបានដោះស្រាយ ។ គ្រួសារយ៉ាណាហ្គ៊ីដាអាចសាងសង់ផ្ទះរបស់ពួកគេបាន ។ អ្នកត្រួតពិនិត្យនោះបាននិយាយទៅកាន់ តូហ្ស៊ីកូ និងតូហ្គីជី « អ្នកទាំងពីរប្រហែលបានធ្វើអ្វីល្អហើយមើលទៅ » ។ ពួកគាត់បានដឹងថា ព្រះអម្ចាស់បានប្រទានពរដល់ពួកគាត់ ។ ពួកគេសប្បាយរីករាយដែលពួកគេបានជឿជាក់លើទ្រង់ និងបានថ្វាយដង្វាយមួយភាគក្នុងដប់ ។
ពួកបរិសុទ្ធ, ៣:៥៤៥