« ការសាងសង់ព្រះវិហារបរិសុទ្ធខឺតឡង់ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ការសាងសង់ព្រះវិហារបរិសុទ្ធខឺតឡង់ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែធ្នូ ឆ្នាំ១៨៣២–ខែមីនា ឆ្នាំ១៨៣៦
ការសាងសង់ព្រះវិហារបរិសុទ្ធខឺតឡង់
ដំណាក់ដ៏ពិសេសរបស់ព្រះអម្ចាស់
ព្រះអម្ចាស់បានមានបន្ទូលទៅកាន់ យ៉ូសែប ស្ម៊ីធ ថាវាដល់ពេលដែលពួកបរិសុទ្ធត្រូវសាងសង់ដំណាក់ដ៏ពិសេសមួយនៅទីក្រុងខឺតឡង់ហើយ ។ ដំណាក់នេះនឹងជាព្រះវិហារបរិសុទ្ធ ជាកន្លែងដែលព្រះអម្ចាស់នឹងយាងមកជួបរាស្ដ្ររបស់ទ្រង់ ហើយធ្វើសេចក្ដីសន្យាជាមួយនឹងពួកគេ ។ ទ្រង់នឹងប្រទានដល់ពួកគេនូវអំណោយទានដ៏ពិសេសនៅក្នុងព្រះវិហារបរិសុទ្ធរបស់ទ្រង់ ។ ទ្រង់បានហៅអំណោយទាននេះថា អំណោយទានពិសិដ្ឋនៃអំណាច ។
គោលលទ្ធិ និងសេចក្តីសញ្ញា ៨៨:១១៩; ៩៥:៨; Saints ១:២០៥
ពួកបរិសុទ្ធពុំបានចាប់ផ្ដើមការសាងសង់ព្រះវិហារបរិសុទ្ធភ្លាមៗនោះទេ ។ ប៉ុន្មានខែក្រោយមក ព្រះអម្ចាស់បានរំឭកពួកគេថា ព្រះវិហារបរិសុទ្ធគឺសំខាន់ខ្លាំងណាស់ ។ ហៃរុម ស៊្មីធ បានរត់ទៅផ្ទះឪពុកម្ដាយគាត់ដើម្បីប្រមូលឧបករណ៍ទាំងឡាយ ។ នៅពេលម្ដាយរបស់គាត់បានសួរថាគាត់ទៅណា គាត់បាននិយាយថា គាត់ចង់ធ្វើជាមនុស្សទីមួយដែលចាប់ផ្ដើមការសាងសង់ដំណាក់នៃព្រះអម្ចាស់ ។
គោលលទ្ធិ និងសេចក្តីសញ្ញា ៩៥:១–៨
ពួកបរិសុទ្ធនៅទីក្រុងខឺតឡង់ បានចាប់ផ្ដើមសាងសង់ព្រះវិហារបរិសុទ្ធ ។ វាចំណាយលុយច្រើន ហើយតម្រូវឲ្យមានការខិតខំច្រើន ។ សមាជិកនៃសាសនាចក្រដូចជា ស៊ីឌនី រិកដុន បានផ្ដល់លុយយ៉ាងច្រើនដើម្បីសាងសង់ព្រះវិហារបរិសុទ្ធ ។ ពួកគេមានក្តីរំភើបដើម្បីធ្វើតាមបទបញ្ញត្ដិរបស់ព្រះអម្ចាស់ និងទទួលពរជ័យនៅក្នុងដំណាក់របស់ទ្រង់ ។
Saints ១:២០៩–២១១
នៅពេលពួកបរិសុទ្ធធ្វើការសាងសង់ព្រះវិហារបរិសុទ្ធ ពួកគេចាប់ផ្ដើមអស់លុយ ។ ស៊ីឌនី និងថ្នាក់ដឹកនាំសាសនាចក្រផ្សេងទៀតមានការព្រួយបារម្ភ ។ ស៊ីឌនីអធិស្ឋានទូលសុំជំនួយពីព្រះ ។
Saints ១:២១០–២១១
សមាជិកសាសនាចក្រម្នាក់ឈ្មោះ ខារ៉ូលីន ធីបភិត និងគ្រួសាររបស់គាត់មានលុយសន្សំជាច្រើន ។ ខារ៉ូលីនអនុញ្ញាតឲ្យសាសនាចក្រខ្ចីលុយរបស់ពួកគាត់ ដើម្បីជួយក្នុងការសាងសង់ព្រះវិហារបរិសុទ្ធ ។
Saints ១:២១១–២១៣
ពួកបរិសុទ្ធជាច្រើននៅខឺតឡង់បានខិតខំសាងសង់ព្រះវិហារបរិសុទ្ធ ។ អ្នកខ្លះបានបររទះដឹកថ្មពេញទៅកាន់ព្រះវិហារបរិសុទ្ធ ។ អ្នកខ្លះទៀតដេរសម្លៀកបំពាក់ និងចម្អិនម្ហូបសម្រាប់អ្នកធ្វើការ ។ ក្មេងៗបានប្រមូលបំណែកកញ្ចក់ដែលបែក បំបែកវាឲ្យតូចៗ ហើយដាក់លើជញ្ជាំងព្រះវិហារបរិសុទ្ធដើម្បីឲ្យវាភ្លឺចិញ្ចាំងចញ្ចែង ពេលត្រូវពន្លឺថ្ងៃ ។
Saints, ១:២១០, ២១៩, ២២១
ឆាប់ៗនេះ ព្រះវិហារបរិសុទ្ធបានសាងសង់រួចរាល់ ! ពួកបរិសុទ្ធរំភើបក្នុងការទៅដំណាក់របស់ព្រះអម្ចាស់ដើម្បីទទួលពរជ័យដែលទ្រង់បានសន្យាដល់ពួកគេ ។
Saints ១:២២១