« ព្រះវិហារបរិសុទ្ធខឺតឡង់ត្រូវបានឧទ្ទិសឆ្លង » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ព្រះវិហារបរិសុទ្ធខឺតឡង់ត្រូវបានឧទ្ទិសឆ្លង » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែមីនា ឆ្នាំ១៨៣៦
ព្រះវិហារបរិសុទ្ធខឺតឡង់ត្រូវបានឧទ្ទិសឆ្លង
ការទទួលអារម្មណ៍ពីព្រះវិញ្ញាណបរិសុទ្ធរបស់ព្រះអម្ចាស់នៅក្នុងដំណាក់របស់ទ្រង់
នៅទីបំផុត បន្ទាប់ពីខិតខំប្រឹងប្រែងអស់រយៈពេលជិតបីឆ្នាំ ព្រះវិហារបរិសុទ្ធខឺតឡង់បានសាងសង់រួចរាល់ ។ ព្យាការីយ៉ូសែបបានអញ្ជើញពួកបរិសុទ្ធឲ្យចូលរួមការប្រជុំពិសេសដើម្បីឧទ្ទិសឆ្លងព្រះវិហារបរិសុទ្ធ ។ លោកនឹងពោលពាក្យអធិស្ឋានពិសេស ហើយថ្វាយព្រះវិហារបរិសុទ្ធដល់ព្រះអម្ចាស់ ។ វានឹងក្លាយទៅជាដំណាក់ដ៏បរិសុទ្ធរបស់ព្រះអម្ចាស់ ។
Saints ១:២៣៥
នៅព្រឹកព្រលឹមនៃការប្រជុំនោះ ពួកបរិសុទ្ធរាប់រយនាក់បានមកជួបជុំគ្នានៅក្នុងព្រះវិហារបរិសុទ្ធ ។ នៅពេលដែលកៅអីទាំងអស់បានពេញ មនុស្សម្នាបានឈរនៅមាត់ទ្វារ និងខាងក្រៅ ឈរមើលតាមបង្អួច ។ គ្រប់គ្នាមានក្ដីរំភើបក្នុងការឃើញព្រះវិហារបរិសុទ្ធត្រូវបានឧទ្ទិសឆ្លង ។
Saints ១:២៣៥–២៣៦
យ៉ូសែបបានពោលពាក្យអធិស្ឋានដើម្បីឧទ្ទិសព្រះវិហារបរិសុទ្ធ ។ លោកបានទូលដល់ព្រះអម្ចាស់ថា ពួកបរិសុទ្ធបានគោរពប្រតិបត្ដិដល់ទ្រង់ ។ លោកបានទូលសូមព្រះអម្ចាស់ឲ្យទទួលយកព្រះវិហារបរិសុទ្ធនេះជាដំណាក់របស់ទ្រង់ ។
គោលលទ្ធិ និងសេចក្ដីសញ្ញា ១០៩:១–៥
យ៉ូសែបអធិស្ឋានថា គ្រប់គ្នាដែលមកកាន់ព្រះវិហារបរិសុទ្ធនឹងទទួលបានព្រះចេស្ដារបស់ព្រះអម្ចាស់ ហើយដឹងថានេះគឺជាដំណាក់របស់ទ្រង់ ។
គោលលទ្ធិ និងសេចក្តីសញ្ញា ១០៩:១៣
យ៉ូសែបក៏អធិស្ឋានថាពេលដែលពួកបរិសុទ្ធធ្វើបាប ពួកគេអាចប្រែចិត្ដភ្លាមៗ ។ លោកបានទូលសុំដល់ព្រះអម្ចាស់ឲ្យប្រទានដល់ពួកគេនូវអំណាចដើម្បីចែកចាយដំណឹងល្អរបស់ទ្រង់នៅទូទាំងពិភពលោក ។ បន្ទាប់ពីការអធិស្ឋាន ក្រុមចម្រៀងបានច្រៀងបទចម្រៀងថ្មី ដែលមានចំណងជើងថា « ព្រះវិញ្ញាណនៃព្រះ » ។ ប្រជាជនបានពោរពេញដោយអំណរ ។ ពួកគេបានឈរឡើង ហើយសរសើរតម្កើងដល់ព្រះអម្ចាស់ ។
គោលលទ្ធិ និងសេចក្ដី សញ្ញា ១០៩:២១–៣២; ទំនុកតម្កើង ល.រ ២; Saints ១:២៣៧
មនុស្សជាច្រើនបានឃើញពួកទេវតានៅក្នុងព្រះវិហារបរិសុទ្ធនៅថ្ងៃនោះ។ ពួកគេបានឃើញរស្មីភ្លឺចិញ្ចាចចុះមកក្នុងព្រះវិហារបរិសុទ្ធពីស្ថានសួគ៌ ។ មនុស្សមួយចំនួនបាននិយាយថាវាមើលទៅដូចជាពពក អ្នកខ្លះទៀតថាវាមើលទៅដូចជាភ្លើង ។ ពួកគេទាំងអស់មានអារម្មណ៍ថា ព្រះវិហារបរិសុទ្ធគឺជាកន្លែងដ៏បរិសុទ្ធ ។ ឥឡូវនេះ វាពិតជាដំណាក់នៃព្រះអម្ចាស់ ។
Saints ១:២៣៧