« ថេលីអ៊ី បម្រើព្រះអម្ចាស់ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ថេលីអ៊ី បម្រើព្រះអម្ចាស់ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែមេសា ឆ្នាំ១៨៤៤–ខែមីនា ឆ្នាំ១៨៥២
ថេលីអ៊ី បម្រើព្រះអម្ចាស់
ការកសាងសាសនាចក្រនៅ ធូប៊ូអាយ
ស្ត្រីម្នាក់ឈ្មោះ ថេលីអ៊ី រស់នៅលើកោះតូចមួយដែលមានឈ្មោះថា ធូប៊ូអាយ ។ ពួកអ្នកផ្សព្វផ្សាយសាសនាមកពីព្រះវិហារផ្សេងៗគ្នាពេលខ្លះបានទៅលេងនៅកោះ ធូប៊ូអាយ ប៉ុន្តែជាធម្មតាពួកគេមិនបានស្នាក់នៅយូរទេ ។ ថ្ងៃមួយក្នុងឆ្នាំ១៨៤៤ ថេលីអ៊ី មានសេចក្តីរំភើបរីករាយដែលបានឮថាពួកអ្នកផ្សព្វផ្សាយសាសនាមកពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានមកដល់កោះ ធូប៊ូអាយ ។
គោលលទ្ធិ និងសេចក្តីសញ្ញា ១:១; ១៣៣:៨
ពួកអ្នកផ្សព្វផ្សាយសាសនាកំពុងធ្វើដំណើរទៅកាន់កោះធំៗមួយចំនួន ។ ប៉ុន្តែប្រជាជននៅកោះ ធូប៊ូអាយ ចង់ឲ្យពួកគេស្នាក់នៅ និងបង្រៀនដំណឹងល្អ ។ ថេលីអ៊ី និងស្វាមីរបស់នាង ណាបូតា បាននិយាយថា ពួកអ្នកផ្សព្វផ្សាយសាសនាអាចស្នាក់នៅក្នុងផ្ទះរបស់ពួកគេបាន ។ អ្នកផ្សព្វផ្សាយសាសនាម្នាក់ឈ្មោះ អាឌីសុន ប្រាត បានយល់ព្រម ។
ពួកបរិសុទ្ធ, ១:៥៧៣–៥៧៤
ថេលីអ៊ី និង ណាបូតា បានចែករំលែកអ្វីៗគ្រប់យ៉ាងដែលពួកគេមានជាមួយ អាឌីសុន ។ ពួកគេបានបង្រៀនគាត់ឲ្យនិយាយភាសារបស់ពួកគេ ។ អាឌីសុន បានបង្រៀនពួកគេអំពីព្រះយេស៊ូវគ្រីស្ទ ។
ព្រះវិញ្ញាណបរិសុទ្ធបានប្រាប់ ថេលីអ៊ី និង ណាបូតា ថាដំណឹងល្អរបស់ព្រះអង្គសង្រ្គោះ គឺពិត ។ ពួកគេគឺជាមនុស្សដំបូងគេនៅកោះ ធូប៊ូអាយ ដែលបានទទួលបុណ្យជ្រមុជទឹក ។
ពួកបរិសុទ្ធ, ១:៥៧៣–៥៧៤
ថេលីអ៊ី ណាបូតា និង អាឌីសុន បានក្លាយជាមិត្តដ៏ល្អ ។ ពួកគេបានធ្វើដំណើរជាមួយគ្នា និងបង្រៀនដំណឹងល្អនៅកោះ ធូប៊ូអាយ និងនៅកោះផ្សេងទៀត ។ នៅពេលដែលមនុស្សព្យាយាមប្រាប់ពួកបរិសុទ្ធនៅកោះ ធូប៊ូអាយ ថាពួកគេមិនគួរចូលរួមជាមួយសាសនាចក្រ នោះ ថេលីអ៊ី បានបង្រៀនពួកគេចេញពីព្រះគម្ពីរដែលថា សាសនាចក្រគឺពិត ។
ពួកបរិសុទ្ធ, ២:២៧, ៤៥
ថេលីអ៊ី ចង់ជួយមនុស្សកាន់តែច្រើននៅកោះ ធូប៊ូអាយ រៀនដំណឹងល្អរបស់ព្រះយេស៊ូវគ្រីស្ទ ។ នាងបានសរសេរតន្ត្រីដែលមានពាក្យក្នុងបទគម្ពីរ ហើយបានអញ្ជើញក្រុមធំៗឲ្យច្រៀងជាមួយនាងនៅពេលល្ងាច ។ ការច្រៀងបទចម្រៀងរបស់ ថេលីអ៊ី បានជួយមនុស្សជាច្រើនរៀនពីបទគម្ពីរ និងចងចាំអ្វីដែលពួកគេបានរៀន ។
គោលលទ្ធិ និងសេចក្ដីសញ្ញា ២៥:១២
ប៉ុន្មានឆ្នាំក្រោយមក ពួកអ្នកផ្សព្វផ្សាយសាសនាជាច្រើនទៀតបានមកកោះ ធូប៊ូអាយ រួមទាំងគ្រួសាររបស់ អាឌីសុន ផងដែរ ។ ថេលីអ៊ី ស្វាគមន៍ពួកគេទៅកាន់ផ្ទះរបស់នាង ។ នាងបានធ្វើការជាមួយភរិយារបស់ អាឌីសុន ឈ្មោះ លូអ៊ីសា ដើម្បីបម្រើស្ត្រីនៅធូប៊ូអាយ ។
ពួកបរិសុទ្ធ, ២:១៣៣–១៣៤
បន្ទាប់ពីមួយរយៈមក ពួកអ្នកផ្សព្វផ្សាយសាសនាត្រូវបានគេបង្ខំឲ្យចាកចេញពី ធូប៊ូអាយ និងកោះផ្សេងទៀត ។ ប៉ុន្តែ ថេលីអ៊ី បន្តបង្រៀន និងដឹកនាំពួកបរិសុទ្ធ ។ ដោយសារតែគំរូ និងការបម្រើរបស់ ថេលីអ៊ី សាសនាចក្រនៅកោះ ធូប៊ូអាយ នៅតែរឹងមាំ ។
ពួកបរិសុទ្ធ, ២:១៥០–១៥១