« ស៊ីឌនី និង ហ្វីប៊ី រិកដុន » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ស៊ីឌនី និង ហ្វីប៊ី រិកដុន » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែតុលា–ខែវិច្ឆិកា ឆ្នាំ១៨៣០
ស៊ីឌនី និង ហ្វីប៊ី រិកដុន
ការផ្លាស់ប្តូរជីវិតរបស់ពួកគាត់ដើម្បីទទួលយកដំណឹងល្អ
ប៉ាលី ប្រាត្ត និងអ្នកដទៃទៀតនឹងចែកចាយដំណឹងល្អជាមួយជនជាតិដើមអាមេរិក ។ នៅតាមផ្លូវរបស់ពួកគាត់ ប៉ាលីបានចង់ឈប់ ហើយជួបមិត្តភក្តិរបស់គាត់ ស៊ីឌនី រិកដុន ។ ស៊ីឌនីគឺជាគ្រូគង្វាលដែលបានបង្រៀនប៉ាលី អំពីព្រះយេស៊ូវគ្រីស្ទនៅក្នុងព្រះគម្ពីរប៊ីប ។ ឥឡូវនេះ ប៉ាលីចង់បង្រៀនស៊ីឌនី អំពីព្រះយេស៊ូវនៅក្នុងព្រះគម្ពីរមរមនវិញ ។
គោលលទ្ធិ និងសេចក្តីសញ្ញា ៣២; Saints ១:៩៩
ប៉ាលីបានប្រាប់ស៊ីឌនី អំពីព្រះគម្ពីរមរមន ហើយបានអញ្ជើញគាត់ឲ្យអានព្រះគម្ពីរនេះ ។ ស៊ីឌនីមិនប្រាកដទេ ប៉ុន្តែដោយសារតែប៉ាលីគឺជាមិត្តភក្តិ នោះគាត់បានសន្យាថានឹងអាន ។
Saints ១:១០០
នៅពេលស៊ីឌនីអានព្រះគម្ពីរមរមន គាត់បានដឹងថា វាមកពីព្រះ ។ គាត់បានចែកចាយអារម្មណ៍ជាមួយភរិយារបស់គាត់ ហ្វីប៊ី ។
Saints ១:១០១
ប៉ុន្តែ ស៊ីឌនីមិនប្រាកដថាត្រូវធ្វើអ្វីបន្ទាប់ទៀតនោះទេ ។ ប្រសិនបើគាត់ទទួលពិធីបុណ្យជ្រមុជទឹក គាត់នឹងបាត់បង់ការងារជាគ្រូគង្វាលនៅក្នុងព្រះវិហាររបស់គាត់ ។ តើគាត់អាចមើលថែហ្វីប៊ី និងកូនៗប្រាំមួយនាក់ទៀតរបស់គាត់ដោយរបៀបណា ? តើមនុស្សនៅក្នុងព្រះវិហាររបស់គាត់នឹងមានអារម្មណ៍យ៉ាងណា ? គាត់បានអធិស្ឋានទៅព្រះវរបិតាសួគ៌ដើម្បីទូលសូមជំនួយ និងមានអារម្មណ៍ប្រកបដោយសេចក្តីសុខសាន្ត ។
Saints ១:១០១; គោលលទ្ធិ និងសេចក្តីសញ្ញា ១៩:២៣
ស៊ីឌនីបានសួរហ្វីប៊ី ថាតើនាងស្ម័គ្រចិត្តដើម្បីបោះបង់ចោលជីវិតដ៏សុខស្រួលរបស់ពួកគេ ហើយចូលរួមសាសនាចក្រថ្មីនេះជាមួយគាត់ដែរឬទេ ។ នាងបាននិយាយថា « វាជាបំណងប្រាថ្នារបស់ខ្ញុំដើម្បីធ្វើតាមព្រះទ័យរបស់ព្រះ មិនថាជោគជ័យ ឬបរាជ័យនោះទេ » ។ ពួកគាត់បានសម្រេចចិត្តទទួលពិធីបុណ្យជ្រមុជទឹក ។
Saints ១:១០១
ក្រោយមក ស៊ីឌនីបានជួបជាមួយព្យាការី យ៉ូសែប ស៊្មីធ ។ ព្រះអម្ចាស់បានផ្ដល់ឲ្យស៊ីឌនី នូវសារលិខិតមួយតាមរយៈយ៉ូសែប ។ ទ្រង់មានព្រះបន្ទូលថា ទ្រង់បានឃើញសេចក្តីល្អ ដែលស៊ីឌនីបានធ្វើ និងបានឮការអធិស្ឋានរបស់គាត់ ។ ព្រះអម្ចាស់បានប្រាប់ស៊ីឌនីថា ទ្រង់មានកិច្ចការដ៏អស្ចារ្យសម្រាប់ឲ្យគាត់ធ្វើ ។ ស៊ីឌនីនឹងធ្វើកិច្ចការដ៏អស្ចារ្យ ។