« ចេន ម៉ានីង ធ្វើដំណើរទៅកាន់ទីក្រុងណៅវូ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ចេន ម៉ានីង ធ្វើដំណើរទៅកាន់ទីក្រុងណៅវូ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ឆ្នាំ១៨៤១–១៨៤៣
ចេន ម៉ានីង ធ្វើដំណើរទៅកាន់ទីក្រុងណៅវូ
ការដើរដោយសេចក្តីជំនឿលើព្រះអម្ចាស់
ចេន ម៉ានីង និងគ្រួសាររបស់នាងបានរស់នៅទីកន្លែងដែលមនុស្សមួយចំនួនមិនចូលចិត្ដពួកគេ ហើយប្រព្រឹត្ដមិនល្អដាក់ពួកគេ ដោយសារតែពណ៌សម្បុររបស់ពួកគេ ។ ថ្ងៃមួយ ចេន បានឮអ្នកផ្សព្វផ្សាយសាសនាបង្រៀន ។ នាងបានដឹងថាសារលិខិតរបស់គាត់គឺពិត ។ នៅថ្ងៃអាទិត្យបន្ទាប់ នាងបានទទួលបុណ្យជ្រមុជទឹក ។
Saints ១:៥០០–៥០១
គ្រួសាររបស់ ចេន បានចូលរួមសាសនាចក្រផងដែរ ។ ព្រះអម្ចាស់សព្វព្រះទ័យឲ្យពួកបរិសុទ្ធប្រមូលផ្ដុំគ្នានៅណៅវូ ។ ចេនស្រឡាញ់ព្រះអម្ចាស់ ។ នាង និងគ្រួសាររបស់នាងចង់នៅជាមួយពួកបរិសុទ្ធផ្សេងទៀត ។ ដូច្នេះពួកគេបានចាប់ផ្តើមដំណើររបស់ពួកគេទៅកាន់ ណៅវូ ។
គោលលទ្ធិ និងសេចក្ដីសញ្ញា ១២៤:២៥; Saints ១:៥០១
ផ្នែកខ្លះនៃការធ្វើដំណើររបស់ពួកគេ ពួកគេត្រូវធ្វើដំណើរដោយទូក ។ មនុស្សភាគច្រើននៅលើទូកអាចបង់ប្រាក់សម្រាប់ការជិះនៅពេលចុះពីទូក ។ ប៉ុន្តែបុរសមួយចំនួនបានប្រាប់គ្រួសាររបស់ ចេន ថាពួកគេត្រូវបង់ប្រាក់មុនពេលឡើងទូក ។ ពួកគេគ្មានលុយគ្រប់គ្រាន់ឡើយ ។ បុរសទាំងនោះបានឲ្យពួកគេចុះចេញពីទូក ហើយទូកចេញចោលពួកគេ ។
Saints ១:៥០១
គ្រួសាររបស់ ចេន ត្រូវធ្វើដំណើរចម្ងាយ ៨០០ ម៉ាយ ឬ ១,៣០០ គីឡូម៉ែត ។ ពួកគេត្រូវឆ្លងស្ទឹងដ៏ជ្រៅដោយគ្មានស្ពាន ។ ពួកគេត្រូវដេកនៅខាងក្រៅ ។ ជាញឹកញាប់ អាកាសធាតុត្រជាក់ខ្លាំងណាស់ ។ ប៉ុន្តែគ្រួសាររបស់ ចេន បានប្តេជ្ញាចិត្តទៅឲ្យដល់ណៅវូ ។ ពួកគេបានលើកទឹកចិត្តខ្លួនឯងដោយការច្រៀងចម្រៀងនៅពេលដែលពួកគេដើរ ។
Saints ១:៥០១, ៥០៥–៥០៦
ចេន និងគ្រួសាររបស់នាងបានដើរហើយដើរទៀត រហូតដល់ស្បែកជើងពួកគេរហែក ហើយជើងរបស់ពួកគេឈឺ ។ ប៉ុន្តែនៅពេលដែលពួកគេបានអធិស្ឋានទូលសូមជំនួយពីព្រះ ទ្រង់បានព្យាបាលជើងរបស់ពួកគេ ។
Saints១:៥០១
ពួកគេបានជួយមនុស្សដែលពួកគេបានជួបនៅតាមផ្លូវធ្វើដំណើររបស់ពួកគេ ។ ដោយសារតែសេចក្ដីជំនឿរបស់ពួកគេ ពួកគេថែមទាំងបានជួយព្យាបាលកុមារដែលឈឺផងដែរ ។
Saints ១:៥០៥–៥០៦
នៅទីបំផុត ចេន និងគ្រួសាររបស់នាងបានទៅដល់ណៅវូ ។ ពួកគេអស់កម្លាំង និងត្រូវការកន្លែងស្នាក់នៅ ។ ដូច្នេះពួកគេបានទៅផ្ទះរបស់ អមិម៉ា និង យ៉ូសែប ។ នៅពេល យ៉ូសែប បានឮពីអ្វីដែលពួកគេបានឆ្លងកាត់ លោកបានប្រាប់ចេនថា « ព្រះនឹងប្រទានពរដល់អ្នក ។ អ្នកនៅក្នុងចំណោមមិត្ដរបស់អ្នកហើយ » ។ យ៉ូសែប និង អិមម៉ា បានអញ្ជើញចេនឲ្យរស់នៅជាមួយពួកគេ ។
Saints ១:៥០៦