« ប៉ាលី និង សេងហ្វូល ប្រាត្ត » គោលលទ្ធិ និងសេចក្តីសញ្ញា ( ឆ្នាំ២០២៤ )
« ប៉ាលី និង សេងហ្វូល ប្រាត្ត » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែសីហា–ខែកញ្ញា ឆ្នាំ១៨៣០
ប៉ាលី និង សេងហ្វូល ប្រាត្ត
សេចក្តីជំនឿដើម្បីធ្វើតាមព្រះវិញ្ញាណ
ប៉ាលី និង សេងហ្វូល ប្រាត្ត គឺជាកសិករនៅក្នុងរដ្ឋអូហៃអូ ។ នៅថ្ងៃមួយ ប៉ាលីបានទទួលអារម្មណ៍ពីព្រះវិញ្ញាណដែលប្រាប់គាត់ឲ្យចេញពីផ្ទះដើម្បីបង្រៀនមនុស្សអំពីព្រះគម្ពីរប៊ីប ។
Saints ១:៩២
ប៉ាលី និង សេងហ្វូលបានលក់កសិដ្ឋានរបស់ពួកគាត់ ។ ពួកគាត់មិនដឹងថាពួកគាត់នឹងទៅទីណាទេ ប៉ុន្តែពួកគាត់ជឿថាព្រះនឹងប្រទានពរដល់ពួកគាត់សម្រាប់ការបម្រើទ្រង់ ។
Saints ១:៩២
ប៉ាលី និង សេងហ្វូល បានយកសម្លៀកបំពាក់ និងលុយមួយចំនួន រួចឡើងជិះទូក ។ នៅពេលដែលពួកគាត់ធ្វើដំណើរឆ្លងកាត់ទីក្រុងញូវយ៉ក ព្រះវិញ្ញាណបានប្រាប់ប៉ាលីឲ្យចុះពីទូក ។ ប៉ាលីបានសុំឲ្យសេងហ្វូលទៅដោយពុំមានគាត់ ។ គាត់សន្យាថានឹងត្រឡប់មកជួបនាងវិញក្នុងពេលឆាប់ៗ ។ គាត់មានអារម្មណ៍ថាមានអ្វីមួយដែលព្រះចង់ឲ្យគាត់ធ្វើនៅញូវយ៉ក ។
Saints ១:៩២
ប៉ាលីបានដើរយ៉ាងឆ្ងាយ ។ នៅទីបំផុតគាត់បានមកដល់ផ្ទះរបស់គ្រូគង្វាលម្នាក់ ។ គ្រូគង្វាលបានប្រាប់ប៉ាលីអំពីគម្ពីរចម្លែកដែលមានមនុស្សម្នាក់បានឲ្យមកគាត់ ។ គម្ពីរនេះចេញមកពីផ្ទាំងមាស និងបានសរសេរជាយូរមកហើយ ។ គម្ពីរនេះត្រូវបានហៅថា ព្រះគម្ពីរមរមន ។ យុវជនម្នាក់នៅញូវយ៉ក បានបកប្រែវាដោយព្រះចេស្ដានៃព្រះ ។
Saints ១:៩២
ប៉ាលីចង់ដឹងជាខ្លាំង ។ គ្រូគង្វាលបានបង្ហាញប៉ាលីនូវគម្ពីរនេះ ។ ប៉ាលីបានបើកគម្ពីរនេះទាំងរំភើបចិត្ត ហើយបានចាប់ផ្ដើមអាន ។ ពេលវេលាកន្លងទៅ ប៉ុន្តែគាត់មិនអាចឈប់អានបានទេ សូម្បីតែឈប់ហូប និងសម្រាន្តក៏មិនអាចឈប់បានដែរ ។ ព្រះវិញ្ញាណនៃព្រះបានប្រាប់គាត់ថា គម្ពីរនោះពិត ។
ពួកបរិសុទ្ធ ១:៩២–៩៣
ប៉ាលីស្រឡាញ់ព្រះគម្ពីរមរមនយ៉ាងខ្លាំង គាត់ចង់ស្វែងរកបុរសដែលបានបកប្រែព្រះគម្ពីរនេះ ។ គាត់បានជួបជាមួយគ្រួសារស្ម៊ីធ នៅកសិដ្ឋាន ជាកន្លែងដែលគាត់បានជួបជាមួយហៃរុម ជាបងប្រុសរបស់យ៉ូសែប ។ ពួកគាត់និយាយគ្នាពេញមួយយប់ ។ ហៃរុមបានប្រាប់ប៉ាលីថា ព្រះគម្ពីរមរមនគឺពិត ។ គាត់បានឲ្យព្រះគម្ពីររបស់គាត់មួយក្បាលទៅប៉ាលី ។
Saints ១:៩៣
នៅពេលគាត់បន្តអាន ប៉ាលីបានរៀនថា ព្រះយេស៊ូវគ្រីស្ទបានយាងទៅជួបប្រជាជននៅក្នុងទ្វីបអាមេរិកជាយូរមកហើយ ។ ប៉ាលីអាចមើលឃើញថា ព្រះគម្ពីរមរមនគឺមានតម្លៃជាងទ្រព្យសម្បត្តិទាំងឡាយក្នុងពិភពលោកនេះ ។ គាត់អន្ទះសានឹងត្រឡប់ទៅជួប សេងហ្វូល ហើយចែកចាយជាមួយនាងនូវអ្វីដែលគាត់បានរៀន ។
Saints ១:៩៣; នីហ្វៃទី៣ ១១:១–១២
ប៉ាលីបានប្រាប់សេងហ្វូល និងសមាជិកដទៃទៀតពីគ្រួសាររបស់គាត់អំពីព្រះគម្ពីរមរមន ។ គាត់បានប្រាប់ពួកគេនូវអ្វីដែលព្រះគម្ពីរនេះបង្រៀនអំពីព្រះយេស៊ូវគ្រីស្ទ ។ សេងហ្វូលមានក្តីរីករាយដែលប៉ាលីបានធ្វើតាមព្រះវិញ្ញាណ ហើយស្វែងរកឃើញកិច្ចការរបស់ព្រះចង់ឲ្យគាត់ធ្វើ ។ ដូចជាប៉ាលីដែរ សេងហ្វូលបានរៀនដោយខ្លួនឯងថា ព្រះគម្ពីរមរមនគឺពិត ។
ពួកបរិសុទ្ធ ១:៩៨–៩៩