« បេសកកម្មរបស់ ប៉ាលី ទៅកាន់ប្រទេសកាណាដា » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« បេសកកម្មរបស់ ប៉ាលី ទៅកាន់ប្រទេសកាណាដា » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែមេសា–ខែមិថុនា ឆ្នាំ១៨៣៦
បេសកកម្មរបស់ ប៉ាលី ទៅកាន់ប្រទេសកាណាដា
ការបង្ហាញសេចក្តីជំនឿលើការសន្យារបស់ព្រះអម្ចាស់
មិនយូរប៉ុន្មានបន្ទាប់ពីព្រះវិហារបរិសុទ្ធខឺតឡង់ត្រូវបានឧទ្ទិសឆ្លង ថ្នាក់ដឹកនាំជាច្រើននៃសាសនាចក្របានទៅបម្រើបេសកកម្មដើម្បីផ្សព្វផ្សាយដំណឹងល្អ ។
គោលលទ្ធិ និងសេចក្ដីសញ្ញា ៨៨:៨១; ១០៩:២២–២៣; ១១២:២៨–២៩; Saints ១:២៤៩
ប៉ាលី ប្រាត្ត ចូលចិត្ដចែកចាយដំណឹងល្អ ។ ប៉ុន្ដែគាត់បានគិតថា គាត់គួរតែនៅផ្ទះដោយសារតែ សេងហ្វូល ភរិយារបស់គាត់បានឈឺ ។ ពួកគាត់ក៏មិនមានលុយកាក់ច្រើនដែរ ។
Saints ១:២៤៩
ហ៊ីប៊ើរ ឃិមបឹល ជាមិត្ដរបស់ប៉ាលី និងជាម្នាក់ក្នុងចំណោមពួកសាវកបានមកសួរសុខទុក្ខ ។ គាត់បានប្រសិទ្ធពរដល់ប៉ាលី ហើយមានប្រសាសន៍ថា ប៉ាលីគួរតែទៅផ្សាយដំណឹងល្អនៅកាណាដា ។ នៅក្នុងការប្រសិទ្ធពរ ហ៊ីប៊ើរបានសន្យាថា សេងហ្វូល នឹងបានប្រសើរឡើងពីជំងឺ ។ គាត់បានសន្យាថា នាងនឹងមានកូនប្រុសម្នាក់ ហើយព្រះអម្ចាស់នឹងជួយ ប៉ាលី ទទួលបានលុយដែលគាត់ត្រូវការ ។
Saints ១:២៤៩–២៥០
សេងហ្វូល និងប៉ាលី បានរៀបការអស់រយៈពេល ១០ ឆ្នាំហើយ ។ ពួកគាត់មិនមានកូនសោះ ។ ប៉ុន្តែពួកគាត់មានជំនឿលើការសន្យារបស់ព្រះអម្ចាស់ ។ ទោះបីជាវាពិបាកក្នុងការទៅកាណាដា ហើយនៅឆ្ងាយពីសេងហ្វូលក៏ដោយ ក៏ប៉ាលី បានចាកចេញទៅចែកចាយដំណឹងល្អ ។
Saints ១:២៥០
នៅកាណាដា ប៉ាលីបានរកមើលកន្លែងដែលគាត់អាចបង្រៀនដល់មនុស្សបាន ។ គាត់បានសួរដល់គ្រប់គ្នាថាតើគាត់អាចបង្រៀននៅក្នុងព្រះវិហារ និងអគារផ្សេងៗទៀតបានឬអត់ ។ មនុស្សគ្រប់គ្នាបាននិយាយថា ទេ ។
Saints ១:២៥២–២៥៣
បន្ទាប់មក ប៉ាលីបានជួបនឹងយ៉ូហាន និងលីអូណូរ៉ា ថេលើរ ។ ពួកគាត់ស្រឡាញ់ព្រះយេស៊ូវគ្រីស្ទ និងព្រះគម្ពីរប៊ីប ។ យ៉ូហានបានសួរប៉ាលីថា តើអ្វីដែលគាត់បង្រៀនខុសគ្នាពីព្រះគម្ពីរប៊ីបឬយ៉ាងណា ។
Saints ១:២៥២–២៥៣
ប៉ាលីបាននិយាយថា គាត់បង្រៀនអំពីព្រះយេស៊ូវ ពួកព្យាការី ពិធីបុណ្យជ្រមុជទឹក និងព្រះវិញ្ញាណបរិសុទ្ធ ។ អ្វីៗទាំងអស់នោះមាននៅក្នុងព្រះគម្ពីរប៊ីប ។ យ៉ូហានបានសួរ « ចុះអំពី យ៉ូសែប ស៊្មីធ និងព្រះគម្ពីរមរមនវិញនោះ » ? ប៉ាលីបានប្រាប់យ៉ូហានថា គាត់ដឹងថាព្រះគម្ពីរមរមនគឺពិត ដូចជាព្រះគម្ពីរប៊ីបដែរ ហើយថា យ៉ូសែប ស្ម៊ីធ គឺជាព្យាការីរបស់ព្រះ ។
Saints ១:២៥៣
យ៉ូហានបានជឿលើអ្វីដែលប៉ាលីបាននិយាយ ។ គាត់បានអានព្រះគម្ពីរមរមន ហើយបានដឹងថាវាជាការពិត ។ យ៉ូហាន និងលីអូណូរ៉ា បានអញ្ជើញមិត្ដភក្ដិរបស់ពួកគេ យ៉ូសែប មើស៊ី និង ម៉ារី ហ្វីលឌីង និងអ្នកផ្សេងទៀតឲ្យមកស្ដាប់ប៉ាលីបង្រៀន ។ មនុស្សជាច្រើនបានទទួលបុណ្យជ្រមុជទឹកចូលរួមក្នុងសាសនាចក្រ ។
Saints ១:២៥៤–២៥៥
ប៉ាលីមានចិត្តសប្បាយរីករាយ ប៉ុន្ដែគាត់ចង់ទៅផ្ទះនៅខឺតឡង់ដើម្បីជួប សេងហ្វូល ។ គាត់បានលាមិត្ដថ្មីរបស់គាត់នៅកាណាដា ។ នៅពេលដែលគាត់ចាប់ដៃពួកគេ ពួកគេបានឲ្យលុយដល់គាត់ដើម្បីជួយគាត់ទំនុកបម្រុងដល់គ្រួសាររបស់គាត់ ។
Saints ១:២៥៥–២៥៦
នៅពេលដែលប៉ាលីបានទៅដល់ផ្ទះ គាត់បានឃើញថា សេងហ្វូលបានមានភាពប្រសើរឡើង ។ ប៉ាលីបានយកព្រះគម្ពីរមរមនបន្ថែមទៀត ហើយបានត្រឡប់ទៅកាណាដាវិញដើម្បីបន្ដការចែកចាយដំណឹងល្អ ។ នៅលើកនេះ សេងហ្វូលបានទៅជាមួយគាត់ដែរ ។
Saints ១:២៥៦
មិនយូរប៉ុន្មាន សេងហ្វូល និងប៉ាលីបានដឹងថា ពួកគាត់មានកូន ។ ពួកគេបានចងចាំការប្រសិទ្ធពរដែលហ៊ីប៊ើរបានផ្ដល់ដល់ប៉ាលី ។ ពួកគាត់មានអារម្មណ៍ថា អ្វីគ្រប់យ៉ាងដែលព្រះអម្ចាស់បានសន្យានៅក្នុងការប្រសិទ្ធពរនោះបានក្លាយជាការពិត ។
Saints ១:២៥៦