« ពួកទេវតាស្តារបព្វជិតភាពឡើងវិញ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ពួកទេវតាស្តារបព្វជិតភាពឡើងវិញ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ឆ្នាំ១៨២៩
ពួកទេវតាស្តារបព្វជិតភាពឡើងវិញ
អំណាចដើម្បីធ្វើកិច្ចការរបស់ព្រះ
នៅពេល យ៉ូសែប និង អូលីវើរ បានបកប្រែផ្ទាំងមាស ពួកគាត់បានរៀនថា ព្រះយេស៊ូវ សព្វព្រះទ័យឲ្យមនុស្សគ្រប់គ្នាទទួលបុណ្យជ្រមុជទឹក ។ ទ្រង់ក៏បានប្រទានអំណាចនេះដល់មនុស្សដើម្បីធ្វើបុណ្យជ្រមុជទឹកឲ្យមនុស្សដទៃផងដែរ ។ យ៉ូសែប មិនទាន់ទទួលបុណ្យជ្រមុជទឹកទេ ។ គាត់ចង់ដឹងបន្ថែមទៀតអំពីពិធីបុណ្យជ្រមុជទឹក ។
យ៉ូសែប ស្ម៊ីធ—ប្រវត្តិ ១:៦៨; ពួកបរិសុទ្ធ, ១:៦៥–៦៦
យ៉ូសែប និង អូលីវើរ ឆ្ងល់ថា តើអ្នកណាមានអំណាចដើម្បីធ្វើបុណ្យជ្រមុជទឹកដល់មនុស្សពេលនេះ ។ ពួកគេបានសម្រេចចិត្តសួរដល់ព្រះ ។ ពួកគេបានចូលទៅក្នុងព្រៃ ហើយបានលុតជង្គង់អធិស្ឋាន ។
យ៉ូសែប ស្ម៊ីធ—ប្រវត្តិ ១:៦៨; ពួកបរិសុទ្ធ, ១:៦៦
ខណៈដែលពួកគេបានអធិស្ឋាន ទេវតាមួយបានបង្ហាញកាយ ។ លោកបាននិយាយថា លោកគឺជា យ៉ូហាន បាទីស្ទ ដែលបានធ្វើបុណ្យជ្រមុជទឹកឲ្យព្រះយេស៊ូវគ្រីស្ទជាយូរមកហើយ ។ លោកបានឲ្យបព្វជិតភាពអើរ៉ុនដល់ យ៉ូសែប និង អូលីវើរ ។ បព្វជិតភាពគឺជាព្រះចេស្ដារបស់ព្រះ ។ វាត្រូវបានប្រើដើម្បីប្រទានពរដល់បុត្រាបុត្រីរបស់ព្រះ ។
គោលលទ្ធិ និងសេចក្ដីសញ្ញា ១៣; យ៉ូសែប ស្ម៊ីធ—ប្រវត្តិ ១:៦៩, ៧២; ពួកបរិសុទ្ធ, ១:៦៦–៦៧
យ៉ូហាន បាទីស្ទ បាននិយាយថាមនុស្សម្នាក់ដែលមានបព្វជិតភាពអើរ៉ុន អាចបង្រៀនមនុស្សឲ្យប្រែចិត្ត និងធ្វើបុណ្យជ្រមុជទឹកឲ្យពួកគេបាន ។ យ៉ូហាន បានប្រាប់ យ៉ូសែប និង អូលីវើរ ឲ្យទទួលបុណ្យជ្រមុជទឹក ។ ពួកគាត់បានចូលទៅក្នុងទន្លេមួយ ហើយបានធ្វើបុណ្យជ្រមុជទឹកឲ្យគ្នាទៅវិញទៅមក ។ នៅពេលដែលពួកគេចេញពីទឹក ពួកគេបានពេញដោយព្រះវិញ្ញាណបរិសុទ្ធ ។ ពួកគាត់សប្បាយចិត្តខ្លាំងណាស់ !
យ៉ូសែប ស្ម៊ីធ—ប្រវត្តិ ១:៧០–៧៣
ក្រោយមក ពួកទេវតាផ្សេងទៀតបានមក ។ សាវកបីនាក់របស់ព្រះយេស៊ូវ—ពេត្រុស យ៉ាកុប និងយ៉ូហាន—បានផ្ដល់បព្វជិតភាពមិលគីស្សាដែកទៅ យ៉ូសែប និង អូលីវើរ ។ ឥឡូវនេះ យ៉ូសែប និង អូលីវើរ អាចផ្តល់អំណោយទាននៃព្រះវិញ្ញាណបរិសុទ្ធ ។ យ៉ូសែប និង អូលីវើរ បានក្លាយជាសាវកផងដែរ ។ ពួកគាត់អាចដឹកនាំសាសនាចក្រ និងធ្វើជាសាក្សីពិសេសនៃព្រះយេស៊ូវគ្រីស្ទ ។
គោលលទ្ធិ និងសេចក្ដីសញ្ញា ២៧:១២; ពួកបរិសុទ្ធ, ១:៨៤