Li Junkabʼal Yanagida

Li lajetqil ut li paab’aal chirix li Jesukristo

Li xToshiko ut laj Tokichi Yanagida rochb’eeneb’ lix junkab’al.

Li xToshiko ut laj Tokichi Yanagida kiwan rochocheb’ aran Japon. Neke’xpaab’ li Jesukristo ut ke’ok sa’ lix Iglees a’an. A’b’an ch’a’aj li yu’am aran Japon sa’ li hoonal a’an. Jun li nimla pleet kixsachi naab’aleb’ li ochoch ut ninqi kab’l. Li xToshiko ut laj Tokichi ke’raj raj xkab’lankil junaq rochoch lix junkab’al, a’b’an jwal neb’a’eb’.

Santos, 3:543

Laj Yanagida neke’aatinak rik’ineb’ li misioneer re li Iglees.

Laj Yanagida neke’xnaw naq li Qaawa’ naraj nax te’xtoj li lajetqil, a’b’an moko ch’olch’o ta chiruheb’ ma te’ruuq chixb’aanunkil. Li xToshiko kixpatz’ re jun li misioneer k’a’ru tento te’xb’aanu. “Xtojb’al li lajetqil jwal ch’a’aj choq’ qe,” chan. Li misioneer kixyeechi’i re naq, wi te’xtoj li lajetqil, li Qaawa’ tixtenq’aheb’ chixtawb’al xyiib’ankil li rochocheb’.

Tzol’leb’ ut Sumwank 119; Santos, 3:543–544

Li xToshiko ut laj Tokichi neke’xye naq toj te’xtoj li lajetqil.

Li xToshiko ut laj Tokichi moko k’ojk’ookeb’ ta xch’ool. Lix tumineb’ ka’ajwi’ natz’aqlok re xloq’b’al xtzakemq lix yumeb’. A’b’an ke’xsik’ ru xkanab’ankileb’ rib’ sa’ ruq’ li Qaawa’ ut xtojb’al li lajetqil.

Santos, 3:543–544

Laj Yanagida xaqxookeb’ sa’ xna’aj li rochocheb’ te’xyiib’.

Li Qaawa’ kirosob’tesiheb’ li junkab’al Yanagida. Moqon ke’ru chixloq’b’al jun li ch’och’ ut ke’xtikib’ xyiib’ankil li rochocheb’.

Santos, 3:544

Jun aj kab’lanel naxye reheb’ laj Yanagida naq ink’a’ taaruuq chi yiib’amank li rochocheb’.

Sa’ jun kutan kiwulak jun aj ilol ch’och’. Kixye naq wan xch’a’ajkilal lix ch’och’eb’ ut ink’a’ te’ruuq chixyiib’ankil li ochoch aran. Kixye reheb’ laj k’anjel naq te’xkanab’ trab’ajik.

Santos, 3:544

Jun reheb’ li misioneer na’aatinak rik’in li junkab’al.

K’a’jo’ naq ke’raho’ xch’ool laj Yanagida. Ke’xseraq’i reheb’ li misioneer li kik’ulman. Li misioneer ke’xye naq te’xkuy xsa’ ut te’tijoq rik’ineb’ laj Yanagida.

Santos, 3:545

Na’ok wi’chik chi kab’lamank li rochoch li junkab’al.

Chirix chik a’an, jun chik aj ilol ch’och’ kiwulak. Kixye naq naru natuqub’aman xch’a’ajkilal li ch’och’. Laj Yanagida te’ruuq chixyiib’ankil li rochocheb’. “Laa’ex li wiib’ wan k’a’ru chaab’il xeb’aanu,” chan laj ilol ch’och’ re li xToshiko ut laj Tokichi. Ke’xnaw naq ke’osob’tesiik xb’aan li Qaawa’. Saheb’ xch’ool xb’aan naq ke’xkanab’ rib’ sa’ ruq’ a’an ut naq ke’xtoj li lajetqil.

Santos, 3:545