Li Aatin re Chaab’il Na’leb’

Lix chaqʼrabʼ li Qaawaʼ choqʼ re xkawilal li qatibʼel

Li ch’utlaak sa’ li Tzoleb’aal reheb’ li Profeet.

Laj Jose kixk’e xb’oqb’al wiib’ oxib’eb’ li winq sa’ li Iglees re naq te’ch’utlaaq rik’in sa’ xkab’ xk’ojaril lix k’ayib’aal laj Newel ut li xAnn Whitney. Aran ke’xtzol li evangelio ut xkomoneb’ chik li na’leb’, ut ke’tijok sa’ komonil. Li Tzoleb’aal reheb’ li Profeet ke’xye re li ch’utam a’in.

Tzol’leb’ ut Sumwank 88:117–137; Santos, 1:166

Li xEmma namesun chirix xraqik li ch’utam.

Naab’al reheb’ li winq ke’mayib’k ut ke’xk’ux li may sa’eb’ li ch’utam. Jwal cham li sib’ aran, ut li may kixtz’ajni li tz’ak. Chirix xraqikeb’ li ch’utam, li xEmma kitaqe’ re xmesb’al li ch’utleb’aal. Tz’aqal tz’aj a’an!

Santos, 1:167

Li xEmma kixch’aj chi kaw li tz’ak k’iila sut, a’b’an ink’a’ na’el xtz’ajnil li may. Ki’aatinak rik’in laj Jose chirix li tz’aj.

Santos, 1:167

Laj Jose kirab’i li xEmma. Li kixye li xEmma kixk’e chixpatz’b’al k’a’ru naxk’oxla li Qaawa’ chirix li may.

Santos, 1:167

Laj Jose Smith natijok re xpatz’b’al xb’eresinkil.

Jo’kan naq laj Jose kipatz’ok chiru li Qaawa’ chirix li may. Li Qaawa’ kixye re laj Jose naq wan jun Aatin re Chaab’il Na’leb’ choq’ reheb’ laj santil paab’anel.

Tzol’leb’ ut Sumwank 89:1–9; Santos, 1:167

Laj Jose ut li xEmma neke’aatinak chirix li na’leb’ k’utb’esinb’il chiru.

Li Qaawa’ kixye naq eb’ laj santil paab’anel ink’a’ te’mayib’q, ink’a’ te’roksi li may, chi moko te’ruk’ li ukʼa nakaltesin ut li “tiqwal ukʼa,” li naraj naxye kape ut te.

Tzol’leb’ ut Sumwank 89:1–9; Santos, 1:167

Laj Jose ut li xEmma neke’wa’ak rik’ineb’ li kristiaan.

Li Qaawa’ kixk’ut ajwi’ chiruheb’ laj santil paab’anel naq li iyaj ut li ru che’ us xtzekankil. Kixye ajwi’ naq wan naq naru neke’xtzeka li tib’.

Tzol’leb’ ut Sumwank 89:10–17; Santos, 1:168

Laj Jose naxwotz li Aatin re Chaab’il Na’leb’ sa’ li Tzoleb’aal reheb’ li Profeet.

Li Qaawa’ kixye re laj Jose naq eb’ laj santil paab’anel li te’paab’anq re li Aatin re Chaab’il Na’leb’ kolb’ilaqeb’ rix. Li Qaawa’ kixye naq taarosob’tesiheb’ rik’in kawilal, nawom, ut metz’ew. Laj Jose kixye reheb’ li winq sa’ li Tzoleb’aal reheb’ li Profeet resil li Aatin re Chaab’il Na’leb’ kixk’e li Qaawa’.

Tzol’leb’ ut Sumwank 89:18–21; Santos, 1:168

Eb’ li winq neke’xkut lix may ut lix mayleb’eb’ sa’ li xam.

Eb’ li winq sa’ li tzoleb’aal ke’xkut lix may ut lix mayleb’eb’ sa’ li xam re xk’utb’al naq neke’raj xpaab’ankil li Aatin re Chaab’il Na’leb’ kixk’e li Qaawa’.

Santos, 1:168