Li xJane Manning naxik aran Nauvoo

Li xJanne Manning ut lix junkab’al wankeb’ rochoch sa’ jun na’ajej b’ar wi’ xik’ ilb’ileb’ ut rahob’tesinb’ileb’ xb’aan xb’onol lix tib’eleb’. Sa’ jun kutan, li xJane kirab’i jun misioneer li yoo chi k’utuk. Kixnaw naq yaal li naxye. Sa’ li domingo kichal, kikub’e xha’.

Santos, 1:500–501

Lix junkab’al li xJane ke’ok ajwi’ sa’ li Iglees. Li Qaawa’ kiraj naq eb’ laj santil paab’anel te’xch’utub’ rib’ aran Nauvoo. Li xJane kixra li Qaawa’. A’an ut lix junkab’al ke’raj wank rik’ineb’ li rech aj santil paab’anel. Jo’kan naq ke’xchap xb’e re xik aran Nauvoo.

Tzol’leb’ ut Sumwank 124:25; Santos, 1:501

Chiru jun raqal lix b’eenikeb’, ke’b’eek sa’ jukub’. Kanab’anb’ileb’ lix k’ihaleb’ chixtojb’al lix pasaaj sa’ xraqik li b’eek. A’b’an ke’wan li winq li ke’xye re lix junkab’al li xJane naq tento te’xtoj sa’ xtiklajik. Moko tz’aqal ta xtumineb’. Eb’ li winq ke’risiheb’ a’an sa’ li jukub’, ut ke’xkanab’eb’ aran.

Santos, 1:501

Toj wan 1.300 kiloom sa’ xb’eenik lix junkab’al xJane. Ke’teneb’aak chixq’axb’al ru jun nima’ jwal cham chi maak’a’ li q’a. Ke’teneb’aak chi wark chirix kab’l. Jwal keheb’ ajwi’ ru li kutan. A’b’an lix junkab’al li xJane k’eek’ookeb’ xch’ool chi wulak aran Nauvoo. Ke’xsahob’resi rib’ rik’in li b’ichank naq yookeb’ chi b’eek.

Santos, 1:501, 505–506

Li xJane ut lix junkab’al ke’b’eek toj reetal naq ke’peje’ lix xaab’ ut ke’raho’ li roq. A’b’an naq ke’xtz’aama xtenq’ankileb’ rik’in li Dios, a’an kixk’irtesiheb’ li roq.

Santos, 1:505

Ke’xtenq’aheb’ li kristiaan ke’xtaw sa’ xb’eheb’. Ke’xtenq’a ajwi’ jun ch’ina al chi k’iraak rik’in lix paab’aaleb’.

Santos, 1:505–506

Chirix k’iila kutan, li xJane ut lix junkab’al ke’wulak aran Nauvoo! Jwal lub’luukeb’ ut ke’raj ru xmuheb’aaleb’. Jo’kan naq ke’wulak sa’ rochoch li xEmma ut laj Jose. Naq laj Jose kirab’i resil chixjunil li ke’xnumsi, kixye re li xJane, “Li Dios chi’osob’tesinq eere. Wanqex sa’ xyanqeb’ lee ramiiw anajwan.” Laj Jose ut li xEmma kixb’oq li xJane chi kanaak rik’ineb’.

Santos, 1:506