Eb’ laj santil paab’anel neke’tzolok chirix li kub’iha’ choq’ reheb’ li kamenaq

“Eb’ laj santil paab’anel neke’tzolok chirix li kub’iha’ choq’ reheb’ li kamenaq,” Eb’ li Seraq’ sa’ li Tzol’leb’ ut Sumwank (2024)

“Eb’ laj santil paab’anel neke’tzolok chirix li kub’iha’ choq’ reheb’ li kamenaq,” Eb’ li Seraq’ sa’ li Tzol’leb’ ut Sumwank

Agosto–octubre re 1840

Eb’ laj santil paab’anel neke’tzolok chirix li kub’iha’ choq’ reheb’ li kamenaq

Yo’onihom choq’ reheb’ li komon li ink’a’ ke’kub’e xha’

Li xJane Neyman sa’ jun muquk b’ar wi’ na’aatinak laj Jose Smith.

Li xJane Neyman kiwan rochoch aran Nauvoo. Kiwan sa’ jun muquk b’ar wi’ yoo chi aatinak laj Jose Smith. Li muquk a’an kixk’e li xJane chixk’oxlankil laj Cyrus, li ralal. Kikam ut ink’a’ kikub’e xha’. Li xJane yoo xk’a’uxl chirix laj Cyrus. A’an kixnaw naq tento taakub’eeq qaha’ re toowanq rik’in li qaChoxahil Yuwa’.

Santos, 1:421

Laj Jose wiq’wo chiru lix muqleb’aal laj Alvin Smith.

Laj Jose naxnaw k’a’ru nareek’a a’an. Kixpatz’ ajwi’ li na’leb’ a’an chirix laj Alvin, li riitz’in, li kikam ajwi’ chi ink’a’ kub’enaq xha’.

Santos, 1:421

Laj Jose naxwotz li na’leb’ chirix li kub’iha’ choq’ reheb’ li kamenaq.

Sa’ li muquk, laj Jose kixwotz jun na’leb’ kixk’ut li Dios chiru. Kixye naq wi wan ani xkam chi ink’a’ kub’enaq xha’, laa’o naru nakub’e qaha’ choq’ re li kristiaan a’an.

Santos, 1:421

Li xJane nakub’siik xha’ choq’ re li ralal.

Li xJane kisaho’ xch’ool naq kirab’i a’an! B’ab’ay chik chirix li muquk, kiwulak chaq sa’ jun nima’ rochb’een jun xb’eenil sa’ li Iglees. A’an kixk’ub’si xha’ choq’ re laj Cyrus.

Santos, 1:421

Laj Jose naxtzoleb’ naab’aleb’ chik laj santil paab’anel chirix li kub’iha’ choq’ reheb’ li kamenaq.

Wiib’ oxib’ xamaan chik chirix a’an, laj Jose kixtzoleb’ naab’al chik laj santil paab’anel chirix li kub’iha’ choq’ reheb’ li kamenaq. Kixye naq naab’aleb’ reheb’ li kristiaan ak kamenaqeb’ neke’raj xk’ulb’al li kub’iha’. Neke’raj xtaaqenkil li Jesukristo. Yookeb’ chiroyb’eninkil ut chirajb’al naq eb’ li komon sa’ lix junkab’aleb’ li toj yo’yookeb’ te’kub’eeq xha’ choq’ reheb’ a’an.

Tzol’leb’ ut Sumwank 128:15–19; Santos, 1:423

Laj santil paab’anel neke’kub’e xha’ choq’ reheb’ li kamenaq.

Laj santil paab’anel sa’ junpaat ke’xchap xb’e re xik sa’ li nima’. Ke’kub’e xha’ choq’ reheb’ li kristiaan neke’xra. Laj Hyrum Smith kikub’e xha’ choq’ re laj Alvin. Chirix chik a’an, li Qaawa’ kixk’ut naq li kub’iha’ choq’ reheb’ li kamenaq tento taab’aanumanq sa’ li santil ochoch, naq wanq ani taatz’iib’anq resil li junjunq chi kub’iha’ ut naq eb’ li winq tento te’kub’siiq xha’ choq’ reheb’ li winq ut li ixq choq’ reheb’ li ixq.

Tzol’leb’ ut Sumwank 124:29–32; 127:5–12; 128:1–9; Santos, 1:424