Laj Jose ut laj Sidney neke’tawasiik

“Laj Jose ut laj Sidney neke’tawasiik,” Eb’ li Seraq’ sa’ li Tzol’leb’ ut Sumwank (2024)

“Laj Jose ut laj Sidney neke’tawasiik,” Eb’ li Seraq’ sa’ li Tzol’leb’ ut Sumwank

Febrero re 1832

Laj Jose ut laj Sidney neke’tawasiik

Eb’ li josq’ aj kristiaan neke’xyal xramb’al lix k’anjel lix profeet li Dios

Eb’ li josq’ aj winq neke’aatinak chixk’atq li xam.

Ke’wan li kristiaan li jwal nawulak chiruheb’ li naxye laj Jose Smith chirix li qaChoxahil Yuwa’, li Jesukristo, ut li choxa. A’ut ke’wan chik li kristiaan li ink’a’ nawulak chiruheb’ li naxye. Junjunq reheb’ ke’josq’o’ ut ke’raj xramb’al naq taak’utuq laj Jose.

Tzol’leb’ ut Sumwank 76; Santos, 1:149–150

Li xEmma ut laj Jose Smith neke’xch’oolani lix k’uula’aleb’ li yaj.

Sa’ jun q’ojyin, laj Jose yoo chixtenq’ankil li xEmma sa’ xch’oolaninkil jun reheb’ lix k’uula’al. Jwal yaj li k’uula’al.

Santos, 1:150

Li xEmma narileb’ li kok’al naq yoo chi wark laj Jose.

Li xEmma kixq’axlu li k’uula’al ut kixye re laj Jose naq taawarq. A’an tento taajultikanq aatin eq’la. Moqon, ke’ru chi wark laj Jose ut li xEmma.

Santos, 1:150

Eb’ li winq neke’xkelo laj Jose chirix kab’l.

Sa’ junpaat, ke’xweq li okeb’aal, ut jun ch’uut chi josq’ aj winq ke’ok sa’ li warib’aal. Li xEmma kixjap re naq eb’ li winq ke’xchap laj Jose chi ruq’, chi roq’, ut chi rismal. Ke’xkelo chirix kab’l.

Santos, 1:150–151

Eb’ li winq neke’xchap laj Jose ut yokyo chi ch’och’ laj Sidney Rigdon.

Laj Jose kixyal rach’ab’ankil rib’, a’b’an eb’ li winq ke’xchap chi kaw. Laj Jose kixk’e reetal naq ak ke’xkelo ajwi’ laj Sidney Rigdon, li ramiiw, chirix kab’l.

Santos, 1:151

Eb’ li winq neke’xb’on laj Jose rik’in tiqwal qʼol ut rismal kaxlan.

Eb’ li winq ke’xpej xt’ikr laj Jose ut ke’xhoy tiqwal q’ol chiru lix tz’uumal ut rismal. Toja’ naq ke’xletz rismal kaxlan chiru lix tib’el ut ke’eelelik.

Santos, 1:152

Li xEmma ut eb’ li ramiiw neke’xtenq’a laj Jose ut laj Sidney.

Chirix naq ke’el li winq aran, laj Jose kixjukuki rib’ toj sa’ li rochoch. Kixuwak xEmma naq kiril laj Jose. Eb’ li rech kab’al ke’rab’i li kik’ulman ut ke’xseeb’a rib’ chixtenq’ankil. Li xEmma kirisi li tiqwal q’ol chiru xtib’el laj Jose. Chiru chixjunil li q’joyin, li xEmma ut eb’ li ramiiw ke’tenq’an chirilb’al laj Jose ut laj Sidney.

Tzol’leb’ ut Sumwank 25:5; Santos, 1:153

Laj Jose najultikan aatin chiru jun ch’uut chi aj santil paab’anel.

Wulajaq chik, laj Jose toj ra wan. A’b’an kixtiqib’ rib’ ut kixtzoleb’ li kristiaan chirix li Jesukristo. Junjunq reheb’ li winq’ li ke’xtawasin re yookeb’ chirab’inkil chi k’utuk. Chiru ajwi’ li kutan a’an, laj Jose kixkub’si xha’eb’ oxib’eb’ li kristiaan. Ink’a’ kixkanab’ xb’aanunkil lix k’anjel li Qaawa’, us ta ke’xyal xramb’al.

Tzol’leb’ ut Sumwank 24:8; Santos, 1:153