“Jun mision sa’ xyanqeb’ laj ral ch’och’ aj Estados Unidos,” Eb’ li Seraq’ sa’ li Tzol’leb’ ut Sumwank (2024)
“Jun mision sa’ xyanqeb’ laj ral ch’och’ aj Estados Unidos,” Eb’ li Seraq’ sa’ li Tzol’leb’ ut Sumwank
Octubre re 1830–enero re 1831
Jun mision sa’ xyanqeb’ laj ral ch’och’ aj Estados Unidos
Eb’ laj ral ch’och’ aran Delaware neke’rab’i li evangelio
B’ab’ay chik chirix naq laj Parley Pratt kikub’e xha’, li Qaawa’ kixb’oq chixjunajinkil rib’ rikin laj Oliver Cowdery ut wankeb’ chik xkomon li kristiaan sa’ jun mision. A’an kiraj naq te’xjultika li evangelio chiruheb’ laj ral ch’och’ aj Estados Unidos. Eb’ li misioneer ke’b’eek chiru k’iila xamaan chiru chamal saqb’ach. Toj reetal naq koxe’xnaw ru laj Kikthawenund, aj jolominel reheb’ laj ral ch’och’ aran Delaware.
Tzol’leb’ ut Sumwank 28:14; 30:5–6; 32; Santos, 1:98, 115
Laj jolominel naxk’am rib’ sa’ chaab’ilal rik’ineb’ li misioneer. Kixb’oqeb’ li ramiiw chirab’inkil li esil. Laj Oliver kixye naq a’an ut laj Parley najt ke’b’eek re xk’amb’al lix Hu laj Mormon reheb’. Na’aatinak chirixeb’ li ani ke’wan chaq arin America sa’ najter kutan. Li Dios kiraj naq te’xwotz li hu re naq chixjunileb’ te’ruuq chixnawb’al resil li Jesukristo.
Santos, 1:115–116
Laj Oliver kixk’e re laj Kikthawenund jun lix Hu laj Mormon. Kixb’antioxi naq laj Oliver ut eb’ li ramiiw ke’b’eek chi najt re xwotzb’al a’an rik’in lix tenamit. Kixye re laj Oliver ut re laj Parley naq naraj naq te’wulaq wi’chik re naq te’iloq ut te’k’utuq chirix lix Hu laj Mormon.
Santos, 1:116–117