ʻEletā Wan-Liang Wu

ʻI he taʻu 10 ʻa ʻEletā Uani-Liangi Uú, naʻe hiki hono fāmilí mei Taiuani ki Polivia. Naʻe fetaulaki ai hono ngaahi tuofāfiné mo e kau faifekaú ʻo fakafou ʻi honau ngaahi kaungāmeʻá. Naʻá ne kamata feʻiloaki mo e kau faifekaú pea papitaiso ia ʻi hono taʻu 11.

Naʻe faingataʻa ʻa e fakaangaanga ki ha ʻapi foʻoú, ka ʻokú ne houngaʻia ʻi he hiki hono fāmilí. Naʻá ne pehē, “Naʻe mole haku meʻa kae maʻu ha ngaahi meʻa lelei ange ʻi ha founga lelei ange ʻa e ʻEikí.”

Naʻe fāʻeleʻi ʻa Uani-Liangi Ū ʻi Taipei, Taiuani ʻi he ʻaho 22 ʻo Tīsema, 1970, ko e siʻisiʻi taha ia ʻi he fānau ʻa Sengi ʻIungi Ū mo Pao Kiui Liní. ʻOku ʻi ai hano tuofāfine ʻe toko tolu mo ha tokoua ʻe toko taha.

Hili e hiki hono fāmilí ki Sanitā Kulusi ʻi Poliviá, naʻa nau hiki ki Puenosi ʻAealesi, ʻĀsenitina, ʻi hono taʻu 14. Hili ʻene ngāue ʻi he Misiona China Hong Kongo, naʻá ne mali mo Māsela Piutilisi Kasitelani ʻi he ʻaho 17 ʻo Māʻasi 1995, ʻi he Temipale Buenos Aires Argentina. ʻOku ʻi ai haʻana fānau ʻe toko tolu.

Naʻá ne maʻu mo fakalele mo Māsela ʻa e falekoloa hono fāmilí ʻi Puenosi ʻAealesí. Kuó ne ngāue maʻá e Siasí talu mei he 2007, ʻo ne ʻuluaki ngāue ʻi he Potungāue ki he Ngaahi Falelotú pea ʻi he 2016 leva, naʻá ne hoko ko e pule ngāue mo e pule monomono ʻo e ʻĒlia Saute ʻAmelika Tongá.

Naʻe maʻu ʻe ʻEletā Ū ha mataʻitohi BA ʻi he puleʻi ʻo e pisinisí mei he Universidad Argentina de la Empresa ʻi he 2014 pea mo ha MA ʻi he fakalele pisinisí mei he Universidad del CEMA ʻi Puenosi ʻAealesi ʻi he 2020.

ʻI he taimi naʻe uiuiʻi ai ʻa ʻEletā Uú, naʻá ne lolotonga ngāue ko e palesiteni ʻo e Misiona Chile Antofagasta. Kuó ne hoko foki ko ha palesiteni fakasiteiki, tokoni ʻi he kau palesitenisī fakasiteikí, pīsope, palesiteni ʻo e kōlomu ʻo e kaumātuʻá, kalake fakauooti, tokoni ʻi he kau palesitenisī ʻo e kōlomu ʻo e kaumātuʻá, mo ha tokotaha ngāue ouau fakatemipale.