“ʻEletā Brian J. Holmes,” Liahona, Mē 2025.
ʻEletā Brian J. Holmes
Fitungofulu Taki Māʻolunga
Naʻe pehē ʻe ʻEletā Palaieni J. Holomesi, ko ia mo hono uaifi ko Mekí ko ha ongo fakamoʻoni kinaua ʻo e talaʻofa ʻa e ʻEikí ʻi he Tokāteline mo e Ngaahi Fuakava 84:88 ʻa ia te Ne “muʻomuʻa ʻi homou ʻaó.”
Naʻe pehē ʻe ʻEletā Holomesi, “Ko e meʻa ia kuó Ne fakahoko maʻamaua ʻi he kotoa ʻo ʻema moʻuí. ʻI hono līʻoa ʻetau moʻuí ki he ʻEikí, te Ne lava ʻo fakatupulaki ʻetau moʻuí ʻo laka ange ʻi haʻatau feinga pē ʻiate kitautolu.”
ʻI hono fatongia foʻou ko e Fitungofulu Taki Māʻolungá, ʻoku ʻamanaki ʻa ʻEletā Holomesi te ne maʻu ha ngaahi faingamālie ke fakamoʻoni ai ki he tefitoʻi fatongia ʻo Sīsū Kalaisi ʻi he palani ʻa e Tamai Hēvaní.
Naʻá ne pehē, “Ko Ia ʻa e Fakamoʻuí mo e Huhuʻi ki he kotoa ʻo e fānau ʻa ʻetau Tamai Hēvaní.”
Naʻe fāʻeleʻi ʻa Palaieni J. Holomesi ʻi he ʻaho 5 ʻo Tīsema, 1977, ʻi Sōleki Siti, ʻIutā, ko e taha ia ʻo e fānau ʻe toko 12 ʻa Maikolo H. Holomesi mo Maliana R. Holomesi. ʻI heʻene kei talavoú, naʻá ne ngāue fakafaifekau ʻi Miuniki, Siamane. Hili iá, naʻá ne mali mo Meki Uilisoni ʻi he Temipale Salt Lake ʻi he ʻaho 29 ʻo Māʻasi, 1999. Ko ʻEletā mo Sisitā Holomesí ko ha ongomātuʻa ia ki he fānau ʻe toko ono pea naʻa nau nofo ʻi Kuini Kiliki, ʻAlesona, ʻi he taimi ʻo hono uiuiʻí.
Naʻe fakatou maʻu ʻe ʻEletā Holomesi ha mataʻitohi BA ʻi he saienisi fakapolitikalé mo ha mataʻitohi toketā lao fakapalōfesinale mei he ʻUnivēsiti ʻAlesona Siteití. Kuó ne ngāue ko e tokoni palesiteni ʻo e Holmes Homes ʻi ʻAlesoná, fokotuʻu ʻa e Holmes Law, PLC, pea naʻá ne ngāue kimuí ni ko ha faifaleʻi fakalūkufua maʻá e Charter One, LLC.
Kimuʻa pea uiuiʻi ʻa ʻEletā Holomesi ke ne hoko ko ha Fitungofulu Taki Māʻolungá, naʻá ne hoko ko ha Fitungofulu Fakaʻēlia ʻi he ʻĒlia Tonga-hihifo ʻo ʻAmelika Tokelaú. Kuó ne hoko foki ko ha palesiteni fakasiteiki, alēleaʻanga māʻolunga, mo ha pīsope.