ʻEletā James E. Evanson

Naʻe tupu hake ʻa ʻEletā Sēmisi E. ʻEvanisoni ʻi ha faama suka piiti ʻi he kiʻi kolo ko Pāneuelá, ʻi he fakahahake ʻo Letipilisi, ʻAlapeta, Kānatá.

Ko ha hako ʻo ha kau paionia faivelenga, naʻe ohi hake ʻa ʻEletā ʻEvanisoni ʻi ha ʻapi naʻe “akoʻi mo moʻui ʻaki ai ʻa e ongoongoleleí.”

ʻI hono taʻu 10, naʻá ne lau kotoa ʻa e ngaahi voliume ʻe 16 ʻo e ngaahi talanoa ʻi he Tohi ʻa Molomoná mo e hisitōlia ʻo e Siasí kuo tā fakatātāʻi ʻe he fāmilí peá ne fakakaukau ke muimui ki he sīpinga ʻa Siosefa Sāmitá. ʻI heʻene tolotolo ki ha vao ʻakau ʻi he kauhala ʻe taha mei hono ʻapí, naʻá ne tūʻulutui, lotu, peá ne maʻu ha fakapapau mei he Laumālie Māʻoniʻoní, ko Sīsū Kalaisi ʻa hono Fakamoʻuí, ko Siosefa Sāmitá ko ha palōfita moʻoni ia, pea ʻoku moʻoni ʻa e Tohi ʻa Molomoná.

Naʻe tupu mei he fakapapau ko iá ʻa e ngāue mateaki ki he Siasí ʻi he kotoa ʻo ʻene moʻuí, kau ai ʻene hoko ko ha Fitungofulu Fakaʻēlia, palesiteni fakasiteiki, mo e palesiteni ʻo e Misiona Utah Orem. ʻI he taimi naʻe uiuiʻi ai ʻa ʻEletā ʻEvanisoní, naʻá ne hoko ko ha taki ʻekitivitī ʻa e Loto-toʻá ʻi hono uōtí ʻi Letipilisi.

Naʻe fāʻeleʻi ʻa Sēmisi ʻIusini ʻEvanisoni ʻi Teipā, ʻAlapeta ʻi he ʻaho 16 ʻo ʻAokosi, 1968, ko e taha ia ʻo e fānau ʻe toko valu ʻa Teila ʻIusini mo Filisi Tena ʻEvanisoní.

Hili e ngāue fakafaifekau taimi kakato ʻa ʻEletā ʻEvanisoni ʻi Temipā, ʻAlesona, naʻá ne mali mo Soti Kalili Sōpeli ʻi he ʻaho 20 ʻo Tīsema, 1989, ʻi he Temipale Salt Lake. Ko e ongomātuʻa kinaua ki ha fānau ʻe toko nima mo e makapuna ʻe toko 11.

Naʻe maʻu ʻe ʻEletā ʻEvanisoni ha mataʻitohi BA mo e toketā ʻi he tafa nifó mei he ʻUnivēsiti ʻo ʻAlapetá peá ne ngāue fakataautaha ko ha toketā nifo ʻi he taʻu ʻe 26.