ඔබේම දයාව අත් නොහරින්න
ඔබේ මානුෂීය අඩුපාඩු තිබියදීත්, ඔබට දිව්යමය උපකාර සහ සුවය ක්ෂණිකව ලබා ගන්න ප්රවේශය තිබෙනවා.
තල්මසෙකු—විශාල වුවත්—තල්මසුන්ට කුඩා උගුරක් ඇති නිසා මිනිසෙකු ගිල දැමිය නොහැකි බව පාසල් ගුරුවරයෙක් වරක් ඉගැන්වූවා. ගැහැණු ළමයෙක් විරුද්ධ වුණා, “නමුත් යෝනාව තල්මසෙකු විසින් ගිල දමන ලැබුවා.” ගුරුවරයා මෙසේ පිළිතුරු දුන්නා, “ඒක වෙන්න බැහැ.” තවමත් ඒත්තු ගැන්වී නැති නිසා, ගැහැණු ළමයා මෙසේ කිව්වා, “හොඳයි, මම ස්වර්ගයට ගියාම, මම ඔහුගෙන් අහන්නම්.” ගුරුවරයා මෙසේ සමච්චල් කළා, “යෝනා පව්කාරයෙක් වෙලා ස්වර්ගයට ගිහින් නැත්නම් මොකද වෙන්නේ?” ගැහැණු ළමයා මෙසේ පැවසුවා, “එහෙනම් ඔයාට පුළුවන් එයාගෙන් අහන්න.”
අපි සිනාසෙනවා, ඒත් යෝනාගේ කතාව සෑම “නිහතමානීව සතුට සොයන්නෙකුටම”, විශේෂයෙන් පීඩා විඳින අයට ලබා දෙන බලය අප අතපසු නොකළ යුතුයි.
දෙවියන්වහන්සේ විසින් යෝනාට පසුතැවිලි වීම ප්රකාශ කිරීම සඳහා “නිනිවය වෙත යන්න” කියා අණ කළා. නමුත් නිනිවය පුරාණ ඊශ්රායෙලයේ කුරිරු සතුරා වුණා—ඒ නිසා යෝනා වහාම හරියටම ප්රතිවිරුද්ධ දිශාවට බෝට්ටුවෙන් තර්ෂීෂ් වෙත ගමන් කළා. ඔහු තම කැඳවීමෙන් ඉවතට යාත්රා කරන විට, නැව් බිඳෙන කුණාටුවක් ඇති වුණා. තමාගේ අකීකරුකම ඊට හේතුව කියා ස්ථිර කරගත් යෝනා, තමන්ව මුහුදට විසි කරනවාට කැමැත්තෙන් සිටියා. මෙය රළු මුහුද සන්සුන් කළ අතර, එයින් ඔහුගේ නැව් සගයින් බේරුණා.
ආශ්චර්යමත් ලෙස, ස්වාමින්වහන්සේ “සූදානම් කර තිබූ” “මහා මත්ස්යයෙකු” යෝනාව ගිල දැමූ විට ඔහු මරණයෙන් බේරුණා. නමුත් ඔහු ඇදහිය නොහැකි තරම් අඳුරු හා අපිරිසිඳු ස්ථානයක දින තුනක් තිස්සේ වෙහෙසට පත්ව සිටි අතර අවසානයේ වියළි බිමකට ඇද හෙලනු ලැබුවා. ඉන්පසු ඔහු නිනිවයට ඔහුගේ කැඳවීම පිළිගත්තා. එහෙත්, නගරය පසුතැවිලි වී විනාශයෙන් බේරුණු විට, යෝනා තම සතුරන්ට දැක්වූ දයාව ගැන අමනාප වුණා. දෙවියන්වහන්සේ උන්වහන්සේගේ සියලු දරුවන්ට ප්රේම කරන බවත් ඔවුන්ව බේරා ගැනීමට උත්සාහ කරන බවත් උන්වහන්සේ යෝනාට ඉවසිලිවන්තව ඉගැන්වුවා.
තම රාජකාරිවල දී කිහිප වතාවක්ම පැකිළෙමින්, යෝනා ලෞකිකත්වයේ දී “සියල්ලන් වැටී ඇත” යන බවට විචිත්රවත් සාක්ෂියක් සපයනවා. අපි බොහෝ විට වැටීම පිළිබඳ සාක්ෂියක් ගැන කතා කරන්නේ නැහැ. නමුත් අප සෑම කෙනෙකුම සදාචාරාත්මක, ශාරීරික සහ අවස්ථානුකූල අභියෝග සමඟ අරගල කරන්නේ ඇයිදැයි යන්න පිළිබඳ ධර්මාත්මක අවබෝධයක් සහ අධ්යාත්මික සාක්ෂියක් තිබීම මහත් ආශිර්වාදයක්. මේ පොළොවේ කැත වල් පැලෑටි වැඩෙනවා, ශක්තිමත් ඇටකටු පවා බිඳෙනවා, ඒ සියල්ල “දෙවියන්වහන්සේගේ මහිමයෙන් හීන වෙනවා.” නමුත් ආදම් සහ ඒව විසින් කරන ලද තේරීම්වල ප්රතිඵලයක්—ලෙස ඇති වූ මෙම ලෞකික තත්ත්වය—අප ජීවත් වීමට එකම හේතුව වුණා: ඒ තමයි “[අපට] ප්රීතිය ලැබීම”! අපේ මුල් දෙමාපියන් ඉගෙන ගත් පරිදි, වැටුණු ලෝකයක කටුක බව සහ වේදනාව නොදැනීමෙන් අපට සැබෑ සතුට භුක්ති විඳීමට තබා, සිතා ගැනීමටවත් නොහැකි වෙනවා.
වැටීම පිළිබඳ සාක්ෂියක් පාපයට හෝ ජීවිතයේ රාජකාරිවල ලිහිල් ප්රවේශයකට නිදහසට කරුණක් නොවේ, එයට සැමවිටම කඩිසරකම, ගුණවත්කම සහ වගවීම අවශ්යයි. නමුත් දේවල් වැරදී ගිය විට හෝ පවුලේ සාමාජිකයෙකු, මිතුරෙකු හෝ නායකයෙකු තුළ ලෞකික අසමත්වීමක් දකින විට එය අපගේ කලකිරීම් සමනය කළ යුතු වෙනවා. බොහෝ විට මෙවැනි දේවල් නිසා අපගේ ඇදහිල්ල කොල්ලකන විවාදාත්මක විවේචන හෝ අමනාපකම්වල ගිලී සිටීමට අපට සිදු වෙනවා. නමුත් යෝනා විසින් විස්තර කරන ලද පරිදි වැටීම පිළිබඳ ස්ථිර සාක්ෂියක්, අපට අපගේ නොවැළැක්විය හැකි අසම්පූර්ණ තත්වයේ සිටින—අප ඇතුළු සැමට—”දයාවන්තවූ, ඉවසිලිවන්තවූ, ඉතා කරුණාවන්තවූ” දෙවියන්වහන්සේ මෙන් වීමට උපකාරී වෙන්න පුළුවන්.
වැටීමේ බලපෑම් ප්රකාශ කිරීමටත් වඩා විශාල, යෝනාගේ කතාව අපව එම බලපෑම්වලින් ගලවා ගත හැකි තැනැත්තා වෙත බලවත් ලෙස යොමු කරනවා. තම නැව් සගයන් බේරා ගැනීම සඳහා යෝනා කළ ආත්ම පරිත්යාගය සැබවින්ම ක්රිස්තුස්වහන්සේට සමානයි. යේසුස්වහන්සේට තම දේවත්වය පිළිබඳ ආශ්චර්යමත් ලකුණක් ඉල්ලා තුන් වතාවක් බල කරන විට, ඔහු ගිගුරුම් දෙන්නේ “යෝනාස්ගේ [යෝනා] ලකුණ හැර වෙනත් ලකුණක් නොදෙන” බවයි, යෝනා “මහා මත්ස්යයාගේ බඩේ දවහල් තුනක්ද රෑ තුනක්ද සිටියාක්මෙන් මනුෂ්ය පුත්රයාද පොළෝ ගැබේ දවහල් තුනක්ද රෑ තුනක්ද සිටින්නේය” යනුවෙන් කියා තිබෙනවා. ගැලවුම්කරුවාණන්ගේ පරිත්යාගශීලී මරණයේ සහ මහිමාන්විත මරණයෙන් නැවත නැගිටීමේ සංකේතයක් ලෙස, යෝනා අඩුපාඩු සහිත වෙන්න පුළුවන්. නමුත් තල්මසෙකුගේ බඩේ දී පූජා කරන ලද, යේසුස් ක්රිස්තුස්වහන්සේ පිළිබඳ ඔහුගේ පෞද්ගලික සාක්ෂිය සහ කැපවීමම තරමක ගැඹුරු හා ආශ්වාදජනක වෙනවා.
යෝනාගේ හැඬීම බොහෝ දුරට ඔහු විසින්ම නිර්මාණය කරන ලද අර්බුදයක සිටින යහපත් මිනිසෙකුගේ වගෙයි. ශුද්ධවන්තයෙකුට, කණගාටුදායක පුරුද්දක්, අදහසක් හෝ තීරණයක් නිසා ව්යසනයක් ඇති වූ විට, තවත් බොහෝ යහපත් චේතනාවන් සහ ධර්මිෂ්ඨකම සඳහා අවංක උත්සාහයන් තිබියදීත්, එය විශේෂයෙන් තලා දැමිය හැකි අතර කෙනෙකුට අතහැර දැමූ හැඟීමක් ඇති කරන්න පුළුවන්. නමුත් අප මුහුණ දෙන ව්යසනයේ හේතුව හෝ ප්රමාණය කුමක් වුවත්, බලාපොරොත්තුව, සුවය සහ සතුට සඳහා සෑම විටම වියළි බිමක් තිබෙනවා. යෝනාට සවන් දෙන්න:
“මාගේ පීඩාව නිසා ස්වාමීන්වහන්සේට හඬ ගැසීමි … ; පාතාල ගැබේ සිට කෑගැසීමි. …
“ඔබ මුහුදු මධ්යයේ ගැඹුරට මා හෙළූ සේක; …
“[එවිට] මම, ඔබගේ ඇස් හමුයෙන් පහකරනු ලැබීමි; එහෙත් ඔබගේ ශුද්ධ මාළිගාව දෙස නැවත බලන්නෙමියි කීමි.
“ජලයෝ ප්රාණ හානිය, දක්වා මා වට කරගත්තෝය: ගැඹුර මා වටේට පැමිණියේය, මුහුදු පන් මාගේ ඉස වටේ එතුණේය.
“කඳුවල පතුලට බැස්සෙමි; … එහෙත් මාගේ දෙවි වූ ස්වාමීන්වහන්ස, ඔබ මාගේ ප්රාණය වළෙන් ගොඩට ගත්සේක. …
“මා තුළ මාගේ ආත්මය ක්ලාන්තවූ විට … මම ස්වාමීන්වහන්සේ සිහි කෙළෙමි. මාගේ යාච්ඤාව … ඔබගේ ශුද්ධ මාළිගාවට, පැමිණියේය.
“බොරු නිරර්ථක දේවල් සලකන්නෝ තමුන්ගේම රක්ෂස්ථානය හැර දමති.
“එහෙත් මම ස්තුති හඬකින් ඔබට පූජා ඔප්පු කරන්නෙමි; බාරවූ දේ ගෙවන්නෙමි. ගැළවීම අයිති ස්වාමීන්වහන්සේටයි.”
එය වසර ගණනාවකට පෙර සිදු වූවක් වුවද, මම වාඩි වී සිටියේ කොහේද සහ පෞද්ගලික නිරයක ගැබ ගැඹුරේ සිටිය දී, මෙම ශුද්ධලියවිල්ල සොයා ගත් විට මට හැඟුණු දේ හරියටම ඔබට පවසන්න පුළුවන්. ඔබව ඉවත දමා, ගැඹුරුම ජලයේ ගිලී, ඔබේ හිස දක්වා මුහුදු පැලෑටි ඔතා, ඔබ වටා සාගර කඳු කඩා වැටෙන බව—එදා මට දැනුන ආකාරයට අද දැනෙන ඕනෑම කෙනෙකුට—යෝනාගෙන් ආභාෂය ලැබූ මගේ ආයාචනය නම්: ඔබේම දයාව අත් නොහරින්න. ඔබේ මානුෂීය අඩුපාඩු තිබියදීත්, ඔබට දිව්යමය උපකාර සහ සුවය ක්ෂණිකව ලබා ගන්න ප්රවේශය තිබෙනවා. මෙම විස්මිත දයාව යේසුස් ක්රිස්තුස්වහන්සේ තුලින් සහ උන්වහන්සේ හරහා පැමිණෙනවා. උන්වහන්සේ ඔබව පරිපූර්ණ ලෙස දන්නා සහ ප්රේම කරන නිසා, උන්වහන්සේ එය “ඔබේම” ලෙස ඔබට පිරිනමනවා, එනම් එය ඔබට පරිපූර්ණ ලෙස ගැලපෙන අතර, ඔබේ තනිව විඳින වේදනාවන් සමනය කිරීමට සහ ඔබටම විශේෂිත වේදනාවන් සුව කිරීමට නිර්මාණය කර තිබෙනවා. ඉතින්, ස්වර්ගය සහ ඔබ වෙනුවෙන්, ඒකට පිටුපාන්න එපා. එය පිළිගන්න. ඔබේ අධ්යාත්මික වගකීම්වලින් ඉවතට යාත්රා කිරීමෙන් සහනයක් ලැබෙන බව සිතීමට ඔබව පොළඹවන විරුද්ධවාදියාගේ “බොරු නිරර්ථක” වලට සවන් දීම ප්රතික්ෂේප කිරීමෙන් ආරම්භ කරන්න. ඒ වෙනුවට, පසුතැවිලි වූ යෝනාගේ මඟ පෙන්වීම අනුගමනය කරන්න. දෙවියන්වහන්සේ වෙතට හඬන්න. දේවමාළිගාව දෙසට හැරෙන්න. ඔබේ ගිවිසුම් වලට ඇලී සිටින්න. ස්වාමින්වහන්සේට, උන්වහන්සේගේ සභාවට සහ අන් අයට පරිත්යාගයෙන් හා ස්තුති දීමෙන් සේවය කරන්න.
මේ දේවල් කිරීමෙන්—හෙබ්රෙව් බයිබලය හෙසෙද් ලෙස හඳුන්වන දෙවියන්වහන්සේ ඔබ කෙරෙහි දක්වන විශේෂ ගිවිසුම් ප්රේමය පිළිබඳ දර්ශනයක් ගෙන එනවා. ඕනෑම පාපයකින් හෝ පසුබෑමකින් ඔබව “මුදාගැනීමේ බලය දක්වා බලවත්” කළ හැකි දෙවියන්වහන්සේගේ පක්ෂපාතී, වෙහෙස නොදැනෙන, නොසිඳෙන සහ “මුදු මොළොක් දයාවන්ගේ” බලය ඔබ දකිනු ඇත සහ දැනෙනු ඇත. දැඩි වේදනාව මුල දී එම දර්ශනය අඳුරු කරන්න පුළුවන්. නමුත් “[ඔබ] පොරොන්දුවක් තැබූ විට එය ඉටු කිරීම” දිගටම කරගෙන යන විට, එවැනි දර්ශනයක් ඔබේ ආත්මය තුළ වඩාත් දීප්තිමත්ව බැබළෙයි. ඒ දර්ශනයත් සමඟ ඔබට බලාපොරොත්තුව සහ සුවය ලැබෙනවා විතරක් නෙමේ, පුදුමයට කරුණක් නම්, ඔබේ දැඩි අභියෝග මධ්යයේ පවා ඔබ ප්රීතිය සොයා ගනියි. සභාපති රසල් එම්. නෙල්සන් අපට ඉතා හොඳින් මෙසේ ඉගැන්නුවා: “අපගේ ජීවිතයේ අවධානය යොමු වී ඇත්තේ දෙවියන්වහන්සේගේ ගැලවීමේ සැලැස්ම … හා යේසුස් ක්රිස්තුස්වහන්සේ සහ උන්වහන්සේගේ ශුභාරංචියට වන විට, අපගේ ජීවිතයේ සිදුවෙමින් පවතින දේ—හෝ සිදු නොවෙන දේ—කුමක් වුවත් අපට ප්රීතිය අත්විඳින්න පුළුවන්. ප්රීතිය පැමිණෙන්නේ උන්වහන්සේ තුලින් සහ උන්වහන්සේ නිසයි.”
අපි යෝනා වැනි ගැඹුරු ව්යසනයකට මුහුණ දුන්නත්, අපගේ අසම්පූර්ණ ලෝකයේ එදිනෙදා අභියෝගවලට මුහුණ දුන්නත්, ආරාධනය එකමයි: ඔබේම දයාව අත් නොහරින්න. ජීවමාන ක්රිස්තුස්වහන්සේ වැනි වූ යෝනාගේ ලකුණ දෙස බලන්න, ඔහු තම දින තුනක සොහොනෙන් සියල්ල ජයගෙන නැවත නැගිට්ටා—ඒ ඔබ වෙනුවෙන්. උන්වහන්සේ වෙතට හැරෙන්න! උන්වහන්සේ ගැන විශ්වාස කරන්න. උන්වහන්සේට සේවය කරන්න. සිනාසෙන්න. මක්නිසාද යත්, අප සැමට ඉතා ඉක්මනින් අවශ්ය වන සහ නිහතමානීව සොයන සුවය, වැටීමෙන් සම්පූර්ණ හා ප්රීතිමත් සුවය උන්වහන්සේ තුළ සහ උන්වහන්සේ තුළ පමණක් දක්නට ලැබෙනවා. මෙය සත්ය බවට මම සාක්ෂි දරනවා. යේසුස් ක්රිස්තුස්වහන්සේගේ ශුද්ධ වූ නාමයෙන්, ආමෙන්.