“Nte Afo Emema Mi?”
Edieke nnyin iyomde ndiwut ima emi inyenede inɔ Abasi, ana nte nnyin ifiɔk nte Enye okutde ima nnyin.
Ke ŋke idiɔk-udɔ, akpan eka esie ama anwana ke ntɔŋɔ ndidara ke ini udɔ eka esie ɔkɔnyɔŋde edi ufɔk ke ini idiɔk edimek ama ekebe ke “ndisuan inyene esie ke ndidu ntime uwem.” Ntaŋidem akpan eka esie ye etido ama akpan enye ndibuana ke idaresit edinyɔŋ ndi ke nkabare-esit. Nnyin ŋko imikeme ndiyak mme ufaŋ ebe nnyin ndien iyakke mme ama nnyin efiɔk, oto ke mme ikɔ ye mme edinam nnyin, eti ima emi inyenede inɔ mmɔ.
Ediwak enyene odudu uwut-ŋkpɔ edu ke mme ŋwed Abasi abaŋa eti ima emi ebuanade enyuŋ ebɔde: Naomi ye Ruth, Ammon ye Edidem Lamoni, idiɔk udo ye ete esie, Andinyaŋa ye mme mbet Esie.
Ke ini enɔde ima ke ntat-ubɔk enyuŋ ebɔde ke ntat-ubɔk, etido akanadere ye ŋkɔri ke ima ke ufɔt andinɔ ye andibɔ.
Ima Abasi ɔfɔn ama, inyeneke utit, enyene ime, onyuŋ “enem akaha.” Enye ɔyɔhɔ ukpɔŋ ye “ata akamba idaresit.” Nte ededi, usuk ini ekeme ndisɔŋ nnyin ndikut ima Abasi ke uwem nnyin. Edi, Ete nnyin ke Heaven enyenede mfɔn ŋkan ima etim oyom nnyin inyene ima emi Enye “etiŋde ɔnɔ [nnyin] nte asaŋade ye … ifiɔk [nnyin].” Enye oyowut ima Esie ye nnyin ke mme usuŋ emi nnyin, kiet kiet, ikemede ndikut. Nnyin imikeme ndikut ima emi Abasi enyenede ɔnɔ nnyin ke ini nnyin isede uyai ke ererimbot, mme ibɔ mme ibɔrɔ akam, mme inyene mme ekikere emi edide esit nnyin ke ata ini emi eyomde, mme inyene mme ini inem idaresit. Ŋwɔrɔ-ŋwut ima emi okpode akan emi Ete ke Heaven enyenede ɔnɔ nnyin emi odude ke ekikere ye esit mbiba edi ke ini Enye akayakde Edima Eyen Esie ete ɔnɔ Idemesie nte usio isop.
Nte akpan eka idiɔk udo, ekikere nnyin ediwak ini esise idem nnyin. Nnyin iyɔhɔ ye ndiyom se ikutde ke ima Abasi enyenede ɔnɔ nnyin, ndien ikpu ke ini nnyin mikwe enye. Edi se iyede edi ke ini nnyin isede ndiwut ima emi nnyin inyenede inɔ Abasi, ntre ke nnyin ikan ikut ima Esie ye nnyin. Emi edi ntak emi Andinyaŋa ɔkɔbɔrɔde mbume emi “Ewe idi akamba item ke mbet?”. ye mmem mmem ye akpan ikot emi “Ana nte afo ama Jehovah Abasi fo ye ofuri esit fo, ye ke ofuri ukpɔŋ fo, ye ke ofuri ekikere fo.”
Usuk ini usuŋ emi nnyin iwutde ima emi nnyin inyenede inɔ mbon emi nnyin imade idighe usuŋ emi mmɔ ekutde ima. Emi ekeme ndidi mfina nnɔ andinɔ ye andibɔ mbiba. Ekeme ndinwam ndibup mbon emi nnyin imade nte mmɔ ekutde ima emi ewutde. Ukem ukem oro, edieke nnyin iyomde ndiwut ima emi inyenede inɔ Abasi, ana nte nnyin ifiɔk nte Enye okut ima nnyin. Ke mfɔniso, Enye owut ediwak usuŋ nte anwaŋade ke mme ŋwed Abasi ete ke nnyin imikeme ndiwut ima emi nnyin inyenede inɔ Enye.
Nte Afo Emema Mi Akan Emi?
Ke nneme item ke ufɔt Peter ye Ɔbɔŋ emi ekesetde ke Inyaŋ Tiberia, nnyin ikpep ibaŋa mme usuŋ emi nnyin ikemede ndiwut ima emi inyenede inɔ Jehovah.
“Jesus ɔdɔhɔ Simon Peter ete, Simon, eyen Jonas, nte afo emema mi akan emi? Enye ɔdɔhɔ enye ete Iŋ Jehovah; afo ɔmɔfiɔk ete ke mema fi.”
Akpan ikɔ ke nduŋɔre emi otode Abasi edi “Nte afo emema mi akan emi?” Nnyin iwut Jehovah ima ke ini inimde Enye okpon akan “emi,” ndien “emi” ekeme ndidi owo ekededi, edinam ekededi, mme ŋkpɔ ndomo kiet emi akpande Enye ndidi ntuk emi okponde akan ke uwem nnyin.
Ini ididuhe ikem ke usen, ke udua, ke ɔfiɔŋ, mme ke isua ndinam ofuri se nnyin iyomde mme se inyenede ndinam ŋkure. Ubak ke idomo ke uwem edi ndida ini nnam se idide akpan ikan inɔ nsinsi ufɔn nnyin ye ndiyak aka mme ŋkpɔ oro emi midighe ata akpan.
President Russell M. Nelson ama ɔdɔhɔ ete, “Mbume ebupde nnyin kiet kiet … edi ukem. … Ndi afo omoyom ndiyak Abasi okpon akan ke uwem fo? Ndi afo eyeyak iko Esie, mbet Esie, ye ediomi Esie ada fi usuŋ ke se afo anamde ke usen ke usen? Ndi afo eyeyak uyo Esie okpon akan uyo efen? Ndi afo omoyom ndiyak se ededi emi Enye odongde fi okpon akan utom efen? Ndi afo omoyom ndiyak uduak fo odu ke ukara uduak Esie?” Nnyin iwut nte idide mbet ye ima inyenede inɔ Abasi ke ini inamde Enye edi akpan ke uwem nnyin.
Bɔk Erɔŋ Mi
Ke ufaŋ emi adianade ukem nneme emi ke ufɔt Peter ye Andinyaŋa, nnyin ikpep ibaŋa usuŋ efen emi Jehovah okutde nte nnyin iwutde ima: “[Jehovah] ɔdɔhɔ enye ɔyɔhɔ ikaba, Simon, eyen Jonas, nte afo emema mi? Enye ɔdɔhɔ enye ete, Iŋ, Jehovah; afo ɔmɔfiɔk ete ke mema fi. Enye ɔdɔhɔ enye ete, Bɔk erɔŋ mi ”
Nnyin iwut ima emi inyenede inɔ Ete ke Heaven ke ini inamde ŋkpɔ, ikpaŋde utɔŋ inɔ, imade, imenedere, mme ikwɔrɔde ikɔ inɔ nditɔ Esie. Utom oro ekeme ndidi ekpri nte ke akpanikɔ ndikut mbon efen ke ini mibiereke ikpe inɔ. Ke ɔyɔhɔ ikpehe 76 ke Doctrine ye Covenants, nnyin ikut ekpri ibaŋa edu mbon emi edidade obio ubɔŋ celestial inyene: “Mmɔ ese nte esede mmɔ, enyuŋ efiɔk nte efiɔkde mmɔ.” Mmɔ ese mbon efen nte Abasi esede mmɔ, ndien Enye ese mmɔ nte mmɔekemede ndikabade ndi, ye edisana enye ubɔŋ ufaŋ.
Ke ini mma nkɔnyɔŋ mission mi ndi, ami mma ntɔŋɔ ndise mbaŋa mbubehe utem mbiet emi ami ye nditɔ eka mi iden ikitɔŋɔde nte mparawa. Ami ŋko nkaka ŋwed ke university. Udua kiet ke ukwɔ edim, akamba edim ye akpatre udomo ama omum mi nyuŋ nda edem ke utom.
Ke ufɔt udua enyɔŋ ama atara, ndien ami ma nduak ndinam utom mma ke usuana ŋwed. Edi ke ini ami ŋkesimde ufɔk, truck ye ŋkpɔ utom mi ema esop. Ke mkpaidem, ami mma nka mme ebiet emi akanade nte enam utom; ema etem mmɔ kiet kiet ediye ediye. Ke akpatre ebiet, ami mma nkut ekpri eyen eka mi eren nte anamde utom. Enye ese mi, asak, onyuŋ ofuŋ ubɔk. Ke nkeyɔhɔde esit ekɔm, ami mfat enye nyuŋ nkɔm enye. Eti utom esie ama ɔsɔŋɔ ima mi ye nsukibuot nyenede nnɔ enye. Ndinam ŋkpɔ nnɔ kiet eken edi eti usuŋ emi ndudue miduhe ndiwut ima emi nnyin inyenede inɔ Abasi ye Edima Eyen Esie.
Yarade Ubɔk Esie ke Ofuri Ŋkpɔ
Nnyin ŋko iwut ima emi inyenede inɔ Abasi ke ndinyene esit ekɔm. Jehovah ama ɔdɔhɔ ete, “Iduhe ŋkpɔ emi owo ayatde Abasi esit, … ibɔhɔke mbon emi miyarakede ubɔk esie ke kpukpru ŋkpɔ.” Nnyin iwut ima emi inyenede inɔ Abasi ke ndikut Enye nte ebiet emi kpukpru nti ŋkpɔ ke uwem nnyin otode.
Ke mme ntɔŋɔ usen ndisiak ebiet unam-utom, owo utom mi ye ami iyibɔŋ akam eti eti mbemiso itɔŋɔ akpan mbono ndomo kiet, ibeŋe unwam ito Ete ke Heaven. Ke ini ke ini, Abasi ama ɔbɔ mme akam nnyin, ndien mme mbono nnyin ema esaŋa efɔn. Ke ini ikikurede mbono kiet, owo utom mi ama emen owut ete ke nnyin ima isɔp iyom unwam edi inyɔni ndinɔ ekɔm. Tɔŋɔ ke ini oro ka iso, nnyin ima inam enye nte ido ndibɔm mme akam ekɔm, ikut ubɔk Jehovah ke ntim-nnam nnyin. Nnyin iwut ima emi inyenede inɔ Abasi ye “ido ekɔm.”
Edieke Mbufo Emade Mi, Enim Mbet Mi
Usuŋ efen emi nnyin iwutde ima emi inyenede inɔ Ete ke Heaven ye Edima Eyen Esie edi ndimek ndinim mbet Mmɔ. Andinyaŋa ama ɔdɔhɔ ete: “Edieke mbufo emade mi, enim mbet mi.” Utɔ nkopitem emi idighe nnan inyuŋ idighe amama ye mumaha-ma edi edi eti ye ndinyime ndiwut ima. Ete ke Heaven oyom nnyin ete iyom ndikop item. Sister Tamara W. Runia okot emi “nkopitem ima.” Enye ama ɔdɔhɔ ete, “Okposuk edi nnyin mmiyeneke mfɔn-ma ŋkopitem kaŋa, nnyin idomo ndinam ima ŋkopitem idahaemi, imek ndidu, ndien ifiak imek, koro nnyin imade Enye ”
Ete ke Heaven ɔnɔ nnyin ufaŋ ndimek man ɔnɔ nnyi uko ndiyom ndimek Enye. Utom ye ubɔŋ Esie idighe ndinɔ nnyin nsinsi uwem edi esine ŋko idorenyin ete ke mkpon-nkan udɔŋ nnyin edi ndifiak nyɔŋ ntiene Enye. , Edi, Enye idikpakke nnyin ete ikop-item. Ke ikwɔ “Know This, That Every Soul Is Free,” nnyin ikwɔ:
Nte mme ada usuŋ ke mission, nwan mi, Christina, ye ami ima inyene uko ito ediwak missionary emi ekemekde ndikop item, idighe ke emi ekedide udomo missionary ikpɔŋ edi ke ntak emi mmɔ ekeyomde ndiwut ima emi mmɔ ekenyenede enɔ Jehovah ke ndimek ke nsuhɔreidem ndida nnɔ Enye.
Nte Elder Dale G. Renlund ekekpepde, “Uduak Ete ke Heaven ke ndidi ete ye eka idihe ndinyene nditɔ Esie enam se ifɔnde; edi ndinam nditɔ Esie emek ndinam se ifɔnde ndien ekabade etie nte Enye. Edieke Enye okoyomde ete nnyin ikop item, Enye ɔkpɔnɔ utip ke ndondo oro ye mme ufen ndikpuhɔde mme ido nnyin.” Nnyin iwut ima emi inyenede inɔ Abasi ke ini imekde ndikop item nyuŋ ntiene Enye.
Ete nnyin ke Heaven ye Andinyaŋa nnyin ekut ima emi nnyin inyenede inɔ Mmɔ ke ini nnyin inimde Mmɔ ke iso ke mme uwem nnyin, inam ŋkpɔ inɔ kiet eken, inem esit ibaŋa ofuri edidiɔŋ emi otode Mmɔ, inyuŋ imek ndikop item nyuŋ ntiene Mmɔ.
Ami mmetie ntiense nte ke nnyin kiet kiet edi eyen Abasi ndien ke Enye ama nnyin nte ɔfɔnde ama. Ami mmetie ntiense nte ke Enye oyom nnyin ikop ima Esie ke mme usuŋ emi ikutde inyuŋ ifiɔkde. Ŋko ediye mbiet-ikɔ edi ke nnyin iyikop ima emi Enye enyenede ɔnɔ nnyin kpa ke ntɔtuŋɔ nte nnyin iwutde ima emi nnyin inyenede inɔ Enye. Ke enyiŋ Jesus Christ, amen.