Mmem-mmem ke Christ

Isua edip ye duop-eta ekebede, mma mbɔ ikoot ndikinam utom nte missionary ke Mission Utah Ogden. Ke akpan, ke ntak emi nketode Europe, ndusuk mme edu unam ŋkpɔ nte “green Jell-O with carrots” ye “potatoes itie mkpa” ekedi se iwɔrɔde etop inɔ mi!

Nte ededi, ama enem mi ndikut nwa-idem ediwak nditɔ-Abasi, ediwak ibat owo edukde esop ufɔk-Abasi, ye ɔyɔhɔ ndaha edinam Ufɔk Abasi akade iso. Ke ini mission mi ama ekekure, mma nyom ndikut nte ke idara nkenyenede ye odudu spirit ye ndiɔŋɔ-idem emi nkokutde ini oro eyeka-iso odu ɔnɔ ekpuk ini-iso mi. Mma mbiere ndisɔp mfiak nkodu uwem mi ke “mfit nsinsi obot.”

Edi, Jehovah ama enyene uduak efen. Ke akpa Sunday mi ke ufɔk, edima bishop mi ama okot mi nte President Young Men ke ward nnyin. Ke ini nkakarade ediye eboho mkpri iren emi, mma nsɔp ndikpep nte ke idara emi otode ndidi mbet Jesus Christ enyene atta ekpri ŋkpɔ ndinam ye idaha esop Ufɔk-Abasi mme ndaha edinam.

Ndien ke ini nkɔdɔde ediye anwam mi, Margret, ima idara ibiere ndiduŋ ke Europe, inyuŋ ikama nditɔ nnyin ke idut emana nnyin edide Germany. Nnyin ima ikut se President Nelson ekekpepde ediwak isua emi ebede: “Inemesit emi nnyin inyenede enyene ekpri ebuana ye ŋkpɔ-ntibe ke uwem nnyin edi enyene akwa ebuana ye kpukpru ŋkpɔ inamde ke uwem nnyin.” Ke ini se inamde ke uwem nnyin edide ke Christ ye etop gospel Esie, nnyin iyebɔ ɔyɔhɔ edidiɔŋ nkop-item ke kpukpru ebiet ididuŋde.

Nte ededi, ke ererimbot emi ɔyɔhɔde ye ŋkpɔ ererimbot, mkpɔsɔŋ-ŋkpɔ ye, ndutimede, ye nsio-nsio ye ediwak idiɔk etop ye udɔŋ, nnyin idinam didie ifep enyin nnyin ndisire ye esit nnyin ndisɔŋ inyuŋ iwuk enyin ke “inwaŋ-inwaŋ ye ndiye ŋkpɔ” emi edude ke gospel Jesus Christ? Ke ini ndutimede, Apostle Paul ama ɔnɔ nditɔ Abasi akwa item ke Corinth ke nditi mmɔ yak ewuk enyin ke “akpanikɔ emi odude ke Christ.”

Ukpep-ŋkpɔ Christ ye ibet gospel emem tutu idem mkpri nditɔ ekeme ndidiɔŋɔ mmɔ. Nnyin imekeme ndibɔ odudu erifak Jesus Christ inyuŋ ibɔ kpukpru edidiɔŋ spirit Ete eke Heaven nnyin ekenimde ɔnɔ nnyin ke ndinyene mbuɔtidem ke Jesus Christ, ŋkabare-esit, ndina baptism, enamde isana oto ke enɔ Edisana Spirit, nyuŋ nyɔ nkesim utit. President Nelson ama etiŋ abaŋa isaŋ emi ke ediye usuŋ nte “usuŋ ediomi ” ye usuŋ ndikabade ndi “eti mbet Jesus Christ.”

Edieke etop emi enehede emem, ntak emi esitiede nte enehede ɔsɔŋ ndinam mbet Christ nyuŋ ntiene uwut-ŋkpɔ Esie? Ekeme ndidi nte ke nnyin imibiat ndikabade mmem-mmem nte ŋkpɔ emi ememde ndida-nnyene ke unana ifik mme nditim-nnam. Nditiene Christ oyom ɔkpɔsɔŋ ifik ye nka-iso edikabade. Ana nnyin “[isio] atta owo ifep onyuŋ … [ikabade itie nte ekpri] eyen.” Emi esine “ndisin mbuɔtidem nnyin ke Jehovah” inyuŋ iyak idiɔk-ido ɔnyɔŋ, kpasuk nte mkpri nditɔ ekpenamde. Ndimen ukpep-ŋkpɔ Christ ke mmem-mmem ye usuŋ itiŋ-enyin nsin ke edinam eyenam nnyin ikop inemesit ke uwem nnyin kpukpru usen, ekpeme ke utom nnyin, ɔbɔrɔ ndusuk mkpɔsɔŋ mbume uwem, onyuŋ ɔnɔ ukeme ndiyɔ mme ikpɔ mfina nnyin.

Edi didie ke nnyin ikeme ndinam nsuhɔre idem isaŋ eyo-uwem nte mme mbet Christ. President Nelson ama eti nnyin ete iwuk enyin ke “nsasana akpanikɔ, ye nsasana eriyarade” nte nnyin iyomde nditiene Andinyaŋa. Ndibup ke ubɔk ke ubɔk, “Nso ke Ɔbɔŋ Jesus Christ oyom mi nnam?” ayarade eti ndausuŋ. Nditiene uwutŋkpɔ Esie ɔnɔ eti usuŋ otode ke anana iwuk ye edima, ubɔk unwam omumde ke usen ke usen. Enye edi Ɔbɔŋ Emem ye Eti Ekpeme Erɔŋ. Enye edi Andidɔŋ esit ye Andifak. Enye edi Itiat ye Ebiet udibe nnyin. Enye edi Ufan—ufan fo ye ufan! Enye okoot nnyin kpukpru ete ima Abasi, enim mme mbet Esie, enyuŋ ema mbɔhɔiduŋ mbufo.

Nte nnyin imekde nditiene uwut ŋkpɔ Esie inyuŋ ikaiso ke mbuɔtidem ke Christ, ikiwaŋa odudu Erisio-isop Esie, inyuŋ iti ediomi nnyin, ima ɔyɔhɔ esit nnyin, idorenyin ye edikɔk edibede spirit nnyin, ndien esit-ekɔm ye ime ekpuhɔre ndot-ndot ye mfuhɔ man ebet eridiɔŋ ekenwɔŋɔde. Ndusuk ini, ana nnyin idiaŋade idem nnyin ikpɔŋ idiɔk ebiet mme ndiyom unwam nto nta-ifiɔk. Edi ke kpukpru mkpɔ, ndinam mkpri- mkpri ibet gospel eyenwam nnyin ndisaŋa mbe mme mfina uwem emi ke usuŋ Abasi.

Ndusuk ini, imisisuhɔre odudu ibɔde ito mkpri edinam nte akam, utre-udia, ndikpep scripture, edikabare-esit, ndibuana ke sacament ofuri urua, ye ndisɔp nka ke ufɔk Ɔbɔŋ. Edi edieke idiɔŋɔde ite ke inaha “inam mme ikpɔ mkpɔ” inyuŋ inim idem nnyin ke ufɔt edisana ye ekpri ukpep-ŋkpɔ, iyetɔŋɔ ikut nte gospel “anamde ikpɔ ŋkpɔ” ɔnɔ nnyin, kpasuk ke ini ndiɔi ŋkpɔ-ntibe. Nnyin ikut odudu ye “uko ke iso Abasi, ” kpasuk ke ini inyenede iduɔ-esit. Elder Russell Ballard ama eti nnyin ediwak ini, “Edi ke mmem-mmem oro ke [nnyin] idikut … emem, idara, ye inemesit.”

Ndinam ndimem ŋkpɔ emi odude ke Christ anam nnyin ida owo akpan-akpan ikan mme usuŋ-edinam, ye ebuana nsinsi ikan ibio-ini edu-uwem. Nnyin idinim enyin ke “mme ŋkpɔ ɔfɔnde akan” ke utom erinyaŋa ye edimenere Abasi ndutuk ke iduɔ isine ke edinam use owo. Inɔ idem nnyin ufaŋ ndida nte akpan mme ŋkpɔ nnyin ikemede ndinam ndutuk ke ibiat ini ke mme ŋkpɔ nnyin mikemeke ndinam. Jesus ama eti nnyin: “Ke ntre, ekukpa mba ke ndinam eti, koro [mbufo] enim itiat idak isɔŋ enɔ akamba utom. Ndien otode ke mkpri ŋkpɔ eyewɔrɔ enye emi okponde.” Edi akamba ikɔ odudu ndinam ŋkpɔ ke mmem-mmem usuŋ ye nsuhɔre-idem, se itie nnyin ekpededi.

Eka-eka mi, Marta Cziesla ekedi akamba uwutŋkpɔ ke ndinam “mkpri ye mmem-mmem ŋkpɔ” man anam ikpɔ ŋkpɔ etibe. Ndiwut ima, nnyin ikikot enye Oma Cziesla. Oma eknyime gospel ke ekpri obio Sellbongen ke East Prussia ntre ye eka-eka eka mi ke May 30, 1926.

Marta Cziesla (udom) ke usen uduɔk-mmɔŋ esie.

Enye ama ama Jesus Christ ye gospel Esie onyuŋ ebiere ndnim ediomi enye akanamde. Ke 1930, enye ama ɔdɔ ete-ete mi, emi mikidihe owo Ufɔk-Abasi nnyin. Ke ntre ama ɔsɔŋ ɔnɔ Oma ndiduk esop Ufɔk-Abasi koro inwaŋ ete-ete mi ama oyom usuŋ ɔkpɔŋ mkpere-nkan Ufɔk-Abasi. Edi enye ekese se enye ekemede ndinam. Oma ama akaiso ɔbɔŋ akam, okot scripture, onyuŋ ɔkwɔ ikwɔ Zion.

Ndusuk owo ema ekere ke enye iduhe aba ke mbuɔtidem esie, edi oro ikidihe akpanikɔ Ke ini aunty mi ye ete mi ekemanade, ye unana odudu itie oku ke ufɔk, ikinyuŋ iduhe esop Ufɔk-Abasi mme ebiet ekperede ndibɔ ewuhɔ, enye ama osuk anam se enye ekemede ndinam onyuŋ akaiso ndikpep nditɔ esie “ndibɔŋ akam, ye ndisaŋa nnen-nnen ke iso Abasi.” Enye ama esikot ɔnɔ mmɔ oto nwedikɔ-Abasi, ɔkwɔ ye mmɔ mme ikwɔ Zion, onyuŋ ɔbɔŋ akam ye mmɔ—kpukpru usen. Ndaha udomo100% ndinam ŋkpɔ Ufɔk-Abasi ke ufɔk.

Ke 1945 ete-ete mi okodu ke ikɔt ekɔŋ anyan usuŋ ɔkpɔŋ ufɔk. Ke ini mme asua ekekperede inwaŋ mmɔ, Oma ama ataŋ mkpri nditɔ esie iba onyuŋ adaha ɔkpɔŋ edima inwaŋ mmɔ man oyom ubɔhɔ ke ebiet ɔfɔnde. Ke ɔkpɔsɔŋ ye isaŋ afai ama ekekure, mmɔ ke akpatre ema ekut ubɔhɔ ke May 1945, ke edere Germany. Mmɔ ikenyeneke ŋkpɔ ndomokiet ke ebede ɔfɔŋ okodorode ke idem mmɔ. Edi Oma ama akaiso ye se enye ekekemede ndinam: enye ɔkɔbɔŋ akam ye nditɔ esie—kpukpru usen. Enye ɔkwɔ ye mmɔ mme ikwɔ Zion enye ekere ke esit—kpukpru usen.

Uwem ama enehede ɔsɔŋ ndien ke ediwak isua enye ekese ndikut ke udia odu ke okpokoro. Edi ke 1955 ete mi , ini oro isua 17, akaka ufɔkŋwed ukpep ubɔk utom ke obio Rensburg. Enye akasaŋa ke mben ufɔk ndien okut ekpri idiɔŋɔ ke aŋwa emi ekewetde “Kirche Jesu Christ der Heiligen der Letzten Tage”—“Ufɔk Abasi Jesus Christ Mme Ndisana Owo ke Ukperedem Usen.” Enye ama ekere, “Oro eye ndikut; emi edi ufiɔk-Abasi Eka mi.” Ndien ke ini enye edisim ufɔk, enye ama ɔdɔhɔ Oma ke imɔ imokut ufɔk-Abasi esie.

Mbufo emekeme ndikere nte enye ekerede ke ŋkpɔ nte isua 25 enye eketre ndikop mbaŋa Ufɔk-Abasi. Enye ama ebiere ndika Sunday efen onyuŋ anam ete mi enyime nditiene enye Obio Rendsburg ɔkɔniɔŋ itiat 20 (32 km) ɔkpɔŋ ekpri obio emi mmɔ ekeduŋde Edi enye emi idinamke Oma etre ndika ufɔk-Abasi. Sunday efen, enye ama ɔdɔk enaŋ-ukwak esie ntre ye ete mi enyuŋ ewat edaha ufɔk-Abasi.

Ke ini esop sacrament ɔkɔtɔŋɔde, ete mi ama osuk etie ke akpatre udim, onyuŋ ekere ke eyesɔp esuana. Emi ekedi ufɔk-Abasi Oma , ikidihe ekesie. Se enye okokutde ikinehekede inɔ udɔŋ: ekpri ibat ikpɔ iban ekedu ye mkpri missionaries iba emi ekenamde kpukpru ŋkpɔ ke esop oro mfɔn-mfɔn. Okposuk edi oro, mmɔ ema etɔŋɔ ndikwɔ-ikwɔ, ndien mmɔ ekekwɔ ikwɔ Zion emi ete mi okokopde ke ini enye ekedide ekpri eren: “Edi, Edi, Mbufo Ikɔt-Ɔbɔŋ,” “O Ete Mi,” “Etoro Owo Oro.” Enye ndikop mkpri otu-erɔŋ emi ekwɔde Ikwɔ eke Zion enye ama ɔkɔdiɔŋɔ tɔŋɔde ke uyen ama asiak esit esie, ndien enye ama ɔdiɔŋɔ iwa-iwa, ndik iduhe, ke Ufɔk-Abasi edi akpanikɔ

Akpa esop sacrament eka-eka mi okodukde ke isua 25 ama ekebe ekedi esop emi ete mi ɔkɔbɔde ikɔ-ntiense idemesie kabaŋa akpanikɔ mfiak-nda-ndi gospel Jesus Christ. Ema eduɔk enye mmɔŋ urua ita ke iso, ke September 25, 1955, ntre ye ete-ete mi ye aunty mi.

Ebe isua 70 tɔŋɔde ekpri esop sacrament oro akada itie ke Rendburg. Ami mmesisɔp nti Oma, nte eketiede enye ke mme ndobo okoneyo, nte akanamde ŋkpri ye mmem-mmem ŋkpɔ emi enye ekekemede ndinam, nte ndibɔŋ akam, ndikot ŋwed, ye ndikwɔ-ikwɔ. Nte ndade mi mfin ke akwa mbono ntiŋ-ikɔ mbaŋa Oma mi, ubiere esie ndinim ediomi esie ye mbuɔtidem ke Jesus Christ, ke memfreke afanikɔŋ esie , ɔyɔhɔ esit mi ye nsuhɔre-idem ye esit-ekɔm—idihe inɔ enye ikpɔŋ edi ɔnɔ ediwak nti nditɔ Abasi ke ofuri ekondo emi ewukde enyin ke mmem-mmem ŋkpɔ ke Christ, ke mme ndiɔi ŋkpɔ-ntibe, mme edi ndikut ŋkpri ukpuhɔre idaha emi edi ndinim nte ke ikpɔ ŋkpɔ eyetibe ke mme usen ke iso.

Ami mmekpep nto ifiɔk mi nte ke mkpri ye mmem-mmem ŋkpɔ ke gospel ye nditim nkama enyin ke Christ ɔnɔ nnyin ata inemesit, ada akwa utibe-ŋkpɔ edi, ɔnɔ nnyin uko ke kpukpru edidiɔŋ ekeŋwɔŋɔde eyewɔrɔ osu. Emi edi akpanikɔ ɔnɔ fi nte edide akpanikɔ ɔnɔ mi. Ke ikɔ Elder Jeffrey R. Holland, “Ndusuk edidiong esop ndidi, ndusuk edi ke idiɔk ini, ndusuk ididihe tutu heaven; edi mme mmɔ oro ewaŋade ikɔ Abasi Jesus Christ, mmɔ edi K’emi ke ami ntiene nnɔ ikɔ ntiense ke enyiŋ Jesus Christ, amen.