Iduhe Owo eke Etiede Ikpɔŋ

Ke isua Aba-ye-duop, ami mmekpep mbaŋa edu-uwem, ke esit edide edu-uwem ikɔ-Abasi. Ami nyetɔŋɔ ye nti cookies.

Ke Chinatown eke San Francisco, udia mbubreyo eke ufɔkemana Gong esitre ye nti cookies ye ikɔ ifiɔk nte “Ndisaŋa ŋka anyan ebiet esitɔŋɔ ye ikpat kiet.”

Nte young adult kiet, ami mma nam nti cookies. Ke nsinede mfia ɔfɔŋ gloves, ami nyewaŋ nyuŋ nnuk mme ekara cookies oro nsin ke mbiet ufiop eke oven oro.

Ke mkpaidem mi, ami ndikpep ke nti cookies inehede idi ubak-ŋkpɔ eke edu mbon Cnina. Man mbahare edu eke ɔfɔniso cookie eke mbon China, America ye Europe, ami ŋkoyom nti cookies ke ediwak ikpɔ-idut—ukem nte owo ekpedade ediwak ebiet oyom ndidiɔŋɔ ebiet emi ikaŋ obumede ke ikɔt. Itie-udia ke San Francisco, Los Angeles, ye New York esinyam nti cookies, edi idige edude ke Beijing, London, mme Sydney. Mbon America kpɔt enam-usɔrɔ Usen Nti Cookie ke Idut. Mbon China kpɔt esinɔ ntɔt eke “Nti Cookies eke America.”

Nti cookies edi inem, mmem mmem uwutŋkpɔ. Edi ukem ukpep eke ndidomo mme edinam ke nsio-nsio ndaha edu-uwem ekeme ediŋwam nnyin ndibahare edu ikɔ-Abasi. Ndien idahaemi Jehovah ke asiak mbufa ufaŋ ndikpep ido ikɔ-Abasi nte uwutŋkpɔ Ŋwed Mormon ye ŋke-mbuk prɔfesi Obufa Testament edisude.

Mme owo ke ewɔwɔrɔ ke kpukpru ebiet. Etop eke United Nations owut ke million owo 281 ewɔrɔ-ekpɔŋ obio ke ofuri ererimbot. Emi edi million owo 128 akande ibat owo ke 1990 ye itie ita ke edomode ye ibat eke 1970. Ke kpukpru ebiet, ediwak ibat owo ke eyom Ufɔk Abasi Jesus Christ Mme Ndisana Owo ke Ukperedem Usen. Ofuri Sabbath, mbon ufɔk Abasi ye mme ufan etode idut emena ye obio 195 eboho ke mme ebiet Ufɔk Abasi nnyin 31,916. Nnyin itiŋ mme usem 125.

Mmi-mmi-emi, ke Albania, North Macedonia, Kosovo, Switzerland, ye Germany, ami mmokut mbufa mbon ufɔk Abasi enamde mbiet eto olive eke Ŋwed Mormon ɔwɔrɔ osu. Ke Jacob 5, Ɔbɔŋ iŋwaŋ ye mme isuŋutom esie ke esɔŋɔ mme oruŋ eto ye ŋkɔk-eto olive ke nditaŋ-mbok nyuŋ ndian ɔtɔkiet mbon emi etode nsio-nsio ebiet. Mfin emi nditɔ Abasi eboho nte otu-kiet ke Jesus Christ; Jehovah ɔnɔ ata eti usuŋ ke nditat ɔyɔhɔ uwem eke mfiak-mmen-ndi ikɔ-Abasi emi nnyin idude.

Ndibeŋe nnyin idem nnɔ obio-ubɔŋ heaven, Jesus eketiŋ ŋke-mbuk eke akwa udia-mbubreyo ye udia-usɔrɔ ndɔ. Ke mme ŋke-mbuk emi, isenowo emi ekekotde ema-enɔ ebeŋe ke ididighe. Ete-ufɔk editeme mme isuŋutom esie ete “wawara wɔrɔ ka ke mme efak ye ŋkpri efak obio” ye “ɔkpɔusuŋ ye mben-ɔkɔ” nyuŋ “da mme” ubuene, ye mmɔ emi edade unan, mbuŋɔ, ye nnan duk di. Ke editiŋ ke nkaŋ-spirit, oro edi nnyin owo kiet-kiet.

Ŋwed Abasi ete:

“Eyekot kpukpru mme idut” esin “udia-mbubreyo eke ufɔk Jehovah.”

“Mbufo eka ebeŋe usuŋ Jehovah enim, … man obio-ubɔŋ Esie ekpeka iso ke isɔŋ, man mme andiduŋ do ekeme ndibɔ enye, enyuŋ edu ke mbeŋeidem enɔ mme usen eke edidide.”

Mfin emi mbon emi ekekotde ete edi udia-mbubreyo Ɔbɔŋ eto ofuri ebiet ye edu-uwem. Ikpɔ ye ŋkpri, enyene-ŋkpɔ ye ubuene, isɔŋ-iduŋ ye ofuri ererimbot, nnyin idinam ebiet Ufɔk Abasi nnyin etie nte mme obio nnyin.

Nte akwa Apostle, Peter okut nte enyɔŋ ɔkibɔrede ŋkukut eke “akwa ɔfɔŋ ke utit mbinaŋ, … emi kpukpru oruk … unam edude ke esit.” Peter ete: “Ke akpanikɔ mmokut nte Abasi iteŋeke owo enyin. … Edi ke ofuri idut owo ekededi eke abakde [Jehovah], onyuŋ anamde nti ido, Enye adadara owo oro.”

Ke ŋke-mbuk eke eti-owo Samaria, Jesus okot nnyin ete iŋwam kiet eken inyuŋ iŋwam Enye ke ufɔk-udia Esie—Ufɔk Abasi Esie. Enye okot nnyin ete idi nti mbɔhiduŋ. Eti-owo Samaria ama ɔŋwɔŋɔ ndifiak ndi nyuŋ ndinɔ-utip ukpeme eke mbon emi edude ke ufɔk-udia Esie. Ndinam ikɔ-Abasi Jesus Christ esine ndinim ufaŋ nnɔ kpukpru owo ke mfiak-mmen-ndi Ufɔk Abasi Esie.

Spirit eke “ufaŋ ke ufɔk-udia oro” esine “iduhe owo anditie ikpɔŋ.” Ini emi afo edide ufɔk Abasi, edieke afo okutde owo eketiede ikpɔŋ, mbɔk nte afo eyekɔm enye onyuŋ etie ye enye? Emi ekeme ndidi idige ido mbufo. Owo oro ekeme edibiet mme editiŋ ikɔ isio-isio akan fi. Ndien nte ededi, nte nti cookie ekpetiŋde “Usuŋisaŋ edinam-ufan ke ikɔ-Abasi ye ima ɔtɔŋɔ ye akpa ekɔm ye owo eke mitiehe ikpɔŋ.”

“Iduhe owo anditie ikpɔŋ” ŋko ɔwɔrɔ ke owo itiehe ikpɔŋ ke ekikere ye ke ŋkpɔ-Abasi. Ami ŋkesaŋa ye okop-mfuhɔ ete kiet ŋkese eyeneren esie. Ke mme isua ke edem. eyeneren oro ama okop-inem ndidi obufa deacon. Edinam ekesine ke ufɔkemana esie ndidep akpa obufa ikpa-ukot nnɔ enye.

Edi ke ufɔk Abasi, mme deacon ema esak enyen nsahi. Ikpa-ukot ekedi obufa, edi ikiyehe. Ke okopde esuene ye ubiak, ekpri deacon emi ete ke imɔ idifiak-ke ika ufɔk Abasi aba. Esit mi osuk ɔfufuhɔ ɔnɔ enye ye ufɔkemana esie.

Ke mme ntɔŋ-ntɔŋ usuŋ akade Jericho, esak nnyin owo kiet-kiet nsahi, ibɔ esuene ye ubiak, ndusuk ebiom enyuŋ esuŋi. Ndien ye mme nsio-nsio ndaha udɔŋ, nnyin owo kiet-kiet ŋko imitre ndibat, ikutke mme ikopke, ndusuk inehede inam ŋkpɔ emi abiakde mbon efen. Oro enehede edi koro ema enam se ibiakde nnyin ndien nnyin inam se ibiakde mbon efen emi Jesus Christ adade ofuri nnyin edi ufɔk-udia Esie. Ke Ufɔk Abasi Esie ye ke mme erinam ye ediomi Esie, nnyin imitiene kiet eken inyuŋ itiene Jesus Christ. Nnyin imima ndien ema nnyin, inɔ-uŋwam ndien eŋwam nnyin, ifen-inɔ ndien efen-enɔ nnyin. Mbɔk eti ke, “isɔŋ inyeneke mfuhɔ emi heav’n mikemeke ndikɔk”; mbiomo eke isɔŋ efere—idara eke Andinyaŋa nnyin edi akpanikɔ.

Ke 1 Nephi 19, nnyin ikoot ete: “Kpa Abasi Israel ke [mmɔ] ekedihi ke idak ikpat; … mmɔ ese enye ke ikpikpu. … Ke ntre mmɔ emia enye ke ikpa, ndien enye ɔyɔ oro; ndien mmɔ emia enye, ndien enye ɔyɔ oro. Iŋ, mmɔ efiari enye etap, ndien enye ɔyɔ oro.”

Ufan mi Professor Terry Warner ete ke ufik-ikpe, umia, ye mfiari-etap ikidige mme edinam emi ekesitibede ikpɔŋ kini Christ odude ke isɔŋ. Nte nnyin idade mbon efen—akpan-akpan mbon ɔbiɔŋ, mbon nsat-itɔŋ, mbon eyakde etie ikpɔŋ—edi nte nnyin idade Enye.

Ke mfiak-men-ndi Ufɔk Abasi Esie, kpukpru idifɔn-ima ke ini owo kiet mitiehe ikpɔŋ. Yak nnyin ikunehede iyɔyɔ mme edimeme. Yak nnyin inehede idara, idiɔŋɔ, isin-uŋwam inɔ, ima. Yak ufan, eyeneka ŋwan, erenowo kiet-kiet ikudi esen mme esenowo edi edi eyen ke ufɔk.

Mfin emi ediwak ekop ndobo-ikpɔŋ ye edinim nsan-nsan. Social media ye artificial intelligence ekeme ndinam nnyin ndiyom owo edidu-mkpere ye ebuana eke owo. Nnyin iyom ndikop uyo kiet eken. Nnyin iyom ata edidu ye mfɔnido.

Odu ediwak ntak emi nnyin ikerede ke nnyin iduk-ke otu ke ufɔk Abasi emi, ke etiŋde nte mbiet ete, ke nnyin itie ikpɔŋ. Nnyin imikime ndifina-idem kabaŋa usem-edeme, ndaha ufɔkemana nnyin. Ndusuk iyekere ke nnyin ikemke, ke itebe nsuŋikaŋ, iyom ndisana ke ido, ima ibiat ebuana ye owo kiet ndien ikop ubiak ye esuene, idikere kabaŋa mbet Ufɔk Abasi enye emi mme eken. Nnyin imikeme ndidi single, iwɔrɔde ke ndɔ, ebekpa mme ŋwan-akpa. Nditɔ nnyin enam uyom; nnyin inyeneke nditɔ. Nnyin ikikaha mission mme ikikureke mission edi ebabak enɔ inyɔŋ-ufɔk. Ibat oro aka iso.

Mosiah 18:21 eteme nnyin ete ikim esit nnyin idian kiet ke ima. Ami ndɔhɔ mbufo nte ekere ŋkpɔ esisit, ebiere esisit, ekuyom ediwak eto mbon efen—ndien, nte ededi, ekusɔŋ ido ye idem mbufo. Nnyin ididaha usen kiet isiak Zion. Edi “ekɔm” kiet-kiet, inem ndise-enyin kiet-kiet, eyeda Zion ekpere. Yak nnyin iwak edinim Abasi ke akpanikɔ ndien idara imek ndinim ofuri ibet Esie.

Nte ukpepŋkpɔ, ke ufɔk mbuɔtidem ye ebuana Ndisana Owo, iduhe owo anditie ikpɔŋ otode ke ediomi edidu ke Jesus Christ.

Prophet Joseph Smith ekekpep ete: “Edi ubiɔŋ nnyin ndikut, mbuana ke esit nyuŋ ŋwam ndinuk ubɔŋ Ukperedem usen nka-iso, ‘emana eke mme uyɔhɔ ini … ,’ ke ini Ndisana ikɔt Abasi edibohode nte kiet ito ofuri idut, ye oruk, ye owo.”

Abasi “inamke ŋkpɔ ndomokiet ibɔhɔke ke ufɔn ererimbot; … man enye ada ofuri irenowo [ye iban] ɔnɔ idemesie. …

“… Enye okot mmɔ kpukpru owo ete edi etiene enye enyuŋ ebuana ke mfɔn esie; … ndien kpukpru owo edi ukem-ukem enɔ Abasi.”

Ŋkabare-esit ke Jesus Christ oyom nnyin ete imen ido ata owo ye edu-uwem ererimbot isio. Nte President Dallin H. Oaks ekpepde, nnyin inyene ndiyak ido-eset ye edu-uwem eke misaŋake ye ibet Abasi ndien ikabare idi Ndisana Owo eke Ukperedem Usen. Enye anam-aŋwaŋa ke, “Odu asaŋa-asaŋa ido ikɔ-Abasi, otu ufɔn ye uduak ye erinam emi ofuri mbon Ufɔk Abasi Jesus Christ Mme Ndisana Owo ke Ukperedem Usen esinamde.” Ido Ikɔ-Abasi esine edinim-idem asana, ndika ufɔk Abasi ke ofuri udua, ndikpɔŋ inaam-min, ikɔŋ, tea, ye coffee. Oro esine erinam-akpanikɔ ye nti ido, ndifiɔk ke nnyin isaŋa ika-iso idige edika enyɔŋ mme isɔŋ, ke mme ikoot Ufɔk Abasi.

Ami mmebɔ ukpep nto nti mbon ufɔk Abasi ye mme ufan ke ofuri iduŋ ye edu-uwem. Ŋwed Abasi emi ikpepde ke ediwak usem ye ndaha edu-uwem ɔsɔŋɔ ifiɔk ikɔ-Abasi. Ediwut nsio-nsio mbiet ido Christ ɔsɔŋɔ ima ye ifɔk mi kabaŋa Andinyaŋa mi. Kpukpru owo ebɔ edidiɔŋ ke ini nnyin iwutde idiɔŋɔ edu-uwem nnyin, nte President Russell M. Nelson ekekpepde, nte eyen Abasi, eyen ediomi, mbet Jesus Christ.

Emem Jesus Christ odu ɔnɔ nnyin ke idem owo kiet-kiet. Mmi-mmi-emi akparawa kiet enehede obup ete, “Elder Gong, nte ami nyesuk ŋkeme ndika heaven?” Enye edikere mme enye ekeme ndisuk mbɔ mfen-nnɔ. Ami mbup enyiŋ esie, nehede nnɔ mkpaŋ-utɔŋ, ndɔhɔ enye nte enyene nneme ye bishop esie, mmum enye mfat. Enye akadaha ye idorenyin emi odude ke Jesus Christ.

Ami mma-nsiak akparawa eren emi ke ndaha efen. Ekem ami ndibɔ anana-enyiŋ leta emi ɔtɔŋɔde nte, “Elder Gong, ŋwan mi ye ami iminyene nditɔ usukkiet … inyuŋ ika mission akaŋ mbiba.” Edi “Ami ke ofuri ini ŋkekere ke owo idinyimeke ami nduk obio-ubɔŋ celestial … koro mme idiɔkŋkpɔ ke uyen ama enehede ɔdiɔk!”

Leta aka-iso ete, “Elder Gong, ke ini afo ɔkɔdɔhɔde abaŋa akparawa erenowo ɔbɔde idorenyin erifen-nnɔ, ami ŋkɔyɔhɔ ye idara, ntɔŋɔ ndifiɔk ke ekeme ndidi [ami mmekeme ndibɔ mfen-nnɔ].” Leta oro editre ye, “Ami kemi mmema idem mi idahaemi!”

Ediomi edidu okpon ke nte nnyin iitienede kiet eken ye Jehovah ke ufɔk-udia Esie. Jehovah ɔdɔdiɔŋ kpukpru nnyin ke ini owo ndomokiet mitiehe ikpɔŋ. Ndien anie owo ɔdiɔŋɔ? Ekeme ndidi owo emi nnyin itiede ikpere ekeme ndidi ata mfɔn-ŋkan ufan ɔfɔniso cookie nnyin. Yak nnyin iyom inyuŋ inam ebiet inɔ Enye ye kiet eken ke udia-mbubreyo eke Eyenerɔŋ, ami nsuhɔre-idem mbeŋe ke edisana enyiŋ Jesus Christ, amen.