Nditi Mme Erɔŋ

Christ edi Eti Ekpemerɔŋ. Kpukpru owo ke otu udim erɔŋ edi akpan enɔ Enye. Enye ɔkɔtɔŋɔ ukpemerɔŋ onyuŋ ekpep nnyin ke ikɔ ye edinam mbiet eti ekpemerɔŋ, emi esinede ndidiɔŋɔ erɔŋ mbufo ke enyiŋ, ndima mmɔ, ndiyom mmɔ eke esopde, ndinɔ udia, ye, ke akpatre, ndida mmɔ usuŋ mfiak edem nkesim ufɔk ini kiet efen. Enye ekere nnyin ndinam ukem oro nte mbon-ukpep Esie.

Imekeme ndikpep ediwak ŋkpɔ abaŋade ndisaŋa-nse ke usuŋ Andinyaŋa ito prophet eyo-oko—ye nwɔrɔnda ekpemrɔŋ—Moroni Enye okodu ke atta ɔkpɔsɔŋ ini, ikinyeneke ukeme ndikut cell phones, computer, ye internet Edi enye ama etime ndikpeme erɔŋ. Ekenam didie? Nnyin iyesin enyin ise usuŋ unam utom esie ke Moroni 6. Do nnyin imokot ite ke mbon ufɔk-Abasi “ema ebat mmɔ esin ke otu mbon ufɔk-Abasi Christ; ndien ema emen enyin mmo, man eti mmo eyuŋ ebɔk ke nti ikɔ Abasi, ke ndinim mmɔ ke nenen usuŋ. … “Ndien ufɔk-Abasi esisɔb ndiboho ɔtɔkiet, man etre-udia, efiak ebɔŋ akam, enyuŋ eneme-nneme ye kiet eken ebaŋa ufɔn ukpɔŋ mmo.” (Moroni 6:4–5; edian ɔsɔŋɔ).

Ke nkaŋ Moroni, ŋkpɔ akabaŋa otu owo—enyiŋ! Enye akada usuŋ-editɔŋɔ ukpep-ŋkpɔ ndibat ye ndinam-ibat man otodo ekeme nditi kpukpru . Ekededi emi mikemeke mme etin-usuŋ ema ediɔŋɔ, eyak nditɔ-Abasi eneme ufɔn mmɔ ke esop. Nte ekpemerɔŋ oro ɔkɔkpɔŋde anaŋ-ye-duop-enaŋ (ke emem ye ukpeme, ami mmɔdiɔŋɔ) onyuŋ aka ebine kiet oro okosopde(se Luke 15:4–7), edɔhɔ nnyin itiene idiɔŋɔ ibaŋa otu-erɔŋ nnyin ntre—man ikut inyuŋ iti inyuŋ ika ikanam ntre.

Nte ada-ibuot mission ke India, mmeti nte nkebipde akparawa ekedide branch president mbaŋa se enye edinamde obufa isua edide: “Irenowo ifaŋ ke afo editim idem ada ɔbɔ Itie-oku Melchizedek?” Ibɔrɔ esie ke usɔp ekedi “Itiaba!”

Idem ama akpa mi ebiet enye osiode ata nnen-nnen ibat oro oto! Mbemiso nte nsioro uyo, enye ama osio ekpri paper emi ekewetde kiet tutu ekesim itiaba osuhɔre aka isɔŋ, ke mben. Akpa udim ama enyene enyiŋ ewetde ke mmɔ—atta enyiŋ emi enye ye elders quorum eyomde ndikot nnyuŋ mbeŋe idem ndibɔ edidiɔŋ otode itie-oku ke uwem mmɔ. Ke ntre, ma mbup mbaŋa udim itiokiet ye itiaba ekedide ukpɔk, “Oh, President,” enye ama ɔdɔhɔ, ke enyek ubɔk esie ke mbɔm, “ke akpanikɔ iyeduɔk nkpri nkaha iren iba ke akpa ubak isua oro emi akpanade enyene itie-oku ke utit isua oro.” Eti adausuŋ emi ɔdiɔŋɔ ibet-ukpep-ŋkpɔ ndibat ye ndinam-ibat.

Christ ama ɔtɔŋɔ Ufɔk-Abasi Esie ke usuŋ emi anade ɔsɔŋ ndifre ukpɔŋ kiet, koro kpukpru esɔŋ-urua ke Enye. Kpukpru owo edude ke ward,, ikereke isua emana mme uduot, enyene ediwak mbon-utom— mme ekpemerɔŋ—emi enyenede ndise mbaŋa mmɔ, ke nditi. Ekpri eren, nte uwutɔŋkpɔ, enɔ enye bishop, eyen-eka eren asaŋade-ese, akwa eren ɔnɔ-item, andikpep seminary, mme ada-ibuot ke eboho, ndien ndusuk mbon efen—kpukpru edude nte iyire ukpeme ebɔpde ke idak man ekpemum enye edieke ɔduɔde. Osuk edi iyire kiet kpɔt ke enim ɔfɔn, ekpri eren oro ɔbɔ ukpeme, ekut enye, enyuŋ eti enye. Edi kaŋa, ediwak ini imokut nte etimde iyire enim ke rbiet, Mme owo eyo ekpɔŋ usuŋ nte emade ekeduk ekim—ndien owo ndomokiet ikwe Didie ke nnyin ididi nti mme ekpemerɔŋ? Nnyin imekeme ndikpeb ndibat nnyuŋ nam-ibat.

Ufɔk-Abasi ɔnɔ nnyin ŋwed-utom ye ŋkpɔ-utom ndinam ntre—nditi. Ŋwed-utom Idaha Ɔffiɔŋ Ita edi akpa uwutnkpɔ Enye anam nnyin ikeme ndibat inyuŋ inam-ibat kpukpru owo ediwak ini, ye ndidiɔŋɔ mbon emi esopde mme eyomde unwam ye ima nnyin. Ŋwed Utom-ndinam ye Ŋwed nduŋɔde anam ediɔŋɔ mbon emi eyomde unwam idahaemi, nte Ndaha Edidot Ndika Temple ye mme ŋkpɔ efen. Mme nkpɔ-utom ndi-mbat ye ndinam-ibat emi anam nnyin ise otu-owo. Anie owo oyom ikot, ndidɔk ke itie-oku, mme unwam ndida enyiŋ owo ke ekpuk nka temple? Anie ke nnyin ikpanwam man ebeŋe idem ndika mission? Anie owo isop ɔfiɔŋ emi? Mme ŋkpɔ-utom emi anam nnyin iti otu-owo.

Mma ndiɔŋɔ ufɔkemana ke Uited States emi ekenyenede utom ke Africa. Ke akpa usen ederi mmɔ, mmɔ ema ekeduk nkukure eboho Ufɔk Abasi ke idut oro, emi ekekɔmde mmɔ ye idara. Ke utit usenubɔk oro, nwan erenowo oro ema ekot nte ada-ibuot ke Relief Society, ye enye nte adausuŋ eke Young Men! Enye ama ebip branch president emi ama akakpa mba ibat mkpri iren emi edude do, Eti, akpa-emana ada-ibuot emi ama anyan ubɔk ese edem ubet sacrament, onyuŋ ɔdɔhɔ, “Ibon iba edade ko.” Ete oro ikinimke, edi enye ama emen nwed enyiŋ eboho oro ɔnyɔŋ ufɔk ke usɔp, koro enye ama okut ke edi mkpri-iren-owo 20 esine ke nwed oro. Enye ama afiak ebine branch president ɔkɔdɔhɔ oyom nti mkparawa iba emi ediɔŋɔde ediwak usem eda edi mme counselor esie, onyuŋ etie ye mmɔ ye mkparawa iba oro man efiak ese mme enyiŋ oro.

Ndien mme etiŋ-enyin mkparawa emi ema etɔŋɔ utom Ke ekpri ibat ɔffiɔŋ ke iso, mmɔ ema ekut kpukpru nditɔ iren ekekutde enyiŋ ke nwed oro. Enyiŋ ke enyiŋ, mme erɔŋ ekesomode ema enyɔŋ ebine mme ufan mmɔ man edidia udia eke spirit ye eke obuk-idem Ke isua kiet, ke usen ederi ekededi, ema enyene mkpri iren 21 nte mbon edukde ederi Mmɔkɔm mme mkparawa emi ekebatde enyuŋ enamde ibat

Edima ufan mi kiet, ekurede nwed obufa, ama aka ye ekpuk esie, ndiduŋ ke akwa obio America kiet ada akaka-iso ke ukpep-nwed esie Ema ekot enye ke usɔp ada ada-ibuot ke eboho elders. Ye ekpri ndik kabaŋa akpa esop nduŋde ye stake president, enye ama ebeŋeidem ada aka. Enye ama ɔdɔhɔ stake president ke imɔ inyene mkpɔ ita inɔ ededi do: (1) 90% edisaŋa-nse, (2) ndikpep eti ukpep-ŋkpɔ gospel kpukpru urua, ye (3) edinam quorum emi etiede ekere ofuri ɔfiɔŋ.

Asakde ufan mi, enyenenifiɔk stake president ama ebup, “Nte afo akpasiak enyiŋ owo quorum kiet, ye ekpuk esie, emi okopde mmem-idem edinwamde ida ika temple isua emi?” Enye oro ama akpa ufan mi idem, Enye ama etiŋ-enyin ekere onyuŋ asiak owo kiet. “Wet enye oro nim,” stake president ama eteme. Ndien enyene ifɔk ada-ibuot emi afiak ebup ukem mbume oro utomo ikata efen—ekem nduɔŋɔde oro ama asuana. Akparawa emi ama asaŋa ɔwɔrɔ ke esop nduŋɔde ke ama eke kpep kiet ke otu ikpɔ ukpep-nkpɔ ke abaŋa ndida- usuŋ ye ndisaŋa-nkese Enye akaka esop nduŋɔde oro mme ŋkpɔ edinamde, ukpep-nkpɔ, ye utom. Enye edisaŋa ɔwɔrɔ ye mme enyiŋ! Enyiŋ inaŋ oro ekedi akpan ŋkpɔ enye ekesede ke utom esie ye eke quorum esie.

Nte ada-ibuot ke mission, nke aka nkese brach mi kiet usenubɔk ederi kiet. Mma nkut nte ke branch presisdent okosuk osio ekpri ŋwed ke ekpat esie ada ewet ŋkpɔ. Mma mbiere ndikot enye mbup mbaŋa oro ke ema ebɔŋ akam usuana. Esop ama akasuana mbemiso nte nkebup mbaŋa nwed oro, brach mission leader ama efehe edi enyɔŋ-mbot, ebiet ekeyakde paper oro enɔ enye. Ami mma nsɔsɔp ntiene eti ada-ibuot emi nkoduk esop branch missionary cordination. Mbemiso mmɔ etɔŋɔ, enye ama osio paper oro ke ekpat esie. Enye ɔkɔyɔhɔ ye enyiŋ mme owo emi owo mikwe ke esop sacrament. Ke ekpri ini, mbon edukde esop oro ema esari enyiŋ kiet mme iba, enyime ndikise mmɔ usen oro man ekut ette ke ŋkpɔ ɔfɔn ye mmɔ, enyuŋ enam mmɔ ediɔŋɔ ke ema eyom mmɔ. Ndien oro edi ndibat ye ndinam-ibat.

Ami mmeti district kiet, hour kiet ke jet ɔniɔŋ ɔkpɔŋ temple ekperede akan, emi ndikama obufa temple recommend edide attatta akpan-ŋkpɔ, okposuk edi oro etiede nte owo ididaha enye inam ŋkpɔ. Akpa ederi ke kpukpru ɔffiɔŋ, mme ada-ibuot eda ŋkpɔ-utom ibat mmɔ eda enam ibat man ediɔŋɔ mbon mmɔ enamde endowement. Edieke ediɔŋɔde ke ini temple recmmend eyesɔp ndikure, executive secretary eyenim ini edinamde obufa. Eyeteme mbon enyenede temple recommend ini ama ekebe ebet, enyuŋ enwam mmɔ ndifiak nka usuŋ ediomi. Mma mbup mme owo mmɔ ifaŋ ekenamde endowement ekama temple recommend. Ibɔrɔ ekedi anam-uyom 98.6 %. Ke ini mbupde mbaŋa owo itiokiet emi ini temple recommend mmɔ ama ekekure, mme ada-ibuot ema ekeme ndidiɔŋɔ mmɔ ke enyiŋ enyuŋ etiŋ enɔ mi se enamde man mmɔ efiak edi.

Ekpri ibat isua ebede, ekpuk mi ema efiak enyɔŋ eka United States, Nnyin ima inemesit ndiduk ufɔk-Abasi mi, ma nkodu isua 26 ke mkpri ndedibe eboho. Ema ekot mi nte ward missionary. Ima inyene atta eti mission leader, ndien ima inam nti ŋkpɔ inyuŋ ikpep nti owo ŋkpɔ, Mma mbeŋe ndiduk esop ward council nda nse se enamde mfiak mbɔ unwam ye mme ufan emi ikidude ntre Ama akpa mi idem kini kpukpru se eketiŋde ekedide usɔrɔ ward edinamde. Mma mbine ward mission leader nnyuŋ ndɔhɔ ke enye ikinyeneke ufaŋ ndifiak nnyuŋ ntiŋ mbaŋa mbon nnyin Ibɔrɔ esie? “Oh, ikpinaha nnɔ ikɔ-ibɔrɔ.”

Mma ndomo enye ye esop branch council ke Lahore, Pakistan, emi nkodukde urua emi ebede Ekpri eboho eketie ekanade ekpri okpokoro, ndien kpukpru se mmɔ eketiŋde ebaŋa ekedi mme owo Mme enyiŋ. Ada-ibupot kiet-kiet eketiŋ ebaŋa utom mmɔ ye mme owo ye ekpuk mmɔ ekesede ebaŋa Kpukpru ema enyene ufaŋ ndidian ekikere mmɔ ke eti usuŋ emi mmɔ ekemede ndidiɔŋ mbon oro enemede. Ema ekɔk ibuot enyuŋ enɔ utom Nsutɔ ukpep-nkpɔ ke ndibat ye ndinam ibat ke enyiŋ, otode nditɔ-eka iren ye iban ke akpa emana.

Ke Ufɔk Abasi Jesus Christ, imibɔ item ito mme prophetusen edem ye mme prophet idahaemi—ye uduot Andinyaŋa ekenimde—nte esaŋade ekese. Nnyin ibɔ enyiŋ, nnyin iti, nnyin inyuŋ ineme ibaŋa ufɔn ukpɔŋ mmɔ Mme ada-ibuot eke enamde ntem idinanake mme ŋkpɔ se enemede ke esop mmɔ! Ntɔŋɔ-ukpep-ŋkpɔ ndibat ye ndinam-ibat ɔfɔn. Enye edi usuŋ Andinyaŋa. Nnyin imikeme ndinam ɔfɔn akan. Ke Abasi, emi okobotde isɔŋ onyuŋ akara kpukpru, utom emi—utomEsie ye ubɔŋɔ—ebehe owo kiet-kiet. Ndien ntre ke ana edi ɔnɔ nnyin kiet kiet, nte ŋkpɔ-utom ke ubɔk Esie, ke akwa utom edinyaŋa ye edimenere. Utibe-ŋkpɔ ke uwem mme atta owo edidi ibɔrɔ Ke enyiŋ Jesus Christ, amen.