Ndikpe-emem ye Abasi

Nte ami mkpepde ŋwed Abasi, nkut mme ikɔ emi enehede anam mi nkere mbaŋa, ke akpan mmɔ enyene asaŋa saŋa se adade ɔnɔ otode ke ifiɔk ukpep emi nnyenede ke uwem mi. Mma mbiat ini mi ndinam utom nte anam ibat ŋkpɔ obot. Ye ifiɔk oro, ikɔ emi ndikpe-emem ama anam mi ntiŋ enyin nte nkotde mme ŋwed Abasi. Utom mi ekedi ndinam ekɔm urua edi ukem ukem ye ŋwed ibat okuk otode ke ndinam ibat, nduŋɔre, ye ifiɔk nduŋɔre. Ke mme ikɔ efen, uduak mi ekedi ndinam ŋwed ibat edi ukem ye mme ŋwed ibat enɔde ke ndikut ke edi nnen nnen ye edifɔn. Mmanam nti ukeme ke ndiyɔ mme efaŋa, ndien ekedi mmem mmem nte ke mma nnɔ akpan ini ke ndiyɔ kpa ata mkpri mfina.

Apostle Paul ama ebeŋe mbon Corinth ete “ekpe emem ye abasi.” Ndikpe emem ye Abasi ɔwɔrɔ ndifiak nyime ye Abasi mme ndifiak nnam ebuana odu ye Abasi emi mikifɔnke mme ekebiarare otode ke ntak idiɔk ŋkpɔ nnyin mme edinam. Ke nditiŋ ibio ibio, ndinam emem ye Abasi ada ɔnɔ ndinam uduak ye mme edinam nnyin asaŋa ukem ye uduak Abasi, nte President Russell M. Nelson ekekpepde, ndiyak Abasi akan ke uwem nnyin.

Nte ekpepde ke mme ŋed Abasi,nnyin iminyene ufaŋ ndinam ŋkpɔ mbaŋa uwem nnyin, “ke ndimek usuŋ eke nsinsi mkpa mme nsinsi uwem.” Edi edieke nnyin mitiŋke enyin, unen ke ndinam ke idem nnyin ekeme ndinam nnyin inana ndisaŋa ye uduak Abasi.

Prophet Jacob amakpep ete ke ini nnyin ikutde idem nnyin ke efaŋa me unana ndisaŋa ye Abasi, nkukure usuŋ nnyin ikemede ndibɔ ukpe emem edi “ndinam emem ye [Abasi] otode ke erisio isop Christ.” Ana nte ifiɔk ite ke ukpe emem ɔkɔŋɔ ke mbɔm, owutde ete ke edinam mfɔn erisio isop Jesus Christ anam ukpe emem edi mmem mmem.

Nte mbufo ekerede ebaŋa uwem mbufo, ekere ebaŋa ini emi mbufo ekutde idem ke ayan usuŋ ye Ete eke Heaven ke ntak ekesikde ekpɔŋ Enye. Nte uwut ŋkpɔ, ekeme ndidi mbufo ema ekabare enana ntiŋ enyin ke akam mbufo ye Enye mme ke ndinim mme ibet Esie. Kpa nte nnyin imekde ndisik mkpɔŋ Abasi ana nte nnyin imek ndinam ukeme ke ndikpe emem. Jehovah enehede etiŋ abaŋa ubiɔŋ utom nnyin ke ini Enye ɔkɔdɔhɔde, “Sanga kpere mi ndien Ami nyesaŋa nkpere fi; tim yom mi ndien mbufo eyekut mi; bup, ndien mbufo eyebɔ; kɔŋ, ndien eyeberede usuŋ enɔ mbufo.”

Didie ke Andinyaŋa ekeme ediŋwam nnyin ndifiak nam ye ndikpe emem ke akpan ebuana emi? Ke okim, menam akamba ŋkɔri ke isaŋ mi ke ndikpe emem ye Abasi ke ini ami ntienede item eke President Nelson ekekpepde ye ke ndikabare esit kpukpru usen. Ntak edi ke edikpe emem ada ɔnɔ ndifiak nam mbiara ebuana odu, akpan akpan ke ufɔt Abasi ye ubon owo, ke ndisiori ubiɔŋɔ eke idiɔk ŋkpɔ.

Kiet ke mkpon nkan edikpe emem emi ikotde ibaŋa ke ŋwed Abasi edi eke Enos. Ŋkpɔ ke uwem esie ikisaŋake nte enende ye Abasi. Enye ama owut uwutŋkpɔ ke ndibere edem ke Erisio-isop Jesus Christ man ekpe emem ye Abasi. Enye ama anam aŋwaŋa udɔŋ esie ke ndikabare esit, nsuhɔre idem esie, ntiŋ enyin esie, ye mkpe mbiere esie. Ema esɔŋɔ ukpe emem esie ye Abasi ke ini uyo ekedide ebine enye, ɔdɔhɔde, “Enos, efen mme idiɔk ŋkpɔ fo, ndien eyediɔŋ fi.” Enos ama ɔfiɔk se editua-mkpɔfiɔk ye edikpe emem akanamde ke uwem esie ke ini enye ɔkɔdɔhɔde, “Ndien ami, Enos, mma mfiɔk ke Abasi ikemeke ndisu nsu; ke ntre ema emen ndudue mi efeb.”

Ukpe emem inɔhɔ ubɔhɔ isio ke ekikere idiɔk ŋkpɔ kpɔt edi ɔnɔ emem nko ke uwem nnyin ye mbon efen. Enye anam ebuana ɔfɔn, esit emem, ndien ɔsɔŋɔ owo mbet nnyin, ada akamba uko ke iso Abasi edi. Se inɔde mi akamba idorenyin ye uko edi mfri ukpe emem efen Enos eketiŋde abanga ke ini enye ɔkɔdɔhɔde ete, “Ndien ke ami, Enos, mankekop mme ikɔ emi, mbuɔtidem mi ɔtɔŋɔ ndisɔŋɔ ke Jehovah.”

Ke ini ŋkedide eyenɔwɔŋ, ete eka mi ama enyene akamba inwaŋ eto cherry. Ami mma nyene ifet ndinam utom ke iŋwaŋ, ediwak ini ke ini ndaeyo edɔkde mfri. Nte ata ekpri eyen eren, mma nkut nte ndaha utom mi ekedi ndibɔ usan ndien emenere ke enyɔŋ eto man nkibi mfri.

Idɔk mfri okpuhɔre ke eti ndaha ke ini ete eka mi ekedepde machine ekotde ŋkpɔ unyehe mfri. Machine emi omum ekpat eto ndien enyehe enye, anamde mfri ebehe ke eto oduk iyire emi ekekamade ebɔ mme mfri. Mma nkut nte ke ini unyehe ɔtɔŋɔde ndinyehe eto, ke esimde kpukpru mfri ebehe ke eto ke secɔn iba. Mma ŋkut nte ke ibeheke mme eto ekeyeŋe ke secɔn duop mme ke minit kiet, ndusuk mfri idibeheke. Ke akpanikɔ mmɔ ekedi se owo mmikemeke ndiyeŋe.

Ndinyeŋe mfri nsio ke eto ekedi mmem mmem ke ntak ethylene ɔkɔwɔrɔde. Hormone emi anam ikpa idem eto odude ke ufuɔt ekpat eto ye eto emem idem. Ntre, eto ndat-ndat mfri enehede adiaŋade ɔkpɔŋ ke eto oro ke ntak mmem idem.

Ke ŋwed Abasi, nnyin ikpep ite eto Jesse edi sidade inɔ Andifak, Jesus Christ, emi eketiŋde ebaŋa ke edito ke ubon Jesse, ete Edidem David. Ukem nte ethylene anamde uyire mmem idem ye ndat ndat ekpat eto mfri, nsɔŋ ibuot, eyihe, ndik ekeme ndinam uyire nnyin ke Ekpat eto Jesse emem, mme Jesus Christ, ayakde nnyin ikeme ndiyek inyuŋ ikibere ikpɔŋ Enye. Nte nyin inyenede mbuɔtidem nte ikemede ndiyene, ana nte ikpeme mmem idem eke uyire ke Jesus Christ.

Ke Doctrine ye Covenants, ema enɔ kpa mme enyene mbuɔtidem ewuhɔ kiet : “Edi edi mmem mmem owo ndiduɔ mkpɔŋ mfɔn ye ndikibe mkpɔŋ oduwem Abasi.” Ɔbɔŋ aka iso, “Iŋ, … yak mbon oro esanade ekop item ŋko.” Mman itre ndiduɔ, Ɔbɔŋ ɔnɔ item ete, “Ke ntre yak ufɔk Abasi ekpaŋ utɔŋ enyuŋ ebɔŋ akam kpukpru ini, midihe ntre mmɔ eyeduɔ eduk ke idomo.”

Owo ekeme ndida ndomo ke ndaha mmem mmem edinyehe ye se mme ŋwed Abasi ekotde nte ndidi ndat ndat kabaŋa nsobo ye mme mfina etienede mme edinam. Ibio ikɔ oro ekeme ŋko ndinam aŋwaŋa ke ndiwut ndaha mbiara, idiɔk, ye nsuhɔre emi anamde ŋkpɔ ɔsɔp ndiduɔ mme ndibiara.

Nso ke ndat ndat emi ada ɔnɔ? Nte ɔwɔrɔ ke nnyin imikeme ndisim ndaha emi nnyin mikemeke ndikpuhɔre? Ihn ihn, ami nkere ke ɔwɔrɔ ke nnyin imikeme ndisim ndaha ke ini emi nnyin minyimeke ndikpuhɔre. Se idinwamde nditre ndikabare ndat mbaŋa nsobo edi ndinam mme ŋkpɔ ekemede ndisɔŋɔ uyire nnyin ye Jesus Christ. Nte eketiŋde, nkabare esit amada Enos ekesim ndaha ɔsɔŋɔ mbuɔtidem. Ukeme odu ke nkabare esit—ke ubɔk ke ubɔk, usɔp, ye edisɔp nkabare esit. Nte President Russell M. Nelson ekekpebde nnyin ete, “Iduhe ŋkpɔ se itatde-iyak, ifɔnde, mme edide akpan ɔnɔ nkɔri owo kiet-kiet akan ndiwak edikabare-esit kpukpru usen.”

Ke ndidian ke ndikwɔrɔ nkabare esit, prophet Jacob ama ekpep ete ke ndifiɔk ubɔk Abasi ke mme uwem nnyin, ndiyom nyuŋ mbɔ eriyarare, ye ndikpaŋ utɔŋ nnɔ Abasi ke ini Enye etiŋde ikɔ kpukpru eŋwam nnyin ke ndisɔŋɔ. Jacob nko ama ekpep ete, “Ke ntre, nnyin iduŋɔde mme ŋwed Abasi ndien iminyene ediwak eriyarare ye spirit eke prɔphecy; ndien inyenede kpukpru mme ntiense emi nnyin inyene idorenyin, ndien mbuɔtidem nnyin inyek-ke.” Ndikpaŋ utɔŋ nnɔ ye ndinam ke mme ikɔ ye ikoot eke mme prophet ye mme apostle ekeme ndiyɔhɔ uwem nnyin ye idorenyin, uko, ye ukeme, adade ke ndinam mbuɔtidem nnyin okunyek.

Ami mekpep nte ke udɔŋ ndikpe emem ye Abasi ana asaŋa ye udɔŋ ndikabare esit. Ndikabare esit ye ndinyene mme edidiɔŋ eke Erisio-isop Jesus Christ ada aka ɔsɔŋɔ mbuɔtidem. Ɔsɔŋɔ mbuɔtidem ada aka udɔŋ ke ndikpe-emem ye Abasi kpukpru ini. Emi edi etop, mme ndausŋ, ndaha.

Nditɔ-eka irenowo ye iban, ami nkot mbufo nte ekpe emem ye Abasi otode ke Erisio-isop Jesus Christ. Ami ntie ntiense nte ke ndinam ye ndinim mme ediomi anam uyire nnyin ye Andiyaŋa ɔsɔŋ, ntre akpan ndikabare ndat mbaŋa nsobo. Ami ntie ntiense nte ke ukpe emem emi ye Abasi, otode ke Erisio-isop Jesus Christ, ada aka ɔsɔŋɔ mbuɔtidem.

Ami mmɔfiɔk ke Ete eke Heaven ama fi ye ami, ndien Enye ama ɔnɔ Edima Eyen Esie, Jesus Christ edi, man edi Andinyaŋa nnyin, Adifak, ye akamba Akpe emem. Ami ntiŋ ikɔ ntiense mbaŋa Jesus Christ ndien nam ntre ke enyiŋ Jesus Christ, amen.