Akwa Mboho
Mme Prophet Abasi
Akwa Mbono Ɔfiɔŋ Duop 2025
11:8

Mme Prophet Abasi

Otode Sister Andrea Muñoz Spannaus

Udiana Ɔnɔitem ke General Presidency eke Young Women

Ndi kop nyuŋ nnamuyo prophet edi akpanŋkpɔ ke ndimum ofuri ŋkpɔ eke ɔfɔnde ŋkama tutu Edifiak Ndi.

Ndima iwaad, nsutɔ ediye ikpehe mboho ke inyene ntem! Nnyin imokop ito mme odu-uwem Apostle Jesus Christ ita idahaemi. Nsutɔ akwa edidiɔŋ! Nnyin iyesuk ifiak ikop kiet efen, Elder Henry B. Eyring. Udia spirit ke aka-iso!

Ini nketiŋde ikɔ isua oko, ima ikpep ibaŋa nte ikemede ndisobo mme mfina ererimbot emi oto ifiɔk David ye Goliath. Emeti itiat ition oro? Mfin emi ami nyom ndibuana mbuk Akani Testament ŋkokotde ke idaha isua mbufo emi anamde mi nyom nditie nte ada-iso esie. Bible idɔhɔke nnyin enyiŋ esie, ndien iyekot enye nwan Shunem koro emi edi enyiŋ obio esie.

Nwan anamde uyo ɔnɔ prophet

Usen kiet, prophet Elisha akasaŋa ebe Shunem, ndien ikot ete ke ama “odu akwa ŋwan; ndien enye [ama okot] enye man edidia udia. Ndien ekedi ntre, nte enye asasaŋa ebe, enye awaha edi … man edidia udia.” Ami mmekere ke prophet Elisha ama enehede okop inemenit ye ikoot ndikidia udia ke ufɔk esie! Enye amakaka do ediwak ini usen ndien ke usen kiet ŋwan oro ama ɔdɔhɔ ebe esie, “Idahaemi, ami ŋkere ke enye emi edi edisana owo Abasi.”

Mma oro ete, “Idahaemi, ami mmekere.” Etie nte enye okokot Elisha edi ke ufɔk esie ke ini enye mikidiɔŋɔke ke enye edi prophet; enye ɔkɔbɔ ikɔ-ntiense esie oto Edisana Spirit ke enye ndikikpaŋ utɔŋ nnɔ se Elisha eketiŋde onyuŋ ekpepde. {Eti ke ndise ikeduhe ke ini oro! Ndien ama ɔsɔŋ ndidiɔŋɔ prophet ke iso kpɔt.}

Nwan ɔdiɔŋde ubet ɔnɔ prophet

Edi mbuk emi itreke do. Usen kiet mma oro ama ɔdɔhɔ ebe esie, “Yak nnyin inam ekpri ubet, … inyuŋ inim bed, ye okpokoro, ye ifum, ye utuenikaŋ, inɔ enye: ndien ama ekem, ke ini enye edide ɔtɔ nnyin, enye ediwaha oduk do.”

Eti ŋwan emi ama enyime ndidiɔŋ ubet kiet ke ufɔk esie man otodo prophet ama asaŋa edi obio oro, ekpenyene itie ndidu!

Mfin emi nnyin imikeme ndikpep akamba ŋkpɔ ito mbuk emi.

Jehovah ama ɔdɔhɔ nwan Shunem emi ke Elisha edi prophet Abasi, ndien enye ama anam ɔfɔn ke ndiberede ufɔk esie man ada enye esin.

Nnyin nko imekeme ndibɔ ikɔ-ntiense nnyin kabaŋa mme prophet Abasi mfin inyuŋ itat esit ye ekikere nnyin—ufɔk nnyin—inɔ etop oro Ete nnyin ke Heaven enyenede ɔnɔ nnyin ke mme ukperedem usen emi.

Ndima iwaad, mmɔdɔhɔ mbufo ebup idem mbufo mbume emi: “Nte ami mmenyene ikɔ-ntiense mi mbaŋa mme odu-uwem prophet Abasi?”

Yak itɔŋɔ ke ntɔŋɔ.

Nso idi prophet? Prophet edi owo emi Abasi okotde ada etiŋ ikɔ ke ibuot Abasi.. Mme prophet mmɔdo ke isɔŋ mfin emi, nte ekedude ke ini eset.

Mme prophet edi mme okut-nkukut ye mme andiyarare. Oro ɔwɔrɔ ke mmɔ ekeme ndikut se mbon efen mikemeke ndikut, enyuŋ ekeme nditiŋ mbaŋa nkpɔ-ntibe ini iso. Mmɔ ekeme nko ndibeŋe nnyin man ini afanikɔŋ. Mme prophet ebɔ ibet eriyarade eto Jehovah. Ufaŋ usukkiet ikɔ mbuɔtidem etiŋ abaŋa nka-iso eriyarade ke mme akpatre usen emi. Enye ete, “Nnyin imenim ke akpanikɔ kpukpru se Abasi ama akayarade, kpukpru se Enye ayarade idahaemi, inyuŋ inim ke Enye eyeyarade ediwak ikpɔ ye mme akpan nkpɔ abaŋade ubɔŋ Abasi.”

Elder Gary E. Stevenson ete, “Abasi akaiso ndiyarade ibet Esie ye uduak nnɔ mme prophet Esie mfin koro Enye oyom ndinɔ nnyin inemesit ke uwem emi ye ubɔŋ celestial ke uwem efen.”

Mme prophet nko esuan gospel enyuŋ edi nti mme andikpep ye isuŋ-utom Abasi enɔ kpukpru owo ke ererimbot.

Owo kiet-kiet ke Akpa Presidency ye Eboho mme Apostle Duopeba edi asiak-uduak, okut-ŋkukut ye Andiyarare. Ndinam utom nte esop ke idak ndausuŋ Abasi, mmɔ enyene unen ndidɔhɔ nnyuŋ ŋkabade ukpep-ŋkpɔ enyuŋ esiak usuŋ edinam enɔ Ufɔk-Abasi Esie. Mmɔ esitim ebɔŋ akam enyuŋ eneme mbubehe ufɔk-Abasi, koro ubiere mmɔ ana edi se kpukpru owo enyimede Ke usuŋ ntem, Abasi ɔdɔhɔ nnyin ette ke eyenam uduak Imɔ.

Mme prophet etiŋ ebaŋa Christ—edidu Esie, utom Esie, ye edisana uduot Esie.

Yak nnyin ikot mme ikɔ-ntIense eke mme prophet etode Ŋwed Mormon.

Abinadi ɔdɔhɔ ke:

“Abasi ke idemesie eyesuhɔre edi ke otu nditɔ owo, ndien eyefak ikɔt esie osio.

“Ndien koro enye oduŋde ke ikpɔk-idem eyekot enye Eyen Abasi.”

Samuel eke Lamanite ŋko etiŋ ette ke Jesus Christ edi “Eyen Abasi, Ete enyɔŋ ye isɔŋ, Andibot kpukpru mkpɔ ɔtɔŋɔde ke ntɔŋɔ.”

Prophet Moroni ete, “Ami mokut Jesus, … onyuŋ etiŋ ikɔ ye ami iso ye iso.”

Ke ini Christ ekekesede idut Nephi, kiet ke otu akpa ŋkpɔ enye akanamde ekedi ndikot mme Apostle duopeba. Ndien Enye ɔdɔhɔ otu owo, “Ɔfɔfɔn ɔnɔ mbufo edieke mbufo edi nɔde utɔŋ ke ikɔ owo duopeba eke Ami mmekde mi.”

Idahaemi, yak ntiŋ ekpri ikɔ nnɔ mme ete ye mbon ufɔkemana emi ekamade nditɔ-ŋwɔŋ. Abasi ke Idemesie ekekpep Adam ye Eve akpanikɔ abaŋade uduak erinyaŋa. Ndien Enye ɔdɔhɔ mmɔ ete, “Mmɔnɔ mbufo ewuhɔ, ndikpep mme ŋkpɔ emi ke mfɔn enɔ nditɔ mbufo.”

Ndikpep ke mfɔn ɔwɔrɔ nso? Edi ndikpep akpanikɔ gospel, ndinyene ikɔ-ntiense mmɔ ke idem fo, ye ndibuana ifiɔk oro ye nditɔ nnyin. Edi ndimenede mme ndaha ukpepŋkpɔ mbiba ke ufɔkiduŋ ye ke ufɔkŋwed. Edi ndidu uwem ntiene ifiɔk ye ikɔ-ntiense oro.

Ŋwed Mormon etiŋ abaŋa mkpri mbon-ekɔŋ 2060 nte “irenowo akpanikɔ ye nti-ibuot, koro ema ekpep mmɔ ndinim ibet Abasi nyuŋ nsaŋa nnen-nnen ke iso esie.” Mkparawa emi ema ekop item Helaman, emi, ke ini oro, ekedide etubom ekɔŋ ye prophet nko, mmɔ ema enyuŋ ediɔŋɔ ke eka mmɔ ema eyɔhɔ esit mmɔ ye akpanikɔ ye mbuɔtidem.

Mme ete, ke ererimbot emi ediwak uyo edude, ye akwa ekim, ke ndusuk , Abasi ke Idemesie eteme nnyin ndikama nditɔ nnyin ke uŋwana ye akpanikɔ. Enye ɔnɔ nnyin utom ndikpep nditɔ nnyin mme erinyaŋa akpanikɔ eke gospel. Nnyin ima itre ndinam oro, ererimbot idinamke.

Ndima mkpri ufan, ami mmenyene ikot nnɔ mbufo: Ke mme usen iso, mmokot mbufo nte etɔŋɔ edɔŋ, etat esit mbufo, enyuŋ ebɔŋ akam ke mbuɔtidem enɔ Ete ke Heaven, ebeŋe Enye ɔsɔŋɔ ɔnɔ mbufo ke prophet ye mme apostle Esie emi emekde edi uyo Esie ke isɔŋ mfin emi.

Ŋwan Shunem ekekpep nnyin ke imekeme ndinyene ikɔ-ntiense ito Edisana Spirit. Ami mmɔŋwɔŋɔ nnɔ mbufo nte ke nnyin ima idiɔŋɔ ke mmɔ edi mbon emi Abasi ekemekde, uwem nnyin eyemem kesioho mfina nnyin akade iso, nte nnyin idikopde uyo mmɔ ke akpanikɔ, mbuɔtidem ye idorenyin. Ndi kop nyuŋ nnam uyo prophet edi akpanŋkpɔ ke ndimum ofuri ŋkpɔ eke ɔfɔnde ŋkama tutu Edifiak Ndi Andinyaŋa nnyin.

Ibak ererimbot ke ɔkɔkɔri, edi Ufɔk Abasi Jesus Christ ye ubɔŋ Esie ke ɔsɔŋɔŋɔ akan akpa. Zion esine ediye ɔfɔŋidem esie, ndien ebekpo Christ ididuɔhɔ. Abasi oyom nnyin isɔŋɔ ke ikɔ-ntiense nnyin, iyɔhɔ ye mbuɔtidem, inyuŋ itua mkpɔfiɔk kpukpru usen. Andinyaŋa nnyin, Jesus Christ, enyene idorenyin ke nnyin owo kiet-kiet ke ndinam utom Esie.

Ini kiet Prophet Joseph Smith ɔkɔdɔhɔ ete, “Nditɔ-ete, nte nnyin idikaha iso ke ndinam akwa utom emi?” Nte ededi, sia etop mi enyenede mbufo, iwaad, akpan-akpan, nyema ndida ikɔ oro iwaad ke itie nditɔ-ete Emebeŋe-idem?

“[Iwaad], nte nnyin iyetre ndika iso ke utɔ akwa utom emi? Eka iso kufiak edem. Uko, [iwaad]; esuk eka-iso, koro eyekan! Eyak esit mbufo adara, ndien enehede enem-esit.”

Ami mmenem esit ke ndausuŋ ye saŋa-saŋa ukeme mme odu-uwem prophet. Ami nnɔ mbufo ata ikɔ-ntiense mi ke Abasi okokot mmɔ ndida ŋka iso, nsiak, nyuŋ nda obio-ubɔŋ Esie usuŋ ke isɔŋ mfin emi. Ndien ofuri ini oro eyesuk edi ntre. Edi Abasi edisuk imek mme isuŋutom Esie. Ke enyiŋ Jesus Christ, amen.

Mkpri ŋwed

  1. The Spanish translation of this phrase conveys the meaning “insistently invited.”

  2. 2 Kings 4:8.

  3. 2 Kings 4:9; emphasis added.

  4. 2 Kings 4:10.

  5. Se Amos 3:7.

  6. “Under the Lord’s direction, [the President of the Church] presides over the Church and is the only person on earth authorized to exercise all priesthood keys. … He has authority to receive revelation and declare the will of God for the whole Church” (General Handbook: Serving in The Church of Jesus Christ of Latter-day Saints, 5.1.1.1, Gospel Library).

  7. Se Doctrine ye Covenants 1:38.

  8. Gary E. Stevenson, “The Gospel of Jesus Christ: A Cheering Sound,” For the Strength of Youth, July 2025, 5.

  9. See Matthew 28:19–20; Doctrine and Covenants 21:1, 4–5; 107:35.

  10. “Each Apostle holds all the keys of the kingdom and exercises those keys under the direction of the President of the Church” (General Handbook, 5.1.1.1).

  11. See General Handbook, 5.1.1.1.

  12. See Doctrine and Covenants 107:27–31.

  13. “The Twelve Apostles are ‘special witnesses’ of the name of Jesus Christ. … They witness to all the world of His divinity and the reality of His Resurrection” (General Handbook, 5.1.1.1).

  14. Mosiah 15:1–2.

  15. Helaman 14:12.

  16. Ether 12:39.

  17. Speaking of the Book of Mormon, the Prophet Joseph Smith taught: “This book also tells us that our Savior made his appearance upon this continent after his resurrection, that he planted the gospel here in all its fulness, and richness, and power, and blessings; that they had apostles, prophets, pastors, teachers and evangelists; the same order, the same priesthood, the same ordinances, gifts, powers, and blessings, as were enjoyed on the Eastern Continent” (History, 1838–1856, volume C-1 [2 November 1838–31 July 1842], 1282, josephsmithpapers.org).

  18. 3 Nephi 12:1; emphasis added

  19. Moses 6:58; emphasis added.

  20. Se Doctrine and Covenants 58:25–28.

  21. “Ana nte nnyin ida ofuri ufaŋ ndibuana mme ukpepŋkpɔ Jesus Christ ye nditɔ. Mme ini ukpepŋkpɔ emi edi nsɔŋ-urua enyuŋ etim ekpri ekan mme odudu emi ebiɔŋɔde mmɔ. Ke kpukpru awa emi ebiatde ke ndisin ukpep-ŋkpɔ ke uwem eyen, anana ibat awa ubiɔŋɔ emi eyɔhɔde ye mme etop ye mme ndise edu ndifaŋa mme ndikaŋ mme akpanikɔ edinyaŋa oro.

    Usuk mbufo emekeme ndikere mme ekeme ndifɔn ndida nditɔ mbufo mkpere idem oto ke mbre, mme emekeme ndibup mme eyen emi ekeme nditɔŋɔ ndikere ke mme ukpep-ŋkpɔ ewak akaha. Instead, we should consider, ‘With so little time and so few opportunities, what words of doctrine can I share that will strengthen them against the inevitable challenges to their faith?’ Mme ikɔ emi mbufo ebuanade mfin ekeme ndidi se mmɔ akamade esaŋa, ndien mfin eyesɔp ebe” (Henry B. Eyring, “Simple Is the Doctrine of Jesus Christ,” Liahona, Nov. 2024, 97).

  22. Every youth is important! (see Alma 57:6, 20).

  23. Alma 36:21; emphasis added.

  24. Se Alma 56:44–48; 57:21.

  25. Se Doctrine ye Covenants 25:1

  26. We also have the example of Enos’s parents, who raised him “in the nurture and admonition of the Lord” (Enos 1:1) and taught him about “eternal life, and the joy of the saints” (Enos 1:3). Enos did know the character of God (see Enos 1:6, 15, 17).

  27. See Doctrine and Covenants 21:1–2, 4–6. “Edi se ɔyɔhɔ akpanikɔ mi: ke ini ererimbot edɔhɔde ete ke odudu, mme inyene, uwɔrɔ etop, ye inemesit obukidem ɔnɔ inemesit, mmɔ inɔhɔ! Mmɔ ikemeke ndinɔ! Se mmɔ edade edi edi ukpɔk ŋkpɔ emi adade ke nde ‘eridiɔŋ ye idaha inemesit eke [mmɔ] emi enimde ibet Abasi’ [Mosiah 2:41].

    “Akpanikɔ edi ete ke etim ɔsɔŋ ndiyom inemesit ke ebiet emi mbufo mikemeke edikut enye! Edi, ke ini mbufo ediande idem mbufo ye Jesus Christ enyuŋ enamde utom spirit emi eyomde man ekan ererimbot, Enye, ndien Enye ikpɔŋ, enyene odudu ndimenere mbufo mkpɔŋ odudu ererimbot.

    Idahaemi, didie ke ndikan ererimbot ɔdiɔŋ uwem nnyin? Ibɔrɔ isɔŋke: ndiduk ebuana ediomi ye Abasi adian nnyin ye Enye ke usuŋ emi anamde kpukpru ŋkpɔ abaŋade uwem edi mmem-mmem. Mbɔk yak se ntiŋde anwaŋa: Ami nkɔdɔhɔke nte ke ndinam mme ediomi ayanam uwem edi mmem mmem. Ke akpanikɔ, ebeŋe-idem enɔ enwan, koro andidiɔk iyomke mbufo ekut odudu Jesus Christ. But yoking yourself with the Savior means you have access to His strength and redeeming power” (Russell M. Nelson, “Overcome the World and Find Rest,” Liahona, Nov. 2022, 97).

  28. See Ether 8:26; Moroni 7:19–25.

  29. Se Isaiah 52:1.

  30. See Psalm 125:1; Isaiah 28:16.

  31. Doctrine and Covenants 128:22; emphasis added.

  32. See Doctrine and Covenants 1:30.

  33. Se Articles of Faith 1:5.