O Nweghị Onye Naanị Ya Na-anọ

Kemgbe afọ 50, a mụwo m omenaala, gụnyere omenaala ozi ọma. A malitere m site na fortune kuki.

Na San Francisco nke Chinatown, nri abali nke ezi na ụlọ Gong jiri fortune kuki na okwu amamiihe mechie na-ekwu dị ka “Njem nke otu puku maịlụ na-ebido nʻotu nzọmụkwụ.”

Dị ka dimkpa nta, e mere m fortune kuki. Na-eyi kọtin glov ọcha nʻaka, a fuchiri m ma fanye nʻụdị a chọrọ kuki ndị ahụ dị ọkụ si na oven.

Na-ịtụnaanya m, a mụtara m na fortune kuki niile esighị na mbụ bụrụ akụkụ omenaala ndị China. Na-iwepụta ndịiche dị na omenaala fortune kuki nke ndị China, ndị Amerịka, na ndị Europe, a chọrọ m fortune kuki nʻọtụtụ kọntinent—dị nnọọ ka a ga-asị otu mmadụ ga-esi eji ọtụtụ ebe dị iche iche iji wagharịa oke ọhịa na-agba ọkụ. Ụlọ oriri nke ndị China ndị nọ na San Francisco, Los Angeles, na New York na-ere fortune kuki, mana ọ bụghị ndị nke ahụ nọ na Beijing, London, ma ọ bụ Sydney. Naanị ndị Amerịka na-eme mmemme National Fortune Cookie Day. Naanị ịma ọkwa nʻikuku nke ndị China na-ere “Authentic American Fortune Cookies.”

Fortune kuki niile na-atọ ụtọ, ọmụmaatụ dị mfe. Mana otu ụdị ụkpụrụ ahụ nke ịtụnyere omenaala ana eme na ntọ dị iche iche nwere ike nyere anyị aka chọpụta ndịiche dị nʻomenaala ozi ọma. Ma ugbu a Onyenwe anyị na-emepe ohere ọhụụ niile iji mụọ omenaala ozi ọma dị ka nkọniilu nke Akwụkwọ nke Mọmọn na amụma ụkabụilu niile nke Agba Ọhụrụ bụ ndị emejuputara.

Ebe niile ndị mmadụ na-aga. Ndị United Nation na-arịpọt nde 281 nke ndị si mba ọzọ abata. Nke a ji nde 128 ndị mmadụ karịa na 1990, ma jiri okpurukpu atọ karịa na ntụpụta nke 1970. Ebe niile, ọtụtụ ndị atọghatara na-achọta Nzukọ nsọ Ahụ nke Jizọs Kraịst nke Ndị nsọ Ụbọchị ikpeazụ a. Sabbath niile, ndị otù na ndị enyi sitere na195 mba ọmụmụ na okeọchịchị na-agbakọta na ọgbakọ Nzukọ nsọ dị 31,916. Anyị na-asụ asụsụ dị 125.

Na nso nso a, na Albania, North Macedonia, Kosovo, Switzerland, na Germany, a hụtara m ndị otu ọhụrụ na-emejuputa nkọniilu nke osisi olive dị na Akwụkwọ nke Mọmọn. Niime Jekọb 5, Nna ukwu nke ubi vaịnị ahụ na ndị odibo Ya mere ka ma mgbọrọgwụ osisi olive ma alaka ya niile sie ike site na ikpokọta na ịnyakọta ọnụ ndị ahụ sitere nʻebe dị iche iche. Taa ụmụ Chineke na-agbakọ dị ka otu ndị niime Jizọs Kraịst; Onyenwe anyị na-enye otu ụzọ eke dị iribaama iji gbatịa uju ozi ọma Ya eweghachitere anyị na-ebi.

Ịkwado anyị maka alaeze nke eluigwe, Jizọs kọrọ ụkabụilu nke nnukwu nri anyasị na oriri agbam akwụkwọ. Na ụkabụilu ndị a, ndị a kpọrọ oriri mere mkpesa nke ihe mere ha ga-eji gaghị abịa. Nna ukwu ahụ nyere ụmụ odibo Ya ntuzi aka “ịbanye nʻokporo ama na mwịụzọ niile nke obodo ukwu ahụ ọsịsọ ọsịsọ” ma “ụzọ awara awara niile na mkpumkpu niile” iji “kpọbata na-ebe a” ndị ogbenye, ndị ahụ kpọnwụrụ, ndị nwere nkwarụ, na ndị isi. Ikwu site niime mmụọ, nke ahụ bụ onye ọbụla niime anyị.

Akwụkwọ nsọ na-amaọkwa:

“Aga akpọku mba niile” bịa “iri nri anyasị nʻụlọ nke Onyenwe anyị.”

“Kwadoo nụ ụzọ nke Onyenwe anyị, … ka alaeze ya nwee ike gaaniihu nʻelu ala ahụ, ka ndị bi nʻebe ahụ nwee ike nata ya, ma mee nkwado maka ụbọchị ndị na-abịa abịa.”

Taa ndị ahụ a kpọrọ oriri anyasị nke Onyenwe anyị si ebe niile na omenaala ọbụla bịa. Ndị okenye na ndị nta, ndị ọgaranya na ndị ogbenye, ndị si niime obodo na gburugburu ụwa, anyị na-eme ọgbakọ Nzukọ nsọ anyị niile adị ka ime obodo anyị niile.

Dị ka onyeisi Ozi, Pita hụrụ ka eluigwe kpughere otu ọhụ banyere “otu nnukwu akwa mkpuchi a kpara na-akụkụ anọ, … niime nke e nwere ụdị anụ ọhịa niile … dị iche iche.” Pita kuziri: “Na-eziokwu a hụtara m na Chineke anaghị akpa oke. … Na mba ọbụla onye nke na-atụ egwu [Onyenwe anyị], ma na-arụ ọrụ ezi omume, ka anabatara nʻebe ọ nọ.”

Na ụkabụilu nke ezigbo onye, Jizọs na-akpọku anyị ịbịakwute onye na ibe ya na Ya niime ụlọ oriri Ya—Nzukọ nsọ Ya. Ọ na-akpọku anyị ịbụ ezi ndị agbata obi. Ezigbo Onye Samerịa kwere nkwa ịlọghachi ma kwụghachi ụgwọ nlekọta nke ndị ahụ nọ nʻụlọ oriri Ya. Ibi ndụ ozi ọma nke Jizọs Kraịst gụnyere ịchọta na inye ohere maka ndị niile nọ na Nzukọ nsọ Ya eweghachitere.

Mmụọ nke “inwe ohere niime ụlọ oriri ahụ” gụnyere “o nweghị onye na-anọ naanị ya.” Mgbe ịbịara na nzukọ nsọ, ọ bụrụ na ịhụ onye naanị ya nọ, biko ị ga-asị kedụ ma soro ya bụ nwoke ma ọ bụ nwanyị nọrọ ọdụ? Nke a nwere ike hapụ ịbụ omenaala gị. Onye ahụ nwere ike yie ma ọ bụ kwuo okwu nʻụzọ dị iche iche karịa gị. Ma na-ezie, dị ka fortune kuki nwere ike kwuo, “Njem nke ime enyi ozi ọma na ịhụnaanya na-ebido site na kedụ nke mbụ na o nweghị onye naanị ya na-anọ.”

“O nweghị onye naanị ya na-anọ” pụtakwara na ọ nweghị onye naanị ya na-anọ ma na nke echiche ma ọ bụ nke ime mmụọ. E soro m nna onye obi tiwara etiwa ije leta nwa ya nwoke. Ọtụtụ afọ gara aga, nwa ya nwoke nwere obi ụtọ ịghọ onye dikọn ọhụrụ. Oge ahụ gụnyere ezi na ụlọ ya ịzụtara ya akpụkpọ ụkwụ ọhụrụ nke mbụ ya.

Mana na nzukọ nsọ, ndị dikọn chịrị ya ọchị. Akpụkpọ ụkwụ ya dịịrị ọhụrụ, mana ọ naghị ewu ewu. Na mgbagwoju anya nakwa na mwute, nwata dikọn ahụ sịrị na ya agaghịkwa aga nzukọ nsọ ọzọ. Obi m ka tiwakwara etiwa maka ya na ezi na ụlọ ya.

Nʻụzọ uzuzu uzuzu nke Jeriko, onye ọbụla niime anyị abụrụwo onye a chịrị ọchị, emere ihe ihere ma mejọọ, ikekwe kwaa emu ma ọ bụ kpọrịa. Ma site nʻogo nzube dị iche iche, onye ọbụla niime anyị eledawokwa anya, na-ahụghị ma ọ bụ anụghị, ikekwe kpachara anya mejọọ ndị ọzọ. Ọ bụ kpọmkwem niihi na emejọwo anyị ma mejọọ ndị ọzọ ka Jizọs Kraịst ji kpọta anyị nʻụlọ oriri Ya. Niime Nzukọ nsọ Ya ma site na emume nsọ na ọgbụgba ndụ Ya niile, anyị na-abịakwute onye na ibe ya ma bịakwutekwa Jizọs Kraịst. Anyị na-ahụ mmadụ naanya ma ha na-ahụ anyị naanya, na-eje ozi ma ana ejere anyị ozi, na-agbaghara ma ana agbaghara anyị. Biko cheta, “ụwa enweghị mwute nke eluigwe na-enweghị ike ịgwọ”; ibu arụ niile nke ụwa na-adị mfe—ọn̄ụ nke Onye Nzọpụta anyị dị ire.

Niime 1 Nephi 19, anyị na-agụ: “Ọbụna ezi Chineke nke Israel ahụ ka [ha] na-azọgide n’okpuru ụkwụ ha; … ha na-eji ya eme ihe efu. … Ya mere ha ga-apịa ya ụtarị, ma ọ ga-ekwe ka ọ dị otu a, ma ha ga-eti ya oke ihe otiti, ma ọ ga-ekwe ka ọ dị otu a. Ee, ha bụrụ ya asụ, ma o kwere ka ọ dị otu a.”

Enyi m ọkammụta Terry Warner sịrị na ikpe ikpe ahụ, ịpịa ihe ọpịpịa, iti oke ihe otiti, na ịbụ asụ abụghị ihe ndị na-eme na mgbe na mgbe nke mere naanị nʻoge ndụ anụ ahụ nke Kraịst. Ka anyị si emeso onye na ibe ya omume—nke ka nke ndị agụụ na-agụ, ndị akpịrị na-akpọ nkụ, ndị a hapụrụ naanị ha—bụ ka anyị si emeso Ya omume.

Na Nzukọ nsọ Ya eweghachitere, ọ kaara anyị niile mma mgbe na o nweghị onye na-anọ naanị ya. Ka anyị hapụ nnọọ ịnabata ma ọ bụ ikwe ka o mee. Ka anyị na-eziokwu na-anabata, ekwere, enye nlekọta, na-ahụ naanya. Ka enyi ọbụla, nwanne nwanyị ọbụla, nwanne nwoke ọbụla hapụ ịbụ onye mba ọzọ ma ọ bụ onye ọbịa mana nwata nọ nʻebe obibi.

Taa ọtụtụ na-enwe owu ọmụma ma akpafu iche. Soshal midia na artificial intelligence nwere ike na-ahapụ anyị ị na-enwe agụụ mmadụ ịnọ nso nakwa mmadụ iru aka. Anyị chọrọ ị na-anụ olu onye na ibe ya. Anyị chọrọ nsonye nke bụ eziokwu ma na-enye obi ọma.

E nwere ọtụtụ ihe mere anyị nwere ike iji eche na anyị adabaghị nke ọma na nzukọ nsọ—nke mere na, nʻikwu ya nʻụzọ nka, anyị nọ naanị anyị. Anyị nwere ike nwee nchekasị gbasara ụda olu, uwe, ọnọdụ ezi na ụlọ anyị. Ikekwe anyị na-eche na anyị etorughị etoru; na-eshi anwụrụ ọkụ anwụrụ ọkụ; enwe oke agụụ maka ịdị ọcha mmekọrịta; anyị na otu enyi agbasawo na enwe mwute na ihere; na-enwe nchekasị gbasara nke a ma ọ bụ usoro iwu Nzukọ nsọ. Anyị nwere ike nọrọ na-emebeghị ọlụlụ, agbawo alụkwaghịm, onye di ma ọbụ nwunye ya nwụrụ. Ụmụ anyị na-eme mkpọtụ; anyị enweghị ụmụ. Anyị ejeghị mishọn ma ọ bụ lọtara nʻebe obibi ngwa ngwa. Ndepụta ahụ na-aganiihu.

Mozaya 18:21 na-akpọku anyị ijikọta obi anyị ọnụ nʻịhụnaanya. Ana m akpọku anyị ka ahapụ ịdị na-echegbu onwe anyị, hapụ ịna ekpe ikpe, na-ahapụ ịchọ oke ihe nʻaka ndị ọzọ—ma, mgbe ọ dị mkpa, hapụ ị na-ama onwe anyị ikpe. Anyị anaghị eke Zayọn nʻotu ụbọchị. Mana “kedụ” ọbụla, ezigbo ekele ọbụla, na-eweta Zayọn nso nso. Ka anyị tụkwasị Onyenwe anyị obi karịa ma jiri ọn̄ụ họrọ irube isi nye iwu nsọ Ya niile.

Nʻụzọ ozizi, niime otù ezi na ụlọ nke okwukwe na ime enyi nke Ndị nsọ, o nweghị onye na-anọ naanị ya niihi isonye nʻọgbụgba ndụ niime Jizọs Kraist.

Dị ka Onye amụma Josef Smith kuziri: “Ọ dịịrị anyị ịhụ, isonye mee ihe ma nye aka ka ebube Ụbọchị ikpeazụ a gaaniihu, ʻọgbọ nke ozuzu oge niile … ,’ mgbe aga ekpokọta Ndị nsọ nke Chineke nʻotu site na mba niile, na ala ụmunna niile, na ndị mmadụ.”

Chineke anaghị eme ihe ọbụla ma ọ bụghị ma ọ ga-abara ụwa uru; … ka o wee kpọta ndị nwoke niile [na ndị nwanyị] niile n’ebe ọ nọ. …

“… Ọ na-akpọku ha niile ka ha bịakwute ya ma keta oke ịdị mma ya; … ma mmadụ niile yiri otu nʻebe Chineke nọ.”

Ntọgharị niime Jizọs Kraịst chọrọ anyị iwezuga mmadụ eke na omenaala nke ndị ụwa. Dị ka Onyeisi Dallin H. Oaks kuziri, anyị ga-ahapụ ọdịnaala ọbụla na omume ọdịnaala ọbụla nke megidere iwu nsọ niile nke Chineke ma ghọọ Ndị nsọ Ụbọchi ikpeazụ a. Ọ kọwara, “Enwere omenaala ozi ọma pụrụ iche, usoro ihe ndị dị mmasị ma ihe ndị a tụrụanya ha na omume niile doro ndị otu niile [ahụ] nke Nzukọ nsọ Ahụ nke Jizọs Kraịst nke Ndị nsọ Ụbọchị ikpeazu a anya.” Omenaala ozi ọma gụnyere ịdị ọcha mmekọrịta, ịdị na-aga ọgbakọ kwa izu ụka, iwezuga onwe na-ịn̄ụ mmanya na-egbu egbu, anwụrụ, tii, na kọfị. Ọ gụnyere ịkwụwa aka ọtọ na inwe ugwu; ịghọta na anyị na-aganiihu, ọ bụghị ịgbago elu ma ọ bụ ịgbada ala, nʻọkwa niile na Nzukọ nsọ.

Ana m amụta ihe site nʻaka ndị otu na ndị enyi kwesịrị ntụkwasị obi niime mba niile na omenaala niile. Akwụkwọ nsọ a mụrụ nʻọtụtụ asụsụ na uche ime nke omenaala na-eme ka nghọta ozi ọma mikpuo ime. Ngosipụta dị iche iche nke njirimara dị ka Kraịst na-eme ka ịhụnaanya na nghọta m gbasara Onye Nzọpụta m mikpuo ime. Mmadụ niile na-enwe ngọzi mgbe anyị kọwara njirimara nke omenaala anyị, dị ka Onyeisi Russell M. Nelson kuziri, dị ka nwa Chineke, nwa nke ọgbụgba ndụ, onye na-eso ụzọ nke Jizọs Kraịst.

Udo nke Jizọs Kraịst ka e mere maka anyị nʻonwe anyị. Na nso nso a, otu nwata nwoke jụrụ nʻezie, “Okenye Gong, m ka nwekwara ike ịga eluigwe?” O chere ma enwere ike ịgbaghara ya ma ọlị. A jụrụ m aha ya, n̄aa ntị nke ọma, kpọkuo ya ịga hụ bishọp ya ka ha kparịta ụka, daa ya obi nke ọma. Ọ pụwara na nnukwu olileanya niime Jizọs Kraist.

A kpọrọ m aha nwata nwoke ahụ na ntọ ọzọ. Emesịa, anatara m akwụkwọ ozi na-abịanyeghị aka nke malitere, “Okenye Gong, mụ na nwunye m azụlitewo ụmụ iteghite … ma jewo mishọn ugboro abụọ.” Mana “Ana m eche mgbe niile na-agaghị anabata m na alaeze seletịal … niihi na mmehie m niile mgbe m nọ nʻokoroọbịa jọgburu onwe ya!”

Akwụkwọ ozi ahụ garaniihu, “Okenye Gong, mgbe i kwuru okwu gbasara nwata nwoke ahụ inweta olileanya nke mgbaghara, ejuputara m nʻọn̄ụ, malite ịmata na ikekwe [e nwere ike ịgbaghara] m.” Akwụkwọ ozi ahụ mechiri, “Obụna onwe m na-amasị m ugbu a!”

Ịnọ na ọgbụgba ndụ na-emikpu mgbe anyị na-abịakwute Onyenwe anyị na onye na ibe ya nʻụlọ oriri Ya. Onyenwe anyị na-agọzi anyị niile mgbe ana enweghị onye naanị ya na-anọ. Ma onye maara? Ikekwe onye ahụ anyị na-anọkete nso nwere ike ghọọ enyi fortune kuki anyị kachasị mma. Ka anyị nʻumeala chọta ma nye ohere maka Ya na onye ọbụla na nri anyasị nke Nwa atụrụ, a rịọ m nʻezie nʻaha dị nsọ nke Jizọs Kraịst, amen.