Tụgharịa Obi Gị Nʻebe Kraist Nọ: Onyinye Dị nsọ nke Egwu Ndị Praịmarị

Ukwe ndị Praịmarị nwekwara ike ịbụ ngwà ndị eji akuzi ozizi. Ụfọdụ ukwe na-akọ akụkọ ndị gbasara ndụ na ije ozi nke Onye Nzọpụta. Ndị ọzọ na-akuzi maka njirimara Ya, ụdị dị ka Okwukwe Ya, olileanya Ya, na afọ ọma Ya. Ma ukwe ndị kachasị nsọ na-agba ama maka Aja mgbaghara mmehie Ya na-enweghị nsọtụ na ịhụnaanya na-esi na ihe omume nke nzọpụta ahụ apụta.

Onye amụma nke Onyenwe anyị, Onyeisi Russell M. Nelson, akuziwo na: [Egwu] nwere ike tinye nʻọrụ mmetụta na-aganiihu maka ọdịmma gafee nke ukwuu oge niile mgbe ụmụntakịrị dị nta. … [O] nwere [ike] nke iweta ọzụzụ nke ime mmụọ. O nwere ike ọgwụgwọ. O nwere ike [ahụ] iji kpalite ofufe; ọ na enye anyị ohere ịtụgharị uche na Aja mgbaghara mmehie [nke Onye Nzọpụta] na Mweghachite nke ozi ọma ya na ụkpụrụ niile nke nzọpụta na emume nsọ mbuli elu niile ya. Egwu na-eweta ike maka anyị ikwuputa ekpere ndị echebara echiche ma gbaa ama banyere eziokwu niile dị nsọ.”

Dị ka nne na nna, ndị ndu, na ndị nkuzi, mbọ anyị gunyere inyere ụmụntakịrị aka nweta nkwa ndị a ekwere na nkwà na echiche eziokwu niile nke ozi ọma ahụtara na egwu ahụ. Onyeisi Nelson kuzikwara na “ụmụntakịrị nwere ike mụta ozizi ahụ mgbe ha na-amụ ikwe ukwe dịkwa ka ha nwere ike mụta ozizi ahụ niime klaasị.” Egwu ndị a nwere ike weta ebe nchekwa nke okwuchukwu juputara nʻokwukwe nke na-echewe ihu ụmụntakịrị nʻebe Onye Nzọpụta nọ ma nyere ha aka wulite nnukwu ịhụnaanya nye ozi ọma Ya.

Akwụkwọ nsọ na-akuzi na “abụ nke ndị ezi omume nke si nʻobi abịa bụ mmasị nye Onye Nzọpụta. E nwere m ike iche naanị mmasị nke olu ndị na-eso ụzọ nke Onye Nzọpụta kachasị nta na-eweta. Ama m na abụ nke ekpere ha na-eru eluigwe dị ka ngosipụta nke okwukwe na-akpọbata Mmụọ Nsọ ime ka amata eziokwu dị ebighị ebi niile ma jiri nwayọ na obi dị nro kpọkuo ndị ọzọ ịnabata oku nke Onye Nzọpụta anyị isoro Ya ma lọta nʻebe obibi. Dị ka Okenye Henry B. Eyring si chetarala anyị, ọ bụ nʻoge ndị ahụ nke inwe mmetụta Mmụọ ahụ ka anyị na-enwe aka ebe banyere Aja mgbaghara mmehie nke Onye Nzọpụta na-arụ ọrụ niime ndụ anyị.

Abụ ndị Praịmarị nwere ike ịbụ ọrụ ebube ebu na-aga ogologo ndụ akụkụ ihe dị okirikiri nke ịbụ onye na-eso ụzọ nke ụmụ anyị ga-aga. Abụ a mụrụ nʻogo afọ isii nwere ike ịnọgide niime anyị—ma nwere ike ịlọghachi ka ọtụtụ iri afọ gasịrị nʻoge niile nke mkpebi, ọnwụnwa, iru uju, ma ọ bụ ọn̄ụ. Ikekwe nʻafọ anyị ndị nke na-esote, abụune nke “Aga M Eso Atụmatụ nke Chineke” nwere ike rụọ ọrụ dị ka alịrịka nke ime mmụọ nke nwere ike in̄omi nke ọma aka ebe nke Pọl Onyeozi banyere ịbụ eziokwu nke nkwà Chineke niile nye anyị. Ma ọ bụ ha nwere ike chetara anyị na niihi Chineke na-edobe nkwà Ya niile, ọgbụgba ndụ Ya niile na-enye nkasi obi siri ike na ebe mgbaba ma na-akpọku anyị itinyesi ike olileanya anyị na mmasi obi ike na Jizọs Kraịst na niime ike aja mgbara Ya.

Ndị otù ndị dimkpa nʻofe ụwa gburugburu, nʻoge ihe isi ike, ọtụtụ mgbe na-echeta ma tinye uche na-abụ ndị Praịmarị niile ha mụrụ dị ka ụmụntakịrị. Nʻebe ọtụtụ ndị nọ, abụ ndị a kwadoro akịtechọ isi mbido nke okwukwe ha niime Jizọs Kraịst ma ọtụtụ mgbe bụ ebe mbụ ebe ntọghata nye ozi ọma Ya malitere. Ndị nne na nna, ndị ndu, na ndị nkuzi zụrụ okwukwe ahụ niime afọ niile site na nkuzi, ikwe ukwe, na ịgba ama nye ụmụntakịrị na mkpachapụ anya.

Otu nwanne nwanyị gwara m na egwu ndị Praịmarị na-atọ ya ụtọ, ma ka afọ 20 gasịrị o nyere ya ọnọdụ site na ntọghata ya garaniihu ọkụ ọkụ nye ozi ọma nke Jizọs Kraịst. Onye otu ọzọ gbara ama na Praịmarị kụnyere mọstad seed nke okwukwe mgbe ọ bụụrụ nwata nwoke ma bụụrụ ihe kpatara o ji nwee ike ịlọghachite na Nzukọ nsọ nke Onyenwe anyị nʻoge ogo afọ 30 ya. Onye Nzọpụta kwere nkwa na, “Onye nkasi obi … ga-akuziri gị ihe niile, ma wete ihe niile na ncheta gị.” Abụ ndị Praịmarị nwere ike bụrụ otu ụzọ nke esi mezuo nkwà ahụ.

Otu abụ ndị Praịmarị ọzọ dị ịhụnaanya nwetere ike nke okwukwe dị mfe na ama na-adịgide:

Dị ka ụmụntakịrị na-ekwe ukwe, ha na-egosipụta ọchịchọ nke onye na-eso ụzọ na ịmụ nsoro nke ibi ndụ ọgbụgba ndụ. Mmụọ ahụ nwere ike iji abụ kanye eziokwu niile dị ebighị ebi niime obi ha dị nro. Ma ka oge na-aga, ụmụntakịrị nwere ike họrọ ịhazi ma tụgharịa obi ha na ndụ ha nʻebe Jizọs Kraịst nọ site na ime na idobe ọgbụgba ndụ niile dị nsọ ha na Ya.

Abụ dị nsọ nwere ike inye aka dee ozizi nke Kraịst niime mkpụrụ obi ma kwadoo anyị ịnata emume nsọ Ya niile. Ọ na-ejikọ ozizi nke Onye Nzọpụta nʻuche anyị ma uche nye ịbụ onye na-eso ụzọ nye Ya.

Dị ka ndị ndu ndị Praịmarị, anyị nwere ohere na oke na ọrụ dị nsọ iji hụ na egwu niime Praịmarị bụ ihe akuziri nʻọn̄ụ, jiri nghọta nke ozizi, ma jiri Mmụọ ahụ. Nke a gụnyere ịkpọbata ụmụntakịrị ịhụta ihe ha chere dị ka ha na-ekwe ukwe ma na-enyere ha aka ịmata na mmetụta ndị ahụ na-abịa site na Mmụọ Nsọ. Mbọ ndị a na-enye aka akwado ụmụ anyị maka emume nsọ niile dị nsọ, ụdị dị ka baptizim na ime onye otu, tinyekwara uche ọgbụgba ndụ ha na-akpakemmụọ dị ka ha na-emegharị ọhụrụ esepụghị aka nkwa ha niile nye Chineke.

NʻOriri Anyasị Ikpeazụ, mgbe Onye Nzọpụta hiwechara oriri nsọ, Matiu dedatara na “mgbe ha bụsịworo otu abụ, ha pụrụ banye nʻugwu Olives.” Izu ụka ọbụla, ndị otu e mere baptizim ma mee ndị ọtu ndị otu nke Nzukọ nsọ nke Onyenwe anyị eweghachitere, gụnyere ụmụntakịrị e mere baptizim gbara afọ asatọ, na-akwado iri oriri nsọ nke Onyenwe anyị. Site nʻịbụ abụ dị nsọ, ndị ọgbakọ nke ụmụ Chineke ka ana enye ohere ịkwado obi ha maka emume nsọ ahụ dị nsọ iwekwasị onwe ha aha Ya, icheta Ya mgbe niile, na idobe iwu nsọ Ya niile.

Ezi ndị enyi, ana m agba ama na Ukwe ndị Praịmarị na-akuzi eziokwu na ozizi ndị dị ebighị ebi nke na-eduba anyị na Jizọs Kraịst na ozi ọma Ya. Ana m akpọku unu itule olee eziokwu ntọala niile a na-edewo niime obi unu site na nkuzi niile dị mfe banyere ukwe ndị a na ịgba ama banyere eziokwu ndị ahụ nye ndị na-eso ụzọ kachasị nta nke Onye Nzọpụta dị ka ị na-akuziri ha ozi dị mma banyere ozi ọma site nʻukwe.

A maara m na Chineke Nna anyị, nʻịhụnaanya Ya na-enweghị nsọtụ, zitere Ọkpara Ya Ọ hụrụ naanya nʻụwa ikuziri anyị ihe, igosị anyị ụzọ ahụ, na ịgbapụta anyị site na Aja mgbaghara mmehie Ya.

A maara m na ndụ na ozi nke Onye Nzọpụta bụ eziokwu na nke onwe onye. Akwụkwọ nsọ jupụtara na ọtụtụ akụkọ banyere ọgwụgwọ Ya, obi ọma Ya, na ọrụ ebube niile Ya.

A maara m na Nna nke Eluigwe na-anụ ma na-aza ekpere niile nke ụmụ Ya si nʻobi, na-agbanyeghị afọ ole ha gbara, ọnọdụ ha nọ niime ya, ma ọ bụ asụsụ. Ọ na an̄a ntị nʻekpere ndị si anyị nʻobi dị jụụ.

Ana m agba ama na Getsemani, Jizọs Kraịst buru ibu nke mmehie anyị niile, mwute anyị niile, na ihe mgbu anyị niile. Ọ tara ahụhụ jiri obi Ya niile niihi ịhụnaanya Ya maka anyị ma mee ka okwe omume anyị ịbụ ndị aga agbaghara ma ịlọghachi nʻebe obibi.

A maara m na anyị bụ ụmụ nke Chineke mụrụ, e kere nʻoyiyi Ya, nwere onyinye juru nʻike ime ihe sinachi, na akpọkuru ịlọta ibinyere Ya ma ọ bụrụ na anyị ahọrọ isoro Jizọs Kraịst.

A maara m na Jizọs Kraịst bụ onye ọmụmaatụ anyị zuru oke, ma dị ka anyị na-esoro Ya site na ije ozi, ịdị na agbaghara, na ịdị na ahụ ndị ọzọ naanya, anyị na-abịa adị ka Ya karịa si nʻụbọchị ruo nʻụbọchị.

Ma a maara m na temple nsọ niile nke Onyenwe anyị bụcha ụlọ Ya ebe a nʻelu ụwa. Niime ha, anyị na-eme ọgbụgba ndụ niile dị nsọ, nata ngọzi niile dị ebighị ebi, ma mụtakwuo ihe banyere Ya ma nwekwuo mmetụta nke ịnọ nso Ya. Tempụl bụ ebe ọmụmụ ihe, udo na ime nkwadobe maka ndụ anyị.

Ana m agba ama na mbọ niile anyị na-agba iji kuzie ihe ma kwee ukwe nke ndị Praịmarị ndị a nye ụmụ anyị abụghị naanị nnọọ akụkụ omenaala okpukperechi anyị dị mma. Ha bụ okwuchukwu maka ndị na-eso ụzọ nke Jizọs Kraịst, ama niile nye ịbụ eziokwu nke ozi ọma ahụ eweghachitere, na ekpere niile ehiwere nye egwu. Abụ dị nsọ nwere ike inye aka mụkee Ihe nke Kraịst nʻonye na-anụ anụ ma nwere ike wụba ya niime obi nke onye na-ekwe ukwe. Ezi ndị enyi, Jizọs nọkwa na-achọ anyị ịbụ uhiri. Ana m agba ama site otu a n’aha dị nsọ nke Jizọs Kraịst, amen.