Abo Ta e Kristu

Promé, kere den Hesu-Kristu

Despues di e predikashi tokante e Pan di Bida, “hopi di [Señor Su] disipelnan” a haña difikultat pa akseptá Su siñansanan i doktrina, i nan “a bira bèk i no a sigui kana huntu kun’É mas.” E ora ei Hesus a bai bèk na e Diesdosnan i hasi un pregunta doloroso: “Boso tambe lo bai?”

Pedro a kontestá:

“Señor, serka ken nos tin ku bai?? Abo tin e palabranan di bida eterno.

“… Nos ta kere i ta sigur ku Abo ta e Kristu, e Yu di e Dios bibu.”

Manera Pedro a demostrá, kreensia ta “pa por tin fe den un hende òf aseptá algu komo bèrdat.” I pa nos fe kondusí na salbashon, e mester ta sentrá den Señor Hesu-Kristu. “Nos … ta ehersé fe den [Hesus] Kristu ora ku nos tin un siguransa ku E ta eksistí, [un entendimentu] di Su karakter [i naturalesa] berdadero, i un konosementu ku nos ta luchando pa biba di akuerdo ku Su boluntat.”

Nos kerido profeta, Presidente Russell M. Nelson, a deklará, “Fe den Hesu-Kristu ta e fundeshi di tur kreensia i e kanal di poder divino.”

Kon nos por yuda muchanan fortalesé nan kreensia den Hesu-Kristu i tin akseso na Su poder divino? Nos no mester wak mas aleu ku ta na nos Salbador Mes.

“[Señor] a papia na e hendenan, bisando:

“Mira, Ami ta Hesu-Kristu, …

“Lanta i bini. …

“… E multitut a bai dilanti, i a pone nan mannan den su kustia, i a sinti e markanan di e klabunan den su mannan i den su pianan; i esaki nan a hasi, bayendo unu pa unu … i a wak ku nan wowonan i a sinti ku nan mannan, i a sa ku siguransa i a duna testimonio, ku tabata E.”

Mi ta invitá boso pa reflekshoná kon esaki por parse den e bida di muchanan chikí. Nan ta skucha testimonionan di Hesu-Kristu i Su evangelio? Nan ta wak imágennan ku reverensia di adorashon di Su ministerio i Deidat? Nan ta sinti i rekonosé e Spiritu Santu testifikando di Su realidat i divinidat? Nan sa di Su mensahe i mishon?

Di dos, pertenesé na Hesu-Kristu i Su Iglesia.

Rei Benjamin su pueblo a eksperensiá un kambio di kurason poderoso i pa medio di kombenio a dediká nan bida pa hasi Dios Su boluntat. Pa motibu di e kombenio ku nan a hasi ku Dios i Hesu-Kristu, nan a wòrdu “yamá e yunan di Kristu, su yunan hòmber, i su yunan muhé.” Komo miembronan di E Iglesia di Hesu-Kristu di e Santunan di e Delaster Dianan, nos tin un responsabilidat di kombenio pa konstruí Su reino i prepará pa Su regreso.

Kon nos por yuda muchanan hasi i warda kombenionnan sagrado? Den e manual di Bini, Siguí Mi den apèndiks A i B, nos ta haña temanan di kombersashon i lèsnan ku lo duna poder na famianan i sostené maestronan i lidernan den nan mayordomia sagrado pa prepará muchanan pa henter un bida riba Dios Su kaminda di kombenio.

Tres, bira manera Hesu-Kristu.

Den e Buki di Mormon, E Salbador a supliká Su disipelnan resien yamá pa imit’é mas mihó ku ta posibel “Ki tipo di hòmbernan boso mester ta? Di bèrdat mi ta bisa na boso, asta manera Ami ta.”

Kon nos por yuda muchanan ku a batisá i konfirmá kumpli nan responsabilidatnan di kombenio pa reuní nan mes i otronan na Hesu-Kristu? Ta disipel pa hinter bida ta rekerí nos pa “pone … e palabra den práktika, i no djis skucha.”

Ora ku ta duna invitashon na Señor Su disipelnan mas yòn, por fabor tuma kada oportunidat pa dirigí nan, guia nan, kana banda di nan, i yuda nan haña e Kaminda. Deliberá ku e chikitinnan presioso aki segun nan ta prepará pa siña, testifiká, hasi orashon, òf sirbi pa asina nan ta sigur i eksperensiá goso den kumplimentu di nan responsabilidatnan. Buska maneranan inspirá pa yuda nan yega na sa ku esaki ta nan Iglesia i ku nan tin un ròl vital den preparashon pa e Salbador Su regreso.

Segun Hesu-Kristu ta bira e enfoke di nos bida, loke nos ta deseá, i kon nos ta dese‘é, ta kambia pa semper. Kombershon ta kambia tur kos! E ta kambia nos naturalesa “ku nos no tin disposishon mas pa hasi maldat, pero pa hasi bon kontinuamente.” E ta kambia e manera kon nos ta usa nos tempu; kiko nos ta lesa, mira, skucha, i kompartí. E ta asta kambia e manera kon nos ta respond’é den un entrevista akadémiko distinguí ku nos karera na liña.

Nos mester inyektá e Lus di Hesu-Kristu den kada huki di nos bida. Si nos no ta testifikando di e bèrdat di Su divinidat premortal, Su mishon divino, i Su Resurekshon ku ta laga e prizòn rementá den nos hogarnan i den kada reunion di e Iglesia aki, e ora ei nos mensahenan di amor, servisio, honestidat, humildat, gratitut, i kompashon por bira nada mas ku un charla di motivashon ku alegria tokante bibamentu konsiente. Sin Hesu-Kristu no tin poder pa kambia, niun propósito pa aspirá na dje, i niun rekonsiliashon di e tribulashonnan di bida. Si nos bira kasual den nos disípulado di Hesu-Kristu, e por ta katastrófiko pa nos yunan.

Ora nos ta bisa nos yunan ku nos stima nan, nos ta bisa nan tambe ku nan Tata den Shelu i e Salbador Hesu-Kristu ta stima nan? Nos amor por duna konsuelo i inspirá, pero Nan amor por santifiká, eksaltá, i sana

E Hesus aki no mester ta un Hesus fiktisio, òf un Hesus simpel, òf un Hesus sin kurpa, òf un Hesus kasual, òf un Hesus deskonosí, pero unu glorifiká, omnipotente, resusitá, eksaltá, pa wòrdu adorá, poderoso, Uniko Yu di Dios, ku ta poderoso pa salba. I manera un mucha chikí na Filipina ku konvikshon a testifiká na mi un dia. “Ta bale la pena salba nos!” Den e sagrado i santu nòmber di djE “ku Dios a pone pa ta [e gran] ekspiadó,” Hesu-Krsitu, amèn.