რწმენა: ნდობისა და ერთგულების კავშირი

რას ნიშნავს, გქონდეს რწმენა ქრისტეში? ნიშნავს ეს, რომ ჩვენ გვჯერა უფლის ან გვაქვს დამოწმება, რომ იგი ნამდვილია? შესაძლოა ეს იყოს დასაწყისი, მაგრამ ეს უფრო მეტს ნიშნავს. გიფიქრიათ რწმენაზე, როგორც ნდობაზე? დაფიქრდით იმ ადამიანზე, ვისაც ყველაზე მეტად ენდობით - შესაძლოა, ეს იყოს თქვენი ოჯახის წევრი ან მეგობარი. რატომ ენდობით მას? ალბათ იმიტომ, რომ თქვენ განგიცდიათ მათგან მუდმივი სიყვარული და დახმარება.

როდესაც გვაქვს რწმენა იესო ქრისტეში, ჩვენ მის კურთხევებს ვცნობთ და ვაღრმავებთ მასთან ურთიერთობას უფლის მიმართ ნდობით.

დააკვირდით, რომ რწმენა ფესვს იდგამს, როდესაც ვენდობით იესო ქრისტეს, ხოლო იგი ხარობს, როდესაც ვართ თავდადებულები და უფლის ერთგულები. თუ ნამდვილი ურთიერთობა გსურთ ქრისტესთან, უჩვენეთ მას ეს აღთქმების დადებითა და მათი პატივისცემით, თავდადებითა და ერთგულებით. იესო ქრისტესთან აღთქმების დადებით მყარდება იმედი. მათი დაცვა აძლიერებს რწმენას.

ნება მიბოძეთ, გამოვიყენო პირადი მაგალითი: ბავშვობაში ერთ დღეს შევნიშნე, რომ დედაჩემი განმარტოვებული ტიროდა. როდესაც ვკითხე, რატომ, მან ფაქიზად მითხრა: „მე მჭირდება, რომ შენ კარგი ბიჭი იყო.“ მიუხედავად იმისა, რომ ვიცოდი, მე არ გამომეწვია მისი სევდა, მე დედა მიყვარდა და ვენდობოდი მას, როგორც არავის სხვას და მსურდა, მისი ცხოვრება გამეიოლებინა. შესაბამისად, აცრემლებული თვალებითა და მთელი სერიოზულობით, რომელიც ცხრა წლის ასაკში გამაჩნდა, მე დედას იმ დღეს დავპირდი, რომ ყოველთვის ვეცდებოდი ვყოფილიყავი მისთვის საუკეთესო და საამაყო შვილი.

შეგიძლიათ წარმოიდგინოთ, თუ რამდენად დიდი ძალა ჰქონდა ამ დაპირებას ჩემზე - და კვლავაც აქვს?

მისთვის მიცემულმა ამ პირობამ ჩემი ცხოვრება წარმართა. გადაწყვეტილების მიღებამდე, მე ვითვალისწინებდი ხოლმე ჩემი მოქმედებები თუ იქნებოდა მისაღები მისთვის. აღნიშნული დაპირების კავშირი და დედაჩემთან ურთიერთობა ჩემი მოქმედებებისათვის მთელი ცხოვრების განმავლობაში ასრულებდა საყრდენის როლს.

წლების შემდეგ, როდესაც იესო ქრისტე უკეთ გავიცანი, მე უკვე ვიცოდი, როგორ დამემყარებინა ჩემი რწმენა ქრისტეში. მე უფალთან დავდე აღთქმები და როგორც მე ვცდილობდი მათ დაცვას, უფალმაც მაპატია ჩემი ცოდვები, წინამძღოლობდა ჩემს ცხოვრებას და მთელი არსებით „აღმავსო თავისი სიყვარულით“. ქრისტემ ჩამინერგა უფლის მიმართ ღრმა სიყვარული, პატივისცემა და ერთგულება.

გესმით, რატომ არის „რწმენა მოქმედების პრინციპი“, და, რომ „რწმენის გარეშე შეუძლებელია ღვთისთვის მოსაწონად ყოფნა“?

როდესაც ცდილობთ, აკეთოთ ის, რაც უფალს მოსწონს, თქვენ იოსებივით იტყვით, როდესაც ეგვიპტეში მის ცდუნებას ფოტიფარის ცოლი ცდილობდა: „და როგორ ვქნა ეს დიდი ბოროტება და ღმერთს შევცოდო?“ და როდესაც წინააღმდეგობას წააწყდებით, ახალგაზრდა წინასწარმეტყველი ჯოზეფის მსგავსად იტყვით: „მე ვიცოდი ეს და ვიცოდი, რომ ღმერთმა იცოდა ეს; არ შემეძლო ; … ამის უარყოფა; ; … ასე რომ მოვქცეულიყავი, ეს შეურაცხყოფდა ღმერთს.“

იესო ქრისტეში რწმენა არის კავშირი გამოჭედილი ერთგულებითა და სიყვარულით. სხვა სიტყვებით რომ ვთქვათ, უფლის მოწყალე სიყვარულისთვის (ჰესედ) მადლიერებას ჩვენ გამოვხატავთ ჩვენი ერთგული სიყვარულით (ემუნა) უფლის მცნებების დაცვით.

ქრისტე გვპირდება: „ვისაც ჩემი მცნებები აქვს და იცავს მათ, ; … ჩემი მამაც შეიყვარებს. მეც შევიყვარებ მას და მე თავად გამოვეცხადები“. თუ უფლის მიმართ ერთგულები იქნებით, იგი გამოგივლენთ თავის სიყვარულს.

როგორ უნდა უპასუხოთ ისეთ რთულ სიტუაციებს, რომელნიც უფლის სასწაულებს მოითხოვენ? მიუხდავად იმისა, რომ გამოწვევები გარდაუვალია და ზოგჯერ საშიშიცაა, უბრალოდ უშიშრად იარეთ უფლისკენ, როგორც ა.გ. 2025-ის საკონფერენციის დევიზი გიწვევთ: „მე დამეყრდენით ყოველ ფიქრში, ნუ ეჭვობთ, ნუ გეშინიათ.“

როგორ შეგიძლიათ უშიშრად იაროთ უფლისაკენ?

წარმოიდგინეთ, რომ ხართ მკვლევარი გამოუკვლევ ტერიტორიაზე. იმისათვის, რომ გადალახოთ წინააღმდეგობები, სინათლის წყარო გჭირდებათ. თქვენი ღმერთისადმი ერთგულება და მასთან მუდმივი ურთიერთობა არის თქვენი ლამპრის საწვავი. ასე რომ, როდესაც ბნელი და სახიფათო სიტუაციები შეგხვდებათ, მათკენ ბრმად სიარულის ნაცვლად, თქვენ მოიმარჯვებთ ლამპარს, რომელიც სავსეა ქრისტეს რწმენის ზეთით, რათა ბუნდოვან გზებს მოჰფინოს იმედის მკრთალი სინათლე. თქვენი წარსული გამოცდილებები გაგიძლიერებს იმედს, რომ უფალი დაგიცავთ თქვენი მოგზაურობისას.

ჩემო ახალგაზრდა მეგობრებო, როგორ გვიყვარხართ და გენდობით! თქვენ ეკუთვნით ღვთის ოჯახს და ხართ აღთქმის შვილები. გწამდეთ და ენდეთ იესო ქრისტეს. უფალი საშუალებას მოგცემთ, რომ ნამდვილად გახდეთ მისი მოწაფეები.

მე გიწვევთ, რომ დღესვე დაიწყოთ იესო ქრისტესთან თქვენს ურთიერთობაზე ზრუნვა. აიღეთ ვალდებულება, რომ არასოდეს მიატოვებთ უფალს.

თქვენი ერთგულება, სიყვარული და ნდობა ქრისტეს მიმართ ჩამოგიყალიბებთ პიროვნულ თვისებებსა და იდენტობას, უფლის მსგავსს. თქვენ შეიძენთ თავდაჯერებასა და ძალას, რათა გადალახოთ სატანის თავდასხმები. და როდესაც შეცდომებს დაუშვებთ, მისწრაფება გექნებათ უფლისგან მიტევებისკენ. საბოლოოდ, გექნებათ ნათელი მომავლის იმედი. უფალი მოგანდობთ საკუთარ ძალას, რომ შეასრულოთ ნებისმიერი რამ, რასაც თქვენგან ელის, უფლის სუფევაში დაბრუნების ძალის ჩათვლით.

მე თქვენ წინაშე ვმოწმობ იმ სიხარულის შესახებ, რომელიც მოდის „გამომსყიდველ სიყვარულზე გალობის“ დროს და სიხარულზე, რომ „მარადიულად მოქცეული ვარ მის სიყვარულით აღსავსე ხელებში.“ იესო ქრისტეს წმინდა სახელით, ამინ.