Kite Nauvoo epi Ale nan Lwès

Sen yo fè epi kenbe pwomès yo fè Senyè a

Brigham Young ap sipèvize finisman Tanp Nauvoo a.

“Joseph Smith te mouri.” Kounye a, Brigham Young ak lòt Apot yo te dirije Legliz la. Brigham te konnen ke Sen yo pa t an sekirite ankò nan Nauvoo. Yo t ap oblije kite. Men, anvan sa, Senyè a te vle yo fini bati tanp lan. Li te vle yo fè alyans avèk Li epi sele antanke fanmi.

Saints, 1:571, 579–80

Brigham ede Sen yo resevwa benediksyon nan tanp lan.

Apre kèk mwa, tanp lan te pare pou moun yo fè alyans ladan l. Plizyè milye Sen te vini nan tanp lan. Brigham te rete nan tanp lan byen ta nan nuit pou ede yo fè alyans avèk Senyè a. Finalman, Brigham te di tout moun yo te bezwen kite Nauvoo.

Saints, 1:280

Brigham ap di Sen yo ke yo bezwen kite Nauvoo.

Lè Brigham te leve nan demen maten, gen plis Sen ki t ap tann nan tanp lan. Brigham te di yo ke yo pa t an sekirite pou yo te rete nan Nauvoo. Yo te bezwen jwenn yon nouvo fwaye nan Lwès. Li te pwomèt ke yo te ka bati yon nouvo tanp lè yo te rive kote sa a.

Saints, 1:582–83; 2:13–14

Sen yo k ap sipliye Brigham pou yo resevwa benediksyon nan tanp lan.

Men Sen yo pa t ale. Yo te vle fè alyans avèk Senyè a anvan yo te kòmanse vwayaj yo ale nan yon nouvo fwaye.

Saints, 1:583

Brigham ap kontinye ede Sen yo resevwa benediksyon nan tanp lan.

Brigham te wè figi yo epi li te chanje lide l. Li te pase tout rès jounen an ak demen ap ede Sen yo fè alyans nan tanp lan.

Saints, 1:583

Sen yo kite Nauvoo epi yo kòmanse vwayaj yo ale nan lwès la.

Kounyeya, Sen yo te fin fè alyans avèk Senyè a, li te lè pou yo te kite Nauvoo. Brigham te konnen ke Senyè a te gen yon kote ki te prepare pou yo. Li te wè l nan yon vizyon. Yo te kòmanse vwayaj yo a. Tan an te frèt, epi atè a te gen labou. Moun yo te vin malad. Yo te gentan kòmanse manke manje.

Saints, 2:16–18, 20–21

Brigham ak lòt moun k ap viv nan yon kan nèj.

Sen yo te gen anpil wout toujou pou yo te fè. Brigham t ap mande tèt li ki jan yo te ka fè yon vwayaj long ak difisil konsa. Li te priye pou èd Bondye.

Saints, 2:46

Sen ki ap pran swen youn lòt nan Winter Quarters.

Senyè a te bay Brigham yon revelasyon. Li te anseye Brigham kijan pou l te dirije Sen yo. Li te di ke youn te dwe ede lòt pran swen pòv yo.

Doktrin ak Alyans 136:1–8

Sen yo k ap kontinye vwayaj yo al nan lwès la nan sezon prentan.

Senyè a te di ke Sen yo te dwe sonje alyans yo te fè avèk Li yo. Si yo te fè sa, Li t ap beni yo epi l t ap ede yo nan vwayaj yo a.

Doktrin ak Alyans 136:4, 11, 42; Saints, 2:47

Vwayaj la te toujou difisil anpil. Gen kèk moun ki te mouri. Men, akoz alyans tanp yo, Sen yo te konnen ke yo t ap wè manm fanmi yo ankò.

Wilford Woodruff ak Brigham Young k ap rive nan Vale Salt Lake la.

Kèk mwa apre, premye Sen yo te rive nan Vale Salt Lake la an 1847. Lè Brigham Young te wè vale a, li te di, “Sa a se vrè kote a.” Se te menm kote li te wè nan yon vizyon an. Se te kote Sen yo t ap an sekirite. Isit la yo te kapab adore Senyè a epi fè travay Li a nan lapè.

Saints, 2:17, 64–67

Atravè ane yo, plis an plis Sen te rive. Yo bati pi plis tanp, kote moun yo te ka fè alyans avèk Senyè a. Yo te voye misyonè nan tout mond lan pou anseye levanjil Jezikri a. Legliz Sovè a te kontinye grandi, ap beni pitit Papa nou ki nan Syèl la yo toupatou.