Yo Atake Joseph ak Sidney

Gen moun ki te renmen sa Joseph Smith t ap anseye konsènan Papa nou ki nan Syèl la, Jezikri, ak syèl la. Men, gen lòt moun ki pa t renmen sa l t ap anseye yo. Kèk nan yo te vin fache e yo te vle anpeche Joseph anseye.

Doktrin ak Alyans yo 76; Les Saints, 1:149–50

Yon jou swa, Joseph te sou pye l byenta ap ede Emma pran swen youn nan tibebe marasa yo te adopte yo. Tibebe a te malad anpil.

Les Saints, 1:150

Emma te pran tibebe a epi li te di Joseph pou l repoze l. Li te gen pou l preche nan maten. Finalman, ni Joseph ak Emma te dòmi.

Les Saints, 1:150

Sanzatann, pòt la te ouvri, e yon gwoup gason ankòlè te kouri antre nan sal la. Emma te rele lè mesye yo te pran Joseph pa bra li, janm, ak cheve li. Yo te trennen l soti nan kay la.

Les Saints, 1:150–51

Joseph te eseye libere tèt li anba mesye yo, men yo te kenbe l byen di. Joseph te wè mesye yo t ap trennen zanmi li Sidney Rigdon kite lakay li.

Les Saints, 1:151

Mesye yo te dechire rad Joseph epi yo te vide lakòl cho, kolan sou tout po l ak cheve l. Apresa, yo kouvri l ak plim epi yo kouri ale.

Les Saints, 1:152

Apre mesye yo te fin ale, Joseph te retounen lakay li. Emma te pè lè l te wè Joseph. Zanmi ki t ap viv toupre a te tande sa k te pase a e yo te prese vin ede. Emma te grate lakòl la soti sou po Joseph. Pandan tout rès nuit lan, Emma ak zanmi l yo te ede pran swen Joseph ak Sidney.

Doktrin ak Alyans yo 25:5; Les Saints, 1:153

Nan demen, Joseph te toujou gen anpil doulè. Men, li te abiye epi anseye yon gwoup moun konsènan Jezikri. Kèk nan mesye ki te atake l yo tap tande l. Pita nan jou sa a, Joseph te batize twa moun. Li te kontinye fè travay Senyè a menm lè moun yo te eseye kanpe l.

Doktrin ak Alyans yo 24:8; Les Saints, 1:153