“Parley ak Thankful Pratt,” Istwa Doktrin ak Alyans yo (2024)
“Parley ak Thankful Pratt,” Istwa Doktrin ak Alyans yo
Out–Septanm 1830
Parley ak Thankful Pratt
Lafwa pou suiv Lespri a
Parley Pratt ak Thankful Pratt sete kiltivatè nan Ohio. Yon jou, Parley te santi Lespri a ki tap di l pou l te kite kay li pou l t al anseye moun Bib la.
Les Saints, 1:92
Parley ak Thankful te vann fèm yo a. Yo pa t konnen ki kote yo ta prale, men yo te gen konfyans ke Bondye t ap beni yo paske y ap sèvi Li.
Les Saints, 1:92
Parley ak Thankful te pran kèk rad ak lajan epi yo te monte sou yon bato. Pandan yo t ap vwayaje atravè Nouyòk, Lespri a te di Parley pou l te desann bato a. Parley te mande Thankful pou l te kontinye san li. Li te pwomèt ke l t ap retounen al jwenn li byento. Li te santi te gen yon bagay Bondye te vle l fè nan Nouyòk.
Les Saints, 1:92
Parley te mache pandan lontan. Finalman, li te rive lakay yon predikatè. Predikatè a te pale Parley de yon liv etranj yon moun te ba li. Li te soti nan plak lò epi li te ekri sa te gen lontan. Yo te rele l Liv Mòmon an. Gen yon jèn gason nan Nouyòk ki te tradui l avèk pouvwa Bondye.
Les Saints, 1:92
Parley te trè kirye. Predikatè a te montre Parley liv la. Eksite, Parley te ouvri li epi li te kòmanse li. Kèk èdtan te pase, men li pa t ka sispann li, ni menm manje oswa dòmi. Lespri Senyè a te di l ke se te verite.
Les Saints, 1:92–93
Parley te renmen Liv Mòmon an anpil, li te vle jwenn mesye ki te tradui l la. Li te mache al nan fèm fanmi Smith la, kote li te rankontre Hyrum, frè Joseph la. Yo te pale pandan tout lannuit la. Hyrum te di Parley ke Liv Mòmon an se verite. Li te bay Parley pwòp liv pa l la.
Les Saints, 1: 93
Pandan l t ap li, Parley te aprann ke Jezikri te vizite moun ki t ap viv nan Amerik yo sa te gen lontan Parley te kapab wè ke Liv Mòmon an te vo plis pase tout richès nan mond lan. Li pa t kapab rete tann pou l te retounen al jwen Thankful epi pataje sa l te aprann yo avèk li.
Les Saints, 1:93; 3 Nefi 11:1–12
Parley te pale Thankful ak lòt manm fanmi l yo de Liv Mòmon an. Li te di yo sa li anseye apwopo Jezikri. Thankful te kontan dèske Parley te suiv Lespri a epi li te jwenn travay Bondye te vle l fè a. Menmjan ak Parley, Thankful te aprann pou tèt pa li ke Liv Mòmon an se verite.
Les Saints, 1:196–99