“Rasanbleman nan Ohio,” Istwa Doktrin ak Alyans yo (2024)
“Rasanbleman nan Ohio,” Istwa Doktrin ak Alyans yo
Desanm 1830–Me 1831
Rasanbleman nan Ohio
Lafwa Lucy Smith ak yon mirak
Nan Ohio, plis moun t ap rantre nan Legliz la. Senyè a te di Joseph Smith ke Sen yo ki t ap viv nan lòt zòn ta dwe rasanble nan Ohio. Sa t apral yon vwayaj long. Men, Senyè a te pwomèt ke apre yo te rasanble, Li t ap anseye Sen yo lwa Li epi beni yo avèk pouvwa pou yo fè travay Li a.
Doktrin ak Alyans 37; 38:32; Saints, 1:109–110
Manman Joseph, Lucy, ak yon gwoup apeprè 80 manm Legliz la te kite kay yo nan Nouyòk epi te deplase ale nan Ohio. Yo te pran yon bato ki ta pral mennen yo sou yon pati wout la. Apre yo te fin vwayaje pandan kèk jou, bato a te oblije kanpe. Glas epè nan dlo a te bloke wout yo.
Les Saints, 1:121–22
Sen yo te oblije tann pou glas la te fonn. Yo te fatige, grangou, mouye, epi frèt.
Saints, 1:122
Li te difisil pou yo tann. Kèk nan Sen yo te kòmanse nan diskisyon youn ak lòt.
Les Saints, 1:122
Lucy pa t renmen tande Sen yo diskite. Li te konnen li te bezwen di yon bagay. “Kote lafwa nou?” li te mande. Lucy te di Sen yo ke si yo ta priye Bondye, Li ta fonn glas la pou yo te kapab kontinye vwayaj yo a.
Les Saints, 1:122–23
Briskeman, yo te tande yon bri tankou loraj pandan glas la t ap kase separe. Yon chemen te louvri nan glas la, jis laj ase pou bato yo a travèse.
Les Saints, 1:123
Sen yo te sezi e yo te rekonesan. Yo te rasanble pou yo priye epi remèsye Papa nou ki nan Syèl la. Bato yo a te vwayaje san danje nan direksyon Ohio.
Les Saints, 1:123
Lè Sen yo te rive Ohio, manm Legliz yo te akeyi yo epi yo te ede yo jwenn kote pou yo viv. Senyè a te kenbe pwomès Li pou anseye yo lwa Li yo epi ba yo pouvwa pou fè travay Li.
Doktrin ak Alyans 42; Les Saints, 1:126