“Jozèf ak Sidney Aprann konsènan syèl la,” Istwa Doktrin ak Alyans yo (2024)
“Jozèf ak Sidney Aprann konsènan syèl la,” Istwa Doktrin ak Alyans yo
Fevriye 1832
Joseph ak Sidney Aprann konsènan Syèl la
Yon vizyon konsènan benediksyon Bondye pou pitit Li yo
Yon jou, Joseph Smith ak Sidney Ridgon t ap li Bib la. Yo te li konsènan sa k rive moun apre yo mouri. Jozèf ak Sidney te reflechi konsènan sa yo te li a, e yo te vle aprann plis.
Seyè a te ba yo yon vizyon etonan. Yo te wè Pè Selès la ak Jezikri ki antoure ak zanj. Yo te tande yon vwa ki di ke Jezi se Pitit Gason Bondye. Vwa a te di ke Jezi te mouri pou nou epi apresa li te resisite—Li te retounen a lavi. Paske Li te fè sa, nou pral resisite tou.
Doktrin ak Alyans 76:19–24, 39–43
Joseph ak Sidney te aprann ke apre nou fin resisite, n ap viv nan youn nan twa kote yo nan syèl la, ki rele wayòm yo. Moun ki pa aksepte levanjil Jezikri a pral ale nan wayòm telès la. Senyè a te konpare wayòm sa a ak limyè zetwal yo.
Joseph ak Sidney te aprann tou konsènan yon wayòm ki rele wayòm terès la. Wayòm sa a se pou moun ki viv korèk men ki pa obeyi levanjil Jezikri a konplètman. Yo pa fèm nan lafwa yo nan Li. Senyè a te konpare wayòm sa a ak limyè lalin nan.
Wayòm ki pi wo a se wayòm selès la. Moun nan wayòm sa a te fè alyans, oswa pwomès yo, avèk Bondye e yo te kenbe alyans yo. Yo te repanti epi suiv Jezikri. Yo viv avèk Papa nou ki nan Syèl la ak Jezi pou tout tan epi yo vin menmjan avèk yo. Senyè a te konpare wayòm sa a ak limyè solèy la.
Senyè a te di Jozèf ak Sidney pou yo pa pataje tout sa yo te wè nan vizyon yo. Men, Li te vle yo ekri konsènan kèk nan yo epi pataje l ak lòt moun. Anpil manm Legliz yo te kontan anpil pou rakonte moun konsènan vizyon an.
Doktrin ak Alyans 76:113–119; Les Saints, 1:149–50
Gen moun ki pa t renmen vizyon an. Li te diferan de sa yo te kwè. Men, pifò nan Sen yo te rekonesan pou yo aprann konsènan revelasyon sa a. Li te montre yo ke Papa nou ki nan Syèl la renmen pitit Li yo epi te kreye yon fason pou yo retounen jwenn Li.
Les Saints, 1:149–50